យុគសម័យ - ឥឡូវនេះខេត្ត Ninh Thuan អញ្ជើញអ្នកទេសចរដែលមកទស្សនាកន្លែងមួយគួរឱ្យចាប់អារម្មណ៍ នោះគឺជា Hon Do ។
ទឹកសមុទ្រខៀវស្រងាត់។
Hon Do គឺជាប្រជុំផ្កាថ្មដែលមានទីតាំងស្ថិតនៅភូមិ My Hiep ឃុំ Thanh Hai ស្រុក Ninh Hai។ Hon Do ឆ្ងាយពី ១៧ គីឡូម៉ែត្រ ពីទីក្រុង Phan Rang – Thap Cham។ កន្លែងនេះ មានផ្ទាំងថ្មជាច្រើនដែលលិចលង់ដោយទឹកសមុទ្រ រួមជាមួយព្រៃនិងខ្សាច់ពណ៌ស។ ដូច្នេះ Hon Do សក្តិសមជាកន្លែងគយគន់ទេសភាពព្រះអាទិត្យរះដែលស្រស់ស្អាតបំផុត នៅខេត្ត Ninh Thuan។
សម្រស់នៃទេសភាពព្រះអាទិត្យរះ។
Hon Do ប្រមូលសម្រស់ទាំងទឹកសមុទ្រ ពពកនិងមេឃ វាលខ្សាច់ពណ៌ស សម្រស់នៃពន្លឺព្រះអាទិត្យ ខ្យល់បរិសុទ្ធបក់លម្មដែលទាក់ទាញភ្ញៀវជាច្រើននាក់។ នាពេលព្រះអាទិត្យរះ ឬពេលព្រះអាទិត្យលិចគឺជាពេលវេលាដ៏ស្រស់ស្អាតបំផុតនៅទីនេះ។
ជាធម្មតា ប្រសិនបើអ្នកចង់គយគន់ផ្កាថ្ម អ្នកអាចមុជជ្រៅចូលទៅក្នុងមហាសមុទ្រ ប៉ុន្តែនៅពេលដែលអ្នកមកដល់ Hon Do អ្នកនឹងឃើញផ្កាថ្មនៅលើដីដែលជាប្រជុំផ្កាថ្មតែមួយគត់កំពុងរង់ចាំអ្នកមកទស្សនានិងស្វែងយល់។ ទន្ទឹមនឹងនេះ អ្នកអាចអង្គុយលើថ្មប៉ប្រះទឹក និងគយគន់ទេសភាពព្រះអាទិត្យរះ ដើម្បីស្វាគមន៍ថ្ងៃថ្មីហើយ ឬកយគន់ទេសភាពព្រះអាទិត្យលិច។
Hon Do ទាំងមូលត្រូវបានព័ទ្ធជុំវិញដោយព្រៃ ដែលគ្មានមនុស្សរស់នៅ ដូច្នេះសោភណ្ឌភាពធម្មជាតិនៃព្រៃភ្នំនៅតែរក្សាស្ថានភាពដើម។ ហេតុនេះ Hon Do គឺជាកន្លែងដ៏ល្អសម្រាប់អ្នកដែលចូលចិត្តស្វែងយល់។ នៅតាមដងផ្លូវស្វែងយល់នូវព្រៃ អ្នកអាចជួបនិងប្រាស្រ័យទាក់ទង ជាមួយកងទ័ពការពារព្រំដែន។ លើសពីនេះភ្ញៀវទេសចរសន្ទូចត្រីនិងនិយាយជាមួយប្រជាជនក្នុងតំបន់។
ួទេសភាពព្រះអាទិត្យលិច។
គួបផ្សំនឹងទេសចរណ៍ Hon Do អ្នកក៏អាចមកទស្សនា Hon Den, ឈូងឆ្នេរសមុទ្រ Vinh Hy, ចំការទំពាំងបាយជូរ Thai An ... ដើម្បីស្វែងយល់សម្រស់ស្អាតនៅខេត្ត Ninh Thuan។ Hon Do មានភាពសុខសាន្ត មិនអ៊ូរអរដូចឆ្នេរសមុទ្រផ្សេងៗទៀត។ បើសិនជាអ្នកមកទស្សនា Hon Do ម្តងហើយ ដែលធ្វើឲ្យអ្នកចង់ចាំនិងចង់មកទស្សាម្តងទៀត./.
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន