ស្ថានទូតរុស្ស៊ីប្រចាំនៅក្រុងព្យុងយ៉ាង បានថ្លែងកាលពីថ្ងៃអាទិត្យថា កូរ៉េខាងជើង បានដោះលែងទូកនេសាទរុស្ស៊ីមួយគ្រឿង ជាមួយយានិកម្នាក់ក្នុងចំណោមជនជាតិរុស្ស៊ី ១៥ នាក់និង ២ នាក់ទៀតជាកូរ៉េខាងត្បូង ក្រោយពីកូរ៉េខាងជើងបានឃុំខ្លួនអ្នកទាំងនោះពីបំពានច្បាប់ដែនទឹករបស់ខ្លួន។
ទូកXiang Hai Lin 8 aមកដល់កំពង់ផែSokcho នៅក្នុងខេត្តGangwon
ការដោះលែងបានធ្វើឡើងជិត ២ សប្តាហ៍ ក្រោយពីឆ្មាំការពារព្រំដែនកូរ៉េខាងជើង បានឃាត់នាវាក្រុមហ៊ុននេសាទរបស់រុស្ស៊ី កាលពីថ្ងៃទី ១៧ ខែ កក្កដា។
ស្ថានទូតរុស្ស៊ីបានថ្លែងនៅក្នុងហ្វេសប៊ុកថា នាវានោះមានឈ្មោះថា Xiang Hai Lin 8 បានចាកចេញពីកំពង់ផែក្រុង Wonsan ប្រទេស កូរ៉េខាងជើង កាលពីល្ងាចថ្ងៃសៅរ៍។
ស្ថានទូតនោះបានថ្លែងថា៖ «នៅម៉ោង ១៩ និង ៣០ នាទី នាវានោះ បានចាកចេញពីកំពង់ផែក្រុង Wonsan ហើយចេញដំណើរទៅកាន់ក្រុង Sokcho កូរ៉េខាងត្បូង ជាទីដែលសមាជិកយានិកកូរ៉េខាងត្បូង ២ នាក់ នឹងត្រូវឡើងគោកក្នុងប្រទេសរបស់ខ្លួននោះ៕
（យោងតាម postkhmer និង freshnews សរុបដោយវិច្ឆិកា）
មតិពីមិត្តអ្នកអាន