យុគសម័យ - មន្ទីរពេទ្យ St. Georg នៅទីក្រុង Leipzig ប្រទេសអាល្លឺម៉ង់ទើបតែទទួលអំណោយពីមន្ទីរពេទ្យយោធា ១៧៥ នៃប្រទេសវៀតណាម។
លោកអភិបាលក្រុង Leipzig បានថ្លែងអំណរគុណវៀតណាមដែលបានជួយគាំទ្រក្នុងការប្រយុទ្ធប្រឆាំងនឹងជំងឺរាតត្បាត។ (ប្រភព៖TTXVN)
បន្ទាប់ពីមន្ទីរពេទ្យ St. Georg នៅទីក្រុង Leipzig ប្រទេសអាល្លឺម៉ង់ទទួលបានអំណោយពីមន្ទីរពេទ្យយោធា ១៧៥ ហើយនោះ អភិបាលក្រុង Leipzig លោក Burkhard Jung បានថ្លែងអំណរគុណចំពោះដៃគូនានានៃប្រទេសវៀតណាម និងបានសង្កត់ធ្ងន់ថា ក្នុងវិបត្តិយើងទើបឃើញបានច្បាស់នូវសារៈសំខាន់នៃកិច្ចសហប្រតិបត្តិការអន្តរជាតិយូរអង្វែង។
សំភារៈបរិក្ខារពេទ្យដែលមន្ទីរពេទ្យ St. Georg ទទួលបានរួមមានម៉ាស់ចំនួន ១ ម៉ឺនម៉ាស់ ស្លៀកបំពាក់ការពារផ្ទាល់ខ្លួនចំនួន ១០០០ រួមទាំងវ៉ែនតាការពារ និងស្រោមដៃផងដែរ។
Leipzig គឺជាទីក្រុងដែលចងសម្ព័ន្ធមេត្រីភាពជាមួយទីក្រុងហូជីមិញនៃប្រទេសវៀតណាម។ ភាគីទាំងពីរបានបង្កើតកិច្ចសហប្រតិបត្តិការយ៉ាងជិតស្និទ្ធលើវិស័យជាច្រើន ហើយទីក្រុង Leipzig ក៏ជាទីក្រុងនៃប្រទេសអាល្លឺម៉ង់តែមួយគត់ដែលមានការិយាល័យតំណាងប្រចាំនៅទីក្រុងហូជីមិញ៕
(ប្រែសម្រូលដោយវិច្ឆិកា)
មតិពីមិត្តអ្នកអាន