យុគសម័យ - នាថ្ងៃទី ២៨ ខែកក្កដា ក្រុមប្រឹក្សាសន្តិសុខអង្គការសហប្រជាជាតិ បានពិភាក្សាគ្នាជារៀងរាល់ខែអំពីស្ថានភាពនៅយេម៉ែននៅទីស្នាក់ការអង្គការសហប្រជាជាតិ។
លោកឯកអគ្គរដ្ឋទូត Dang Dinh Quy ប្រធានគណៈប្រតិភូវៀតណាមប្រចាំនៅអង្គការសហប្រជាជាតិបានថ្លែងមតិនៅក្នុងកិច្ចប្រជុំស្តីពីស្ថានភាពនៅយេម៉ែន
នៅក្នុងកិច្ចប្រជុំនេះ លោកឯកអគ្គរដ្ឋទូត Dang Dinh Quy ប្រធានគណៈប្រតិភូវៀតណាមប្រចាំនៅអង្គការសហប្រជាជាតិបានសម្តែងការព្រួយបារម្ភចំពោះការប្រយុទ្ធថ្មីៗនេះនៅយេម៉ែន។ ទន្ទឹមនឹងនេះ លោកបានគាំទ្រដល់ផែនការសន្តិភាព ៣ ចំណុចនៃបេសកកម្មពិសេសរបស់អគ្គលេខាធិការអង្គការសហប្រជាជាតិអំពីស្ថានភាពនៅយេម៉ែន។
លោកឯកអគ្គរដ្ឋទូតបានជំរុញឱ្យភាគីទាំងក្នុងនិងក្រៅប្រទេសយេម៉ែនចាត់វិធានការចាំបាច់ដើម្បីសម្រេចបានបទឈប់បាញ់នៅទូទាំងប្រទេសយេម៉ែន ហើយបង្កើតលក្ខខណ្ឌនិងមិនរារាំងសកម្មភាពមនុស្សធម៌។ ព្រមជាមួយគ្នានេះ ចាត់វិធានការដើម្បីដោះស្រាយហានិភ័យនៃអសន្តិសុខស្បៀងក្នុងពេលឆាប់ៗនេះ ហើយសង្កត់ធ្ងន់លើកាតព្វកិច្ចការពារជនស៊ីវិល ជាពិសេសស្ត្រីនិងកុមារ។ ក្រៅពីនេះ លោកបានអំពាវនាវឱ្យភាគីទាំងអស់អនុវត្តកិច្ចព្រមព្រៀង Stockholm និងកិច្ចព្រមព្រៀង Ryadh យ៉ាងតឹងរឹង ហើយបន្តការសន្ទនាគ្នានិងស្វែងរកដំណោះស្រាយនយោបាយដ៏ទូលំទូលាយក្នុងនាមជាអន្តរការីរបស់អង្គការសហប្រជាជាតិ៕(បកប្រែដោយសាមេត)
(ប្រភពព័ត៌មាន: baoquocte.vn)
មតិពីមិត្តអ្នកអាន