យុគសម័យ - នាព្រឹកថ្ងៃទី២២ ខែមេសា នៅរដ្ឋធានីហាណូយ បានប្រព្រឹត្តឡើងពិធីប្រគល់-ទទួលសំភារៈបរិក្ខារពេទ្យសំរាប់ប្រឆាំងនឹងជំងឺកូវីដ១៩ដែលជាអំណោយពីក្រសួងការពារជាតិនៃសាធារណៈរដ្ឋសង្គមនិយមវៀតណាមផ្តល់ជូនក្រសួងការពារជាតិនៃព្រះរាជាណាចក្រកម្ពុជា។ អញ្ជើញចូលរួមកម្មវិធីមានវត្តមានរបស់ឯកឧត្តម ចាយ ណាវុធ ឯកអគ្គរាជទូតវិសាមញនិងពេញសមត្ថភាពព្រះរាជាណាចក្រកម្ពុជាប្រចាំវៀតណាម ឧត្តមសេនីយ៍ត្រី៏ Nguyen Xuan Kien ប្រធាននាយកដ្ឋានពេទ្យយោធា(នាយកដ្ឋានភស្ភុភារ)និងបណ្តាថ្នាក់ដឹកនាំនៅនាយកដ្ឋានទំនាក់ទំនងអន្តរជាតិ(ក្រសួងការពារជាតិ)។
ពិធីប្រគល់ភារៈបរិក្ខារពេទ្យសំរាប់ប្រឆាំងជំងឺកូវីដ១៩របស់ក្រសួងការពារជាតិវៀតណាមដល់ក្រសួងការពារជាតិកម្ពុជា។ (រូបថត៖ Ngoc Thu/qdnd)
ទទួលសិទ្ធិពីថ្នាក់ដឹកនាំក្រសួងការពារជាតិវៀតណាមដើម្បីថ្លែងក្នុងពិធី ឧត្តមសេនីយ៍ត្រី Nguyen Xuan Kien សង្កត់ធ្ងន់ថាក្នុងគោលបំណងចែករំលែកនូវការលំបាករបស់រាជរដ្ឋាភិបាលនិងប្រជាជនកម្ពុជានិងតាមការឯកភាពរវាងក្រសួងការពារជាតិនៃប្រទេសទាំងពីរ ក្រសួងការពារជាតិវៀតណាមបានសម្រេចផ្តល់ជូនក្រសួងការពារជាតិនៃព្រះរាជាណាចក្រកម្ពុជានូវសំភារៈបរិក្ខារពេទ្យមួយចំនួនដែលរួមមានម៉ាសក្រណាត់កម្ចាត់មេរោគ ឧបករណ៍វាស់កម្តៅ ទឹកអាល់កុលលាងដៃ ដែលមានតំលៃសរុបជាង២ពាន់លានដុង។ ឧត្តមសេនីយ៍ត្រី ង្វៀន សួន គៀន សង្ឈឹមថាសំភារៈបរិក្ខារពេទ្យទាំងនេះនឹងរួមចំណែកជួយកម្ពុជាលើកតម្កើងប្រសិទ្ធភាពក្នុងកិច្ចការបង្ការនិងប្រឆាំងនឹងជំងឺកូវិដ១៩។
ទទួលយកនូវមនោសញ្ចេតនាដ៏មានតំលៃពីក្រសួងការពារជាតិវៀតណាម វរសេនីយ៍ឯក រ៉េម កាន់ អនុព័ន្ធយោធាព្រះរាជាណាចក្រកម្ពុជាប្រចាំវៀតណាមបានថ្លែងអំណរគុណនិងវាយតំលៃខ្ពស់ចំពោះស្មារតីជួយជ្រោមជ្រែងនិងការយកចិត្តទុកដាក់របស់បក្ស រដ្ឋាភិបាល និងកងទ័ពប្រជាជនវៀតណាមជូនចំពោះរដ្ឋនិងកងទ័ពព្រះរាជាណាចក្រកម្ពុជាដែលវានឹងរួមចំណែកបង្កើននិងធ្វើអោយស៊ីជម្រៅបន្ថែមទៀតនូវចំណងសាមគ្គីភាពមិត្តភាពកិច្ចសហប្រតិបត្តិការគ្រប់ជ្រុងជ្រោយរវាងកម្ពុជានិងវៀតណាម៕
（ដោយវិច្ឆិកា）
（ប្រភពព័ត៌មាន: qdnd.vn）
មតិពីមិត្តអ្នកអាន