ផ្សារទំនើបសូវិយា ផ្សារទំនើបសូរិយា សេនធ័រ ភ័នធ៍ ( Sorya Center Point)ដែលជាផ្សារទំនើបដំបូងគេបង្អស់នៅកម្ពុជា ដែលរំលេចខ្លួនឡើងនៅទីក្រុងភ្នំពេញ។ នៅពេលមកទស្សនាផ្សារថ្មីរួចហើយ ភ្ញៀវទេសចរណ៍អាចបន្តដំណើរការទស្សារាជធានីភ្នំពេញ ដោយការដើរមកផ្សរទំនើបសូរិយាដែលមានទីតាំងមិនសូវឆ្ងាយពេក។
 ទីផ្សារកម្ពុជាពេញចិត្តចំពោះបន្លែនិងផ្លែឈើរបស់វៀតណាម |
 «ផ្សារណាត់»បាត់ដំបង |
 |
| ផ្សារទំនើបសូរិយា សេនធ័រ ភ័នធ៍ ( Sorya Center Point)។ (រូបថត៖ Ineternet) |
ក្នុងរយៈពេលជាងមួយទសវត្សន៍កន្លងមកនេះ ផ្សារទំនើបសូរិយាបានចូលរួមចំណែក យ៉ាងសកម្មក្នុងការអភិវឌ្ឍសេដ្ឋកិច្ច តាមរយៈការទាក់ទាញវិនិយោគិន និងបង្កើតឱកាសការងារ ជូនប្រជាពលរដ្ឋខ្មែរយ៉ាងច្រើនសន្ធឹកសន្ធាប់។ ក្រៅពីនេះ ការសាងសង់ផ្សារទំនើបសូរិយា ក៏បានចូលរួមចំណែក ក្នុងការលើកកម្ពស់សោភណ្ឌភាពរាជធានី និងទាក់ទាញភ្ញៀវទេសចរផងដែរ។
ចាប់តាំងពីឆ្នាំ២០១៧ ផ្សារទំនើប Sorya Center Point ដែលត្រូវបានផ្លាស់ប្តូរឈ្មោះពី អតីតផ្សារទំនើបសូរិយា នឹងក្លាយជាផ្សារទំនើបទេសចរថ្មីដំបូងគេបង្អស់ ក្នុងព្រះរាជាណាចក្រកម្ពុជា។
ផ្សារទំនើបសូរិយា បានចាប់ផ្តើមដំណើរការក្នុងឆ្នាំ ២០០៣ លើផ្ទៃក្រឡាសរុប ៤ម៉ឺនម៉ែត្រការ៉េ និងមានកម្ពស់ ៥ជាន់ ហើយបានចូលរួមចំណែកយ៉ាងសកម្ម ក្នុងការលើកសោភណ្ឌភាពរាជធានីភ្នំពេញ និងការអភិវឌ្ឍសេដ្ឋកិច្ចតាមរយ: ការទាក់ទាញវិនិយោគិន ព្រមទាំងបង្កើតឱកាសការងារជូន ប្រជាពលរដ្ឋកម្ពុជា។
 |
| ខាងក្នុងបានកែប្រែទម្រង់ថ្មីនេះ។ (រូបថត៖ postnews.com.kh) |
តាមផែនការកែទម្រង់ និងកែលម្អនេះ ផ្សារទំនើបសូរិយា នឹងត្រូវបានប្តូរឈ្មោះទៅជា Sorya Center Point ដែលក្នុងនោះបានបែងបែកប្រភេទទំនិញ ទៅតាមជាន់នីមួយៗ៖ជាន់ទី១ នឹងមានការរៀបចំកន្លែងលក់អាហារ ភេសជ្ជៈនិងគ្រឿងអលង្ការ ជាន់ទី២ លក់ផលិតផល សម្លៀកបំពាក់បុរស និងកន្លែងលេងសម្រាប់កុមារ ជាន់ទី៣ជាកន្លែងលក់ផលិតផលទាក់ទងព័ត៌មានវិទ្យា និងអេឡិចត្រូនិក ជាន់ទី៤ រៀបចំជាផ្សារទេសចរដែលមានលក់ចម្លាក់ឈើ ថ្ម និងវត្ថុអនុស្សាវរីយ៍ជាន់ទី៥ ជាកន្លែងកម្សាន្តដែលមានការរៀបចំរោងភាពយន្តធំជាងមុន មានកន្លែងហាត់ប្រាណផងដែរ។ជាន់ផ្ទាល់ដី៖ ប្រជុំទៅដោយផលិតផលម៉ាកល្បីៗទំាំងក្នុង និងក្រៅប្រទេស ដែលក្នុងរួមមានភោជនីយដ្ឋាន ហាងលក់គ្រឿងអលង្ការ គ្រឿងសម្អាង ផ្សារទំនើប ធនាគារ និងជាទីប្រជុំជន ដែលពារពេញទៅដោយផាសុកភាព។
ការផ្លាស់ប្តូរមុខមាត់ថ្មីនេះ ក៏មានគោលដៅចាប់យកចំណែកទីផ្សារមកវិញ តាមរយ:ការកែប្រែរចនាបថថ្មី ដែលជារចនាបថខ្មែរ ព្រមទាំងការលក់នូវ ផលិតផលខ្មែរជាច្រើនមុខ ដើម្បីទាក់ទាញភ្ញៀវទេសចរណ៍បរទេសឲ្យបានកាន់តែច្រើន។
 |
| ខាងក្នុងបានកែប្រែទម្រង់ថ្មីនេះ។ (រូបថត៖ postnews.com.kh) |
ផ្សារទំនើបទាំងនោះ ត្រូវជម្រុញការដាក់លក់ផលិតផលខ្មែរអោយបានច្រើន ដើម្បីបង្ហាញពីសក្តានុពលរបស់ប្រទេសកម្ពុជា៕
មតិពីមិត្តអ្នកអាន