យុគសម័យ - កម្ពុជានឹងហាមឃាត់ការជិះដំរីនៅបរិវេណប្រាសាទអង្គរវត្តនៃប្រទេសនេះចាប់តាំងពីដើមឆ្នាំ ២០២០ តទៅ។
កម្ពុជានឹងហាមឃាត់ការជិះដំរីនៅបរិវេណប្រាសាទអង្គរវត្តនៃប្រទេសនេះចាប់តាំងពីដើមឆ្នាំ ២០២០ (រូបថតៈ FN)
សេចក្តីសម្រេចចិត្តនេះត្រូវបានចាត់ទុកថាជាជ័យជំនះដ៏កម្រមួយសម្រាប់អ្នកអភិរក្ស - ដែលជាអ្នកតែងតែបានរិះគន់ការជិះដំរីជាយូរមកហើយថាជាអំពើឃោរឃៅ។
លោក ឡុង កុសល អ្នកនាំពាក្យអាជ្ញាធរជាតិអប្សរា បានបញ្ជាក់បន្ថែមថា សត្វដំរីដែលមានធ្លាប់បម្រើសេវាកម្មជិះកម្សាន្ត ដល់ភ្ញៀវទេសចរនៅរមណីយដ្ឋានអង្គរ នាពេលបច្ចុប្បន្ននេះ មានប្រមាណជាង១០ក្បាល (ក្រោម១៥ក្បាល)។
សមាគមគ្រប់គ្រងសត្វដំរី បាននិងកំពុងដឹកជញ្ជូនសត្វដំរីមួយចំនួន ចេញពីរមណីយដ្ឋានអង្គរទៅកាន់ព្រៃសហគមន៍បុស្សធំ ស្ថិតក្នុងឃុំខ្នាពោធិ៍ ស្រុកសូទ្រនិគម ខេត្តសៀមរាប ដើម្បីឱ្យសត្វដំរីរស់នៅតាមលក្ខណៈធម្មជាតិ ស្ថិតក្រោមការថែទាំរបស់សមាគមគ្រប់គ្រងសត្វដំរី។ ដោយឡែក សត្វដំរីដែលនៅសល់នឹងបន្តដឹកជញ្ជូនចេញពីរមណីយដ្ឋានអង្គរ ជាបន្តបន្ទាប់នាពេលក្រោយ។
រូបភាពពីអាជ្ញាធរជាតិអប្សរា
ជាការពិតណាស់ សត្វដំរីទាំងនោះមិនត្រឹមតែផ្តល់នូវភាពទាក់ទាញដ៏អស្ចារ្យ ក្នុងការផ្តល់សេវាកម្មសម្បូរបែប ក្នុងរមណីយដ្ឋានអង្គរប៉ុណ្ណោះទេ ថែមទាំងបានបន្សល់ទុកនូវអនុស្សាវរីយ៍ជាច្រើនដល់ភ្ញៀវជាតិ-អន្តរជាតិ។
សូមបញ្ជាក់ថា ចាប់ពីឆ្នាំ២០២០តទៅ សត្វដំរីដែលកំពុងបម្រើសេវាកម្មដឹកជញ្ជូនភ្ញៀវនៅក្នុងរមណីយដ្ឋានអង្គរ នឹងលែងមានវត្តមានតទៅទៀតហើយ។ សត្វដំរីដែលកំពុងបម្រើសេវាដឹកជញ្ជូនភ្ញៀវសរុបមានចំនួន ១៤ក្បាល ដែលដឹកជាប្រចាំថ្ងៃនៅជុំវិញប្រាសាទបាយ័ន ខ្លោងទ្វារទន្លេអុំ និងភ្នំបាខែង៕
(សរុបដោយ ស្រីព្រេជ)
មតិពីមិត្តអ្នកអាន