យុគសម័យ - កាសែត Financial Times (FT) ទើបតែបានចុះផ្សាយអត្ថបទវិភាគអំពីទិដ្ឋភាពវិជ្ជមានមួយចំនួនក្នុងការបង្ការការពារការរីករាលដាលនៃជំងឺ Covid - 19 របស់វៀតណាមជាពិសេសផ្តោតលើការដាក់ឲ្យនៅដាច់ពីគេនិងពិនិត្យមើលអ្នកមានទាក់ទងនឹងអ្នកឆ្លង។
កាសែតចក្រភពអង់គ្លេសវាយតម្លៃខ្ពស់ចំពោះគំរូតបង្ការប្រឆាំងជំងឺ Covid - 19 ម្លៃថោកនៅក្នុងវៀតណាម។
យោងតាមការកត់សំគាល់របស់អ្នកយកព័ត៌មានរបស់កាសែត Financial Times នៅទីក្រុងហាណូយថា “ នៅពេលដែលប្រជាជនវៀតណាមភាគច្រើននៅតែឈប់សម្រាកពិធីបុណ្យចូលឆ្នាំថ្មី លោកនាយករដ្ឋមន្រ្តី Nguyen Xuan Phuc មានវត្តមាននៅឯកិច្ចប្រជុំរដ្ឋាភិបាលអំពី មេរោគកូរ៉ូណា” ។ នោះគឺនៅពេលដែលជំងឺកំពុងតែរីករាលដាលនៅតាមព្រំដែនជាមួយប្រទេសចិន ហើយលោកនាយករដ្ឋមន្រ្តីបានព្រមានថាជំងឺនេះនឹងរីករាលដាលដល់ប្រទេសវៀតណាមឆាប់ៗនេះ។ ចាប់ពីដើមខែមករានាយករដ្ឋមន្រ្តីវៀតណាមបាននិយាយថា “ការប្រយុទ្ធប្រឆាំងនឹងរោគរាតត្បាតគឺដូចជាការប្រយុទ្ធប្រឆាំងនឹងសត្រូវ” ។
ចាប់តាំងពីពេលនោះ ប្រទេសវៀតណាមជាប្រទេសមួយដែលមានធនធានមានកំណត់ប៉ុន្តែមានការប្តេជ្ញាចិត្តខាងនយោបាយខ្ពស់បានបង្ហាញនូវគំរូនៃការបង្ការការពារជំងឺប្រកបដោយប្រសិទ្ធភាព។
ប្រទេសវៀតណាមបានសង្កត់ធ្ងន់យ៉ាងខ្លាំងលើការដាក់អ្នកឆ្លងជំងឺឲ្យនៅដាច់ពីគេនិងស្វែងរកអ្នកដែលបានទាក់ទងជាមួយអ្នកជំងឺ។
នៅចុងសប្តាហ៍នេះទីក្រុងហាណូយបានដាក់ឲ្យនៅដាច់ពីគេក្នុងរយៈពេល ១៤ ថ្ងៃសម្រាប់ជនបរទេសទាំងអស់ដែលចូលនិងលុបចោលជើងហោះហើរអន្តរជាតិទាំងអស់។
ប្រទេសវៀតណាមបានបញ្ឈប់រាល់ជើងហោះហើរពីរផ្លូវជាមួយចិនកាលពីថ្ងៃទី ១ ខែកុម្ភៈ។ សាលារៀននៅទីក្រុងធំ ៗ ពីររបស់ប្រទេសគឺហាណូយនិងហូជីមិញនិងខេត្តនិងទីក្រុងជាច្រើនទៀតត្រូវបានបិទទ្វារ។
នៅថ្ងៃទី ១៣ ខែកុម្ភៈ វៀតណាមបានក្លាយជាប្រទេសទី ២ បន្ទាប់ពីប្រទេសចិនបានរារាំងតំបន់លំនៅដ្ឋានដ៏ធំមួយ។ អាជ្ញាធរបាន បង្ខំឲ្យ មានការដាក់ឲ្យដាច់ពីគេក្នុងរយៈពេល ២១ ថ្ងៃសម្រាប់ផ្នែកមួយនៃខេត្ត Vinh Phuc ដែលមានប្រជាជនជាង ១ ម៉ឺននាក់រស់នៅបន្ទាប់ពីមានករណីឆ្លងជាច្រើនដែលជាកម្មករវិលត្រឡប់មកពីទីក្រុង Wuhan ។
លោក Kidong Park តំណាងនៃអង្គការសុខភាពពិភពលោក (WHO) ប្រចាំនៅទីក្រុងហាណូយបានកោតសរសើរប្រទេសវៀតណាមចំពោះភាពសកម្មមុននិងភាពមិនផ្លាស់ប្តូរពេញមួយដំណើរការបង្ការប្រឆាំងនឹងជំងឺរាតត្បាត។
ប្រទេសវៀតណាមកំពុងគ្រប់គ្រងការរីករាលដាលនៃជំងឺ Covid -19 ដោយប្រសិទ្ធភាពដោយសារការកៀងគរ វេជ្ជសាស្រ្ត យោធា និងបណ្តាញព័ត៌មានចូលរួមក្នុងកិច្ចការបង្ការប្រឆាំងជំងឺរាតត្បាត។ ប្រព័ន្ធផ្សព្វផ្សាយកំពុងរាយការណ៍អំពីជំងឺរាតត្បាតជានិច្ចកាល រដ្ឋាភិបាលមានតម្លាភាពអំពីការផ្ទុះឡើងនៃជំងឺរាតត្បាត។
ក្រសួងសុខាភិបាលនៃប្រទេសវៀតណាមក៏បានផ្ញើសារទូរស័ព្ទជាប្រចាំដល់ប្រជាជនអំពីព័ត៌មាននិងការប្រឹក្សាអំពីការបង្ការការពារប្រឆាំងនឹងជំងឺ Covid - 19៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន