អតីតនិស្សិតអន្តរជាតិនៅអាឡឺម៉ង់គាំទ្រម៉ាសចំនួន ៥០០០ ម៉ាសដើម្បីជួយអាឡឺម៉ង់ប្រយុទ្ធប្រឆាំងនឹងជំងឺរាតត្បាតកូវិដ១៩

អតីតនិស្សិតអន្តរជាតិនៅអាឡឺម៉ង់គាំទ្រម៉ាសចំនួន ៥០០០ ម៉ាសដើម្បីជួយអាឡឺម៉ង់ប្រយុទ្ធប្រឆាំងនឹងជំងឺរាតត្បាតកូវិដ១៩

ក្នុងបរិបទនៃជំងឺរាតត្បាតកូវិដ១៩ កំពុងការផ្ទុះឡើងនៅក្នុងបណ្តាប្រទេសអ៊ឺរ៉ុប រួមទាំងសាធារណរដ្ឋសហព័ន្ធអាល្លឺម៉ង់ អតីតនិស្សិតអន្តរជាតិនៅប្រទេសអាល្លឺម៉ង់បានតាមដាន ធ្វើបច្ចុប្បន្នភាព និងបង្ហាញពីបំណងចូលរួមជាមួយប្រជាជនអាល្លឺម៉ង់ដើម្បីយកឈ្នះជំងឺនេះ។

ទោះបីជាមិនមានសមាគមអតីតនិស្សិតអន្តរជាតិនៅអាឡឺម៉ង់ជាផ្លូវការក៏ដោយ ក៏និស្សិតដែលបានសិក្សានៅប្រទេសអាឡឺម៉ង់បានប្រមូលផ្តុំ និងបង្កើតក្រុមមួយនៅលើបណ្តាញសង្គម។ ក្នុងរយៈពេលដ៏ខ្លីនៃការកេណ្ឌប្រមូលនិងអំពាវនាវពីថ្ងៃទី ១២ ដល់ថ្ងៃទី ១៨ ខែមេសា សមាជិកចំនួន ៣០០ នាក់បានចូលរួមវិភាគទានចំនួនទឹកប្រាក់នៃការកៀរគរចំនួន ២៩៥ លានដុង។ អតីតនិស្សិតអន្តរជាតិបានសម្រេចទិញម៉ាសប្រភេទ N95 ចំនួន ៥,០០០ ម៉ាស ដើម្បីគាំទ្រដល់ប្រជាជននៃប្រទេសមិត្ត។

ចែករំលែកជាមួយទស្សនាវដ្តីយុគសម័យ ឯកអគ្គរដ្ឋទូតអាល្លឺម៉ង់ប្រចាំនៅវៀតណាមលោក Guido Hildner បានបញ្ជាក់ថា៖ «អំណោយពីអតីតនិស្សិតអន្តរជាតិនៅអាឡឺម៉ង់ធ្វើឱ្យយើងរំភើបចិត្តយ៉ាងខ្លាំង។សកម្មភាពនៃអតីតនិស្សិតអន្តរជាតិនៅអាឡឺម៉ង់គឺជាសញ្ញានៃទំនាក់ទំនងជិតស្និទ្ធរវាងប្រជាជននៃប្រទេសទាំងពីរ។ ក្រៅពីនេះសកម្មភាពរបស់អ្នកបង្ហាញពីអារម្មណ៍នៃកិច្ចសហប្រតិបត្តិការនិងរួមវិភាគទានក្នុងការប្រយុទ្ធប្រឆាំងនឹងកូវិដ១៩។»

ថ្លែងអំពីអារម្មណ៍នៃការប្រយុទ្ធប្រឆាំងនឹងជំងឺរាតត្បាតកូវិដ១៩ នៅវៀតណាមពីទស្សនវិស័យរបស់ជនបរទេស ឯកអគ្គរដ្ឋទូតលោក Guido Hildner បានសង្កត់ធ្ងន់ថា «វៀតណាមបានទទួលជោគជ័យខ្លាំងណាស់ក្នុងការប្រយុទ្ធប្រឆាំងនឹងជំងឺរាតត្បាតកូវិដ១៩ ជាពិសេសក្នុងការបង្ការនឹងការរិករាលដាលនៃជំងឺនេះ»។

លោកឯកអគ្គរដ្ឋទូតបានបន្តថា៖ «ភាពជោគជ័យនេះកើតចេញពីហេតុផលជាច្រើន៖ ពីគោលនយោបាយដែលមានលក្ខណៈច្បាស់លាស់និងទាន់ពេលវេលារបស់រដ្ឋាភិបាលនិងជាពិសេសពីស្មារតីនៃការតត្រៀមជាស្រេចដើម្បីលះបង់អត្ថប្រយោជន៍របស់ខ្លួននិងវិន័យរបស់ប្រជាជនវៀតណាមដែលអាចនិយាយបានថាមិនមានអ្វីជាពីរទេ” ។

នៅក្នុងពិធីប្រគល់អំណោយនេះ ឯកអគ្គរដ្ឋទូតអាល្លឺម៉ង់ប្រចាំនៅវៀតណាមនិងតំណាងនៃអតិតនិស្សិតអន្តរជាតិអាឡឺម៉ង់ក៏បានចែករំលែកនូវមតិដូចគ្នាដែរថាជំងឹរាតត្បាតកូវិដ១៩ ជាជំងឺរាតត្បាតរាតត្បាតដែលនៅតែមានភាពស្មុគស្មាញ ខណៈដែលគ្មានវ៉ាក់សាំងនៅបចប្បន្ន។ ចំនួនម៉ាសនេះគឺជាអំណោយជាក់ស្តែងនិងសម្តែងឲ្យអត្ថន័យនៃចំណងមិត្តភាពរវាងប្រជាជនវៀតណាម - អាល្លឺម៉ង់ជាពិសេសក្នុងបរិបទនៃខួបលើកទី ៤៥ នៃការបង្កើតទំនាក់ទំនងការទូតរវាងប្រទេសទាំងពីរ៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）