ចំនួនមនុស្សដែលរងរបួសដោយសារការវាយប្រហារដោយកាំបិតនៅហ្ស៊កដានីបានកើនឡើង

យោងតាមប្រភពព័ត៌មានផ្លូវការនៅហ្ស៊កដានីបានអោយដឹងថា ចំនួនមនុស្សដែលរងរបួសដោយការវាយប្រហារដោយកាំបិតដែលនៅព្រឹកថ្ងៃទី ៦ ខែវិច្ឆិកានោះ បានកើនឡើងទ្វេដង រហូតដល់ ៨ នាក់ ក្នុងនោះមានភ្ញៀវទេសចរបរទេស ៤ នាក់និងមគ្គុទេសក៍របស់ពួកគេផង។

មន្ត្រីសន្តិសុខម្នាក់បាននិយាយថា អ្នកទេសចរបរទេសដែលរងរបួសមានជនជាតិម៉ិកស៊ិក ៣ នាក់ និងស្ត្រីជនជាតិស្វីសម្នាក់។ ជនរងគ្រោះពីរនាក់ ស្ថិតក្នុងស្ថានភាពធ្ងន់ធ្ងរដែលត្រូវបានដឹកតាមឧទ្ធម្ភាគចក្រទៅកាន់មន្ទីរពេទ្យក្នុងរដ្ឋធានីអាំមែន។

ឧប្បត្តិហេតុនេះបានកើតឡើងនៅក្នុងទីក្រុង Jerash (ប្រហែល ៦០ គីឡូម៉ែត្រពីរដ្ឋធានី Amman) ដែលជាគោលដៅទេសចរណ៍កំពូលមួយរបស់ប្រទេសហ្សកដានី ដែលមានប្រាសាទរ៉ូម៉ាំងជាច្រើន។ បច្ចុប្បន្ន ជនល្មើសត្រូវបានចាប់ខ្លួន ប៉ុន្តែមិនទាន់ស្គាល់ពីអត្តសញ្ញាណ ក៏ដូចជាមូលហេតុនាំមកការវាយប្រហារនេះ។

សូមគូសបញ្ជាក់ថា មានក្រុមជ្រុលនិយមអ៊ីស្លាមជាច្រើនដែលស្មោះត្រង់នឹងក្រុមភេរវជនរដ្ឋអ៊ីស្លាម (IS) នោះ បានវាយប្រហារលើទីតាំងទេសចរណ៍ជាច្រើនរបស់ហ្សកដានី ជាក់ស្តែងគឺការវាយប្រហារកាលពីឆ្នាំ ២០១៦ ដែលបណ្តាលអោយសម្លាប់មនុស្ស ១៤ នាក់ផងដែរ៕