វិមានមិត្តភាពកម្ពុជា-វៀតណាម

ឯកឧត្តម ង្វៀន សួនហ្វ៊ុក (NGUYEN XUAN PHUC) ប្រធានរដ្ឋ នៃសាធារណរដ្ឋសង្គមនិយមវៀតណាម អញ្ជើញដាក់កម្រងផ្កាគោរពវិញ្ញាណក្ខន្ធ នៅវិមានមិត្តភាពកម្ពុជា-វៀតណាម ដោយអមដំណើរដោយឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ នារសៀលថ្ងៃទី២១ ខែធ្នូ ឆ្នាំ២០២១ នៅវិមានមិត្តភាពកម្ពុជា-វៀតណាម រាជធានីភ្នំពេញ ។

នាពេលព្រឹកថ្ងៃទី២៧ ខែកក្កដា ឆ្នាំ២០២០ ក្នុងឱកាសរំលឹកខួបលើកទី៧៣នៃទិវាយុទ្ធជនពិការ-យុទ្ធជនពលីវៀតណាម (ថ្ងៃទី២៧ ខែកក្កដា ឆ្នាំ១៩៤៧ - ថ្ងៃទី២៧ ខែកក្កដា ឆ្នាំ២០២០) គណៈប្រតិភូ មន្ត្រីបុគ្គលិកស្ថានទូតវៀតណាមប្រចាំកម្ពុជា សមាគមបងប្អូនមានដើមកំណើតវៀតណាម និងសមាគមធុរកិច្ចវៀតណាមនៅកម្ពុជាដែលបានដឹកនាំដោយ ឯកឧត្តម វ៉ូ ក្វាង មិញ ឯកអគ្គរដ្ឋទូតវិសាមញនិងពេញសមត្ថភាពនៃសាធារណរដ្ឋសង្គមនិយមវៀតណាមប្រចាំនៅព្រះរាជាណាចក្រកម្ពុជាបានអញ្ជើញទៅគោរពវិញ្ញាណក្ខន្ធ អ្នកជំនាញការ កងទ័ពស្ម័គ្រចិត្តវៀតណាម និងយុទ្ធជនបដិវត្តកម្ពុជាអង់អាចក្លាហានដែលបានពលីជីវិតដើម្បីបុព្វហេតុកាពារនិងរស់ឡើងវិញនៃប្រទេសកម្ពុជានៅវិមានមិត្តភាពកម្ពុជា-វៀតណាម ដែលជាកម្មវិធីបានរៀបចំឡើងដោយស្ថាប័នអនុព័ន្ធយោធាវៀតណាមប្រចាំនៅកម្ពុជា។