យុគសម័យ-សម្តេចតេជោហ៊ុនសែននាយករដ្ឋមន្ត្រីនៃកម្ពុជា អញ្ជើញជាអធិបតីក្នុងសិក្ខាសាលស្តីពី «បរិយាកាសវិនិយោគនៅកម្ពុជា»
បន្ទាប់ពីអញ្ជើញជាអធិបតីក្នុងសិក្ខាសាលស្តីពី «បរិយាកាសវិនិយោគនៅកម្ពុជា» ហើយនោះនៅវេលាថ្ងៃត្រង់ក្នុងថ្ងៃដំបូងនៃការបំពេញទស្សនកិច្ចក្នុងប្រទេសជប៉ុនសម្តេចតេជោហ៊ុនសែននាយករដ្ឋមន្ត្រីនៃកម្ពុជានិងគណៈប្រតិភូបានអញ្ជើញពិសារអាហារថ្ងៃត្រង់ និងពិភាក្សាលើបញ្ហាមួយចំនួនដែលរៀបចំដោយលោក ម៉ា សាហ៊ីរ៉ូ អ៊ីម៉ាមូរ៉ា (Masahiro IMAMURA) ប្រធានសម្ព័ន្ធមិត្តភាពសភាជប៉ុន-កម្ពុជា ។
សម្តេចតេជោហ៊ុនសែននាយករដ្ឋមន្ត្រីនៃកម្ពុជា អញ្ជើញជួបពិភាក្សការងារនូវម៉ា សាហ៊ីរ៉ូ អ៊ីម៉ាមូរ៉ា (Masahiro IMAMURA) ប្រធានសម្ព័ន្ធមិត្តភាពសភាជប៉ុន-កម្ពុជា
នៅក្នុងពិធីអាហារថ្ងៃត្រង់នោះ លោក ម៉ាសាហ៊ីរ៉ូ អ៊ីម៉ាមូរ៉ា បានមានប្រសាសន៍ថា៖សមា ជិកសភាជប៉ុនទាំងអស់ដែលមានវត្តមានក្នុងកម្ម វិធីពិសារបាយថ្ងៃត្រង់នេះចង់ជំរុញនិងធ្វើយ៉ាងណាឱ្យប្រទេសជប៉ុននិងកម្ពុជាបន្តមានទំនាក់ទំនងល្អបន្ថែមទៀតហើយក៏ចង់ឃើញពីភាពជោគជ័យជាពិសេសការអភិវឌ្ឍន៍នៅកម្ពុជា។សមាជិកសភាដែលមានវត្តមានក្នុងជំនួបនេះក៏បានអះអាងនិងបង្ហាញជំហរដ៏រឹងមាំរបស់ខ្លួនជំរុញអ្នកវិនិយោគជប៉ុនឱ្យមកបណ្តាក់ទុននៅកម្ពុជាកាន់តែច្រើនថែមទៀត។
លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីបានបញ្ជាក់ឱ្យដឹងនៅក្នុងជំនួបថាក្នុងជំនួបពិសារអាហារនិងពិភាក្សាការងារនោះលោក ម៉ាសាហ៊ីរ៉ូ អ៊ីម៉ាមូរ៉ា បានសម្តែង ការស្វាគមន៍យ៉ាងកក់ក្តៅចំពោះវត្តមានរបស់សម្តេចតេជោនាយករដ្ឋមន្ត្រីនិងគណៈប្រិភូដែលបាន មកបំពេញទស្សនកិច្ចនៅក្នុងប្រទេសជប៉ុន។
លោក អ៊ីម៉ាមូរ៉ា ក៏បានលើកឡើងអំពីទំនាក់ទំនងប្រទេសជប៉ុននិងកម្ពុជាដែលកំពុងមានភាពជិតស្និទ្ធិយ៉ាងខ្លាំង។លោកក៏បានគូសបញ្ជាក់ពីការវិវឌ្ឍន៍ដ៏ល្អប្រសើរនៃការវិនិយោគរបស់ជប៉ុននៅកម្ពុជាដោយលោកគូសបញ្ជាក់ថាបច្ចុប្បន្នក្រុមហ៊ុនជប៉ុនប្រមាណ ៣០៩ក្រុម ហ៊ុនកំពុងបណ្តាក់ទុនរកស៊ីនៅកម្ពុជា។ ដោយឡែកទំហំពាណិជ្ជកម្មប្រទេសទាំងពីរ ក៏មានការកើនឡើងគួរឱ្យកត់សម្គាល់ផងដែរ ។
បើតាមលោកប្រធានសម្ព័ន្ធមិត្តភាពសភាជប៉ុន-កម្ពុជាបច្ចុប្បន្ននេះទំហំពាណិជ្ជកម្មរវាងប្រទេសជប៉ុននិងកម្ពុជាមានជិត ៣ ពាន់លាន ដុល្លារ ។លោកក៏រំលឹកផងដែរថាពីការធ្វើពិធីផ្សេងរវាងជប៉ុននិងកម្ពុជាដើម្បីអបអរសាទរខួប ៦០ ឆ្នាំរវាងប្រទេសទាំងពីរកាលពីឆ្នាំ២០១៨កន្លងទៅហើយក្នុងឱកាសប្រារព្ធខួប៦០ឆ្នាំនោះជប៉ុនក៏បានបើកអគ្គកុងស៊ុល នៅខេត្តសៀមរាបដើម្បីជួយដល់ប្រជាពលរដ្ឋជប៉ុនដែលទៅទស្សនានិងវិនិយោគនៅខេត្តសៀមរាប។
លោក អ៊ីម៉ាមូរ៉ា ក៏បានគូសបញ្ជាក់ពីភាពល្អប្រសើរនៃដំណើរការរបស់ក្រុមហ៊ុនអាកា សចរណ៍ ANA របស់ជប៉ុនបន្ទាប់ពីបានបើកដំណើរ ការឡើងវិញនៅអំឡុងឆ្នាំ២០១៦។
ជាកិច្ចឆ្លើយតបសម្តេចតេជោនាយករដ្ឋមន្ត្រីបានអរគុណលោកចំពោះពាក្យពេចន៍ប្រក បភាពវិជ្ជមានទាំងឡាយចំពោះប្រទេសកម្ពុជាហើ យសម្តេចតេជោបានគូសបញ្ជាក់ដែរថាដំណើរទស្សនកិច្ចរបស់សម្តេចមកកាន់ប្រទេសជប៉ុនពេលនេះគឺមានគោលបំណងជួបជា មួយអ្នក វិនិយោគជប៉ុនដែលព្រឹកមិញមានការចូលរួមពីអ្នកវិនិយោគជប៉ុនក្នុងវេទិកាវិនិយោគនៅកម្ពុជារហូតដល់ទៅជាង ៣០០ នាក់។
ពាក់ព័ន្ធទំនាក់ទំនងរវាងកម្ពុជានិងជប៉ុនវិញសម្តេចតេជោប្រមុខរាជរដ្ឋាភិបាលបានគូសបញ្ជាក់ថាទំនាក់ទំនងប្រទេសទាំងពីរបានឡើង ដល់កម្រិតថ្មី។ សម្តេចតេជោបានគូសបញ្ជាក់ផងដែរថាពីការកើនឡើងនូវជំនួយនិងទំហំពាណិជ្ជកម្មរវាងប្រទេសទាំងពីរដោយសម្តេច ចាត់ទុកនេះជាសករាជថ្មីនៃកិច្ចសហការរវាងកម្ពុជានិងជប៉ុន។
សម្តេចតេជោនាយករដ្ឋមន្ត្រីបានថ្លែងរំលឺកថា ភាពជោគជ័យរបស់កម្ពុជាកន្លងទៅក៏ដូចជាពេលបច្ចុប្បន្នមិនអាចកាត់ផ្តាច់ពីជំនួយរបស់ រដ្ឋាភិបាលនិងប្រជាជនជប៉ុននោះឡើយ ។ សម្តេចតេជោបានមានប្រសាសន៍ថាជំនួយនេះបានចូលរួមយ៉ាងសំខាន់ដល់ការអភិវឌ្ឍរបស់ កម្ពុជា។
（យោងតាម rasmeinews.com កែសម្រួលដោយសំណាង）
មតិពីមិត្តអ្នកអាន