បង្កើនទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងវៀតណាម - ចិន

09:32 2020/10/01

យុគសម័យ - អគ្គលេខាធិការ ប្រធានរដ្ឋលោក Nguyen Phu Trong បានសង្កត់ធ្ងន់ថា ក្នុងរយៈពេល ៧០ ឆ្នាំកន្លងមកនេះ ទំនាក់ទំនងរវាងវៀតណាម - ចិនទោះបីជាមានការរីកចម្រើននិងការផ្លាស់ប្តូរក៏ដោយតែងតែជាចរន្តដ៏សំខាន់នៃមិត្តភាពនិងកិច្ចសហប្រតិបត្តិការ។

បង្កើនទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងវៀតណាម - ចិន

អគ្គលេខាធិការ ប្រធានរដ្ឋវៀតណាមលោក Nguyen Phu Trong ធ្វើកិច្ចសន្ទនាតាមទូរស័ព្ទជាមួយអគ្គលេខាធិការ ប្រធានរដ្ឋចិនលោក ស៊ីជីនពីង

ក្នុងឱកាសខួបលើកទី ៧៥ ឆ្នាំនៃទិវាបុណ្យជាតិវៀតណាម និងខួបលើកទី ៧១ ឆ្នាំនៃទិវាបុណ្យជាតិចិននិងក្នុងខួបលើកទី ៧០ ឆ្នាំនៃការបង្កើតទំនាក់ទំនងការទូតរវាងប្រទេសទាំងពីរ នាថ្ងៃទី ២៩ ខែកញ្ញា អគ្គលេខាធិការ ប្រធានរដ្ឋវៀតណាមលោក Nguyen Phu Trong និងអគ្គលេខាធិការ ប្រធានរដ្ឋចិនលោក ស៊ីជីនពីងបានធ្វើកិច្ចសន្ទនាតាមទូរស័ព្ទជាមួយគ្នា។

នៅក្នុងកិច្ចសន្ទនាតាមទូរស័ព្ទនេះ អគ្គលេខាធិការ ប្រធានរដ្ឋចិន លោក ស៊ីជិនពីង បានជូនពរជាថ្មីម្តងទៀតចំពោះទិវាបុណ្យជាតិវៀតណាមលើកទី ៧៥; ជូនពរចំពោះសមិទ្ធិផលដ៏អស្ចារ្យដែលប្រជាជនវៀតណាមសម្រេចបានក្នុងរយៈពេល ៧៥ ឆ្នាំកន្លងមកនេះ។ ទន្ទឹមនឹងនេះ សម្តែងនូវជំនឿថា ប្រជាជនវៀតណាមក្រោមការដឹកនាំរបស់បក្សកុម្មុយនិស្តវៀតណាមនឹងបន្តទទួលបានសមិទ្ធិកាន់តែច្រើនថែមទៀតក្នុងបុព្វហេតុកសាងនិងអភិវឌ្ឍន៍ប្រទេសជាតិ។

អគ្គលេខាធិការ ប្រធានរដ្ឋចិន លោក ស៊ីជិនពីង បានសង្កត់ធ្ងន់ថា បក្សនិងរដ្ឋចិនយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីនិងអ្នកជិតខាងជាមួយវៀតណាម។ ព្រមជាមួយគ្នានេះ លោកបានអះអាងថា ប្រទេសចិននឹងបន្តគាំទ្រយ៉ាងសកម្មដល់ប្រទេសវៀតណាមក្នុងការបំពេញតួនាទីរបស់ខ្លួនជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១ និងជាប្រធានអាស៊ានដោយប្ដូរវេននៅឆ្នាំ ២០២០។ លោកក៏បានសម្តែងនូវឆន្ទៈក្នុងការធ្វើការជាមួយថ្នាក់ដឹកនាំជាន់ខ្ពស់របស់វៀតណាមដើម្បីបង្កើនការផ្លាស់ប្តូរយុទ្ធសាស្ត្រ ជំរុញកិច្ចសហប្រតិបត្តិការប្រកបដោយប្រសិទ្ធភាពថែមទៀតរវាងប្រទេសទាំងពីរលើគ្រប់វិស័យនិងអភិវឌ្ឍទំនាក់ទំនងមិត្តភាពជាមិត្តចិន - វៀតណាមកាន់តែខ្លាំងឡើងៗ នាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ រួមចំណែកដល់ការថែរក្សាសន្តិភាពនិងស្ថេរភាពក្នុងតំបន់និងពិភពលោក។

