ផ្សព្វផ្សាយសេចក្តីស្រឡាញ់សមុទ្រ និងកោះ ចេញពីបណ្ឌិត្យសភាកងទ័ពជើងទឹក

គណៈប្រតិភូការងារដឹកនាំដោយសាស្ត្រាចារ្យរង បណ្ឌិត Phan Thi Hong Xuan ប្រធានសមាគមមិត្តភាពវៀតណាម - អាស៊ីអាគ្នេយ៍ទីក្រុង Ho Chi Minh ប្រធានដេប៉ាតឺម៉ង់បូព៌ាវិទ្យា នៃសាកលវិទ្យាល័យវិទ្យាសាស្ត្រសង្គម និងមនុស្សសាស្ត្រ (សាកលវិទ្យាល័យជាតិទីក្រុង Ho Chi Minh)។ ឧត្តមនាវីត្រី Nguyen Huu Thoan ស្នងការនយោបាយនៃបណ្ឌិត្យសភាកងទ័ពជើងទឹក បានអញ្ជើញជាអធិបតីក្នុងពិធីទទួលស្វាគមន៍គណៈប្រតិភូ។

នៅក្នុងក្របខ័ណ្ឌនៃកម្មវិធី គណៈប្រតិភូបានអុជធូបនៅតំបន់រមណីយដ្ឋានរំលឹកវិញ្ញាណក្ខន្ធយុទ្ធជន Gac Ma ទស្សនាបន្ទប់ប្រពៃណី មជ្ឈមណ្ឌលហ្វឹកហ្វឺនពិសោធកាយវិការប្រយុទ្ធ និងនាវាក្តោង ២៨៦ - Le Quy Don ព្រមទាំងស្តាប់ព័ត៌មានតាមប្រធានបទស្តីពីសមុទ្រ កោះវៀតណាម បរិយាