យុគសម័យ - កាសែត New York Post ទើបតែមានអត្ថបទរបស់អ្នកនិពន្ធលោកស្រី Dana Kenedyសរសើរពីជោគជ័យរបស់វៀតណាមក្នុងការឆ្លើយតបនឹងជំងឺរាតត្បាតកូវិដ១៩។ រហូតមកដល់ពេលនេះប្រទេសវៀតណាមមានអ្នកឆ្លងចំនួន ៣២៨ នាក់ហើយមិនទាន់មានអ្នកស្លាប់នៅឡើយទេ។
កាសែត New York Post កោតសរសើរការបង្ការនិងប្រយុទ្ធប្រឆាំងនឹងជំងឺរាតត្បាតកូវិដ១៩ប្រកបដោយជោគជ័យរបស់វៀតណាម។
កាលពីពេលថ្មីៗនេះកាសែត New York Post ក៏បានកោតសរសើរចំពោះការប្រយុទ្ធប្រឆាំងនឹងជំងឺរាតត្បាតកូវិដ១៩ របស់វៀតណាមប្រកបដោយជោគជ័យ។
អ្នកនិពន្ធលោកស្រី Dana Kenedy បានលើកឡើងម្តងទៀតនូវការអត្ថាធិប្បាយរបស់អ្នកជំនាញផ្នែកសុខភាពដែលចែករំលែកដោយទូរទស្សន៍ CNN មុននេះ ពន្យល់ថាតើប្រទេសវៀតណាមដែលជាប្រទេសមួយដែលមិនមែនជាប្រទេសអ្នកមាននិងប្រព័ន្ធសុខាភិបាលដែលរីកចម្រើននោះទេ រហូតមកដល់ពេលនេះមិនមានអ្នកស្លាប់ដោយសារកូវិដ១៩ទេ ។ នេះក៏ព្រោះតែប្រទេសវៀតណាមបានឆ្លើយតបភ្លាមៗនិងធ្វើសកម្មភាពយ៉ាងរហ័ស។
លោក Pham Quang Thai អនុប្រធាននាយកដ្ឋានប្រយុទ្ធនឹងជំងឺបានឲ្យដឹងថា៖ «យើងមិនត្រឹមតែរង់ចាំការណែនាំពីអង្គការសុខភាពពិភពលោកប៉ុណ្ណោះទេ។ យើងប្រើទិន្នន័យដែលប្រមូលបានពីខាងក្រៅនិងក្នុងប្រទេសហើយសំរេចចិត្តចាត់វិធានការមុន»។
អ្នកនិពន្ធលោកស្រី Dana Kenedy បានសរសេរថា ប្រទេសវៀតណាមបានបញ្ជាក់ពីករណីដំបូងនៃកូវិដ១៩ កាលពីថ្ងៃទី ២៣ ខែមករាប៉ុន្តែប្រទេសនេះបានត្រៀមខ្លួនប៉ុន្មានសប្តាហ៍មុន។
យោងតាមអ្នកនិពន្ធអត្ថបទបាននិយាយថាចាប់ពីដើមខែមករាឆ្នាំ ២០២០ ប្រទេសវៀតណាមបានអនុវត្តវិធានការយ៉ាងរហ័ស ដូចជាអនុវិត្តការត្រួតពិនិត្យសីតុណ្ហភាពរាងកាយនៅឯព្រលានយន្តហោះសម្រាប់អ្នកដំណើរដែលត្រឡប់មកពីវូហាន។
ទោះបីជាទាំងចិននិងអង្គការសុខភាពពិភពលោក (WHO) នៅពេលនោះបានបញ្ជាក់ថាមិនមានភ័ស្តុតាងណាមួយបង្ហាញថាវីរុសនេះមានសមត្ថភាពឆ្លងរវាងមនុស្សទេ។ គ្រាន់តែមួយសប្តាហ៍ក្រោយមករដ្ឋាភិបាលវៀតណាមបានអនុវត្តយ៉ាងរហ័សនូវការដាក់ឲ្យដាច់ពីគេនៅតាមច្រកព្រំដែនកំពង់ផែនិងអាកាសយានដ្ឋាន។
នៅថ្ងៃទី ១ ខែកុម្ភៈប្រទេសវៀតណាមបានប្រកាសពី ការឆ្លងមេរោគផ្លូវដង្ហើមធ្ងន់ធ្ងរដែលបណ្តាលមកពីវីរុសកូរ៉ូណា។ នៅពេលនោះប្រទេសបានកត់ត្រាចំនួន ៦ ករណី។ រាល់ជើងហោះហើររវាងវៀតណាមនិងចិនត្រូវបានបញ្ឈប់បន្ទាប់មកមានការសម្រេចបញ្ឈប់ការផ្តល់ទិដ្ឋាការដល់ជនជាតិចិន។
នៅចុងខែមេសាឆ្នាំ ២០២០ បន្ទាប់ពីរយៈពេល ៣ សប្តាហ៍នៃការអនុវត្តវិធានការរាក្សាគម្លាតសង្គម វៀតណាមបានលុបចោលការរឹតត្បិត។ ចាប់តាំងពីបន្ធូរបន្ថយការរាក្សាគម្លាតសង្គមវៀតណាមបានចំណាយពេលជាង ៤០ ថ្ងៃដោយគ្មានករណីឆ្លងថ្មីណាមួយត្រូវបានរាយការណ៍នៅក្នុងសហគមន៍។ សហគ្រាសបានបើកជាថ្មីនិស្សិតបានទៅសាលារៀនបន្ទាប់ពីឈប់សម្រាកជាច្រើនថ្ងៃជីវិតបានវិលត្រឡប់ទៅរកស្ថានភាពធម្មតាវិញ៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន