យុគសម័យ - គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៣ ឆ្នាំ២០១៩។
គណៈកម្មាធិការជាតិរៀបចំការបោះឆ្នោត (គ.ជ.ប.) បានប្រកាសលទ្ធផលផ្លូវការ នៃការបោះឆ្នោតជ្រើសរើសក្រុមប្រឹក្សាអាណត្តិទី៣ ឆ្នាំ២០១៩ នៅថ្ងៃទី៨ ខែមិថុនា ឆ្នាំ២០១៩។ ជាលទ្ធផលបានបង្ហាញថា គណបក្សប្រជាជនកម្ពុជា ទទួលបានសំឡេងច្រើនលើសលុប និងទទួលបានអាសនៈច្រើនជាងគណបក្សនយោបាយចំនួន៦ ដែលបានចូលរួមប្រកួតប្រជែង។
យោងតាមលទ្ធផលសំឡេងឆ្នោត និងអាសនៈ ក្រុមប្រឹក្សារាជធានី ខេត្ត គឺគណបក្សប្រជាជនកម្ពុជា ទទួលបានសំឡេងសរុបចំនួន ១១.១២៣ និងទទួលបានអាសនៈសរុបចំនួន ៥៥០អាសនៈ។ គណបក្សខ្មែររួបរួមជាតិ ទទួលបានសំឡេងសរុប ១៧៥ និងទទួលបានអាសនៈចំនួន ៦។ គណបក្សហ្វ៊ុនស៊ិនប៉ិច ទទួលបានសំឡេងសរុបចំនួន ២២៦ ទទួលបានអាសនៈចំនួន ៣។ តាមលទ្ធផលខាងលើនេះ គណបក្សប្រជាជនកម្ពុជា ធ្វើជាប្រធានក្រុមប្រឹក្សាទាំង ២៥ រាជធានី ខេត្ត។
ចំណែកលទ្ធផលសំឡេងឆ្នោត និងអាសនៈ នៃការបោះឆ្នោតជ្រើសរើសក្រុមប្រឹក្សាក្រុង ស្រុក ខណ្ឌ អាណត្តិទី៣ ឆ្នាំ២០១៩ គឺគណបក្សប្រជាជនកម្ពុជា ទទួលបានសំឡេងសរុបចំនួន ១១.១១៣ និងទទួលបានអាសនៈ ៣.៤៨៤។ គណបក្សហ្វ៊ុនស៊ិនប៉ិច ទទួលបានសំឡេងសរុបចំនួន ២១៣ និងទទួលបានអាសនៈ ៣៣។ គណបក្សខ្មែររួបរួមជាតិ ទទួលបានសំឡេងសរុបចំនួន ១៩៩ និងទទួលបានអាសនៈ ៣៨។ ផ្អែកតាមផលទ្ធផលខាងលើនេះ គណបក្សប្រជាជនកម្ពុជា បានធ្វើជាប្រធានក្រុមប្រឹក្សាទាំង២០៣ ក្រុង ស្រុក ខណ្ឌ៕
(សរុបដោយសមុទ្រ)
មតិពីមិត្តអ្នកអាន