អគ្គលេខាធិការ ប្រធានរដ្ឋចិន លោក ស៊ីជិនពីង បានវាយតម្លៃខ្ពស់ចំពោះលទ្ធផលនៃការបង្ការនិងទប់ស្កាត់នឹងជំងឺរាតត្បាត COVID-19 នៅប្រទេសវៀតណាម ក៏ដូចជាកិច្ចសហប្រតិបត្តិការនិងការសម្របសម្រួលរវាងប្រទេសទាំងពីរក្នុងការបង្ការនិងទប់ស្កាត់នឹងជំងឺរាតត្បាត COVID-19 ក្នុងរយៈពេលកន្លងមក។

អគ្គលេខាធិការ ប្រធានរដ្ឋលោក Nguyen Phu Trong បានជូនពរខួបលើកទី ៧១ នៃការបង្កើតសាធារណរដ្ឋប្រជាមានិតចិន; ជូនពរប្រជាជនចិនក្រោមការដឹកនាំរបស់បក្សកុម្មុយនិស្តកណ្តាលចិនបន្តទទួលបានសមិទ្ធិផលថ្មីៗកាន់តែច្រើនបន្ថែមទៀតក្នុងបុព្វហេតុអភិវឌ្ឍន៍ប្រទេសជាតិនិងឆាប់ទទួលបានជោគជ័យនូវគោលដៅកសាងសង្គមគ្រប់ជ្រុងជ្រោយ។

អគ្គលេខាធិការ ប្រធានរដ្ឋលោក Nguyen Phu Trong បានសង្កត់ធ្ងន់ថា ឆ្នាំ ២០២០ គឺជាព្រឹត្តិការណ៍សំខាន់មួយនៃខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរ ហើយបានអះអាងថា ក្នុងរយៈពេល ៧០ ឆ្នាំកន្លងមក ទំនាក់ទំនងវៀតណាម - ចិនទោះបីជាមានការរីកចម្រើននិងការផ្លាស់ប្តូរក៏ដោយតែងតែជាចរន្តដ៏សំខាន់នៃមិត្តភាពនិងកិច្ចសហប្រតិបត្តិការ។

អគ្គលេខាធិការ ប្រធានរដ្ឋលោក Nguyen Phu Trong បានមានប្រសាសន៍ថា ចាប់ពីដើមឆ្នាំរហូតមកដល់ពេលនេះ ភាគីទាំងពីរបានធ្វើសកម្មភាពផ្លាស់ប្តូរគ្នាជាច្រើនដែលទទួលបានលទ្ធផលល្អ រួមចំណែកដល់ការពង្រឹងទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម - ចិនបន្តអភិវឌ្ឍន៍ប្រកបដោយចីរភាព ស្របតាមសេចក្តីប្រាថ្នានិងផលប្រយោជន៍របស់ប្រជាជននៃប្រទេសទាំងពីរ។

អគ្គលេខាធិការ ប្រធានរដ្ឋលោក Nguyen Phu Trong បានស្នើឱ្យភាគីទាំងពីរជំរុញកិច្ចសហប្រតិបត្តិការយ៉ាងខ្លាំង ពង្រឹងការផ្លាស់ប្តូរនៅគ្រប់កម្រិតនិងការផ្លាស់ប្តូរប្រជាជននិងប្រជាជននៃប្រទេសទាំងពីរ ពង្រឹងជំនឿទុកចិត្តនិងការយោគយល់គ្នាទៅវិញទៅមក ហើយបង្កើតគ្រឹះសង្គមដោយរឹងមាំសម្រាប់ទំនាក់ទំនងទ្វេភាគី; ដោះស្រាយបញ្ហាដែលមានស្រាប់ ជាពិសេសបញ្ហាសមុទ្រស្របតាមការយល់ដឹងជាទូទៅរបស់ថ្នាក់ដឹកនាំជាន់ខ្ពស់នៃគណបក្សទាំងពីរនិងប្រទេសទាំងពីរ ស្របតាមច្បាប់អន្តរជាតិ រួមចំណែកថែរក្សាបរិស្ថានប្រកបដោយសន្តិភាព មានស្ថេរភាពសម្រាប់ការអភិវឌ្ឍរបស់គណបក្សនីមួយៗ ប្រទេសនីមួយៗ៕
(បកប្រែដោយសាមេត)
(ប្រភពព័ត៌មាន: thoidai.com.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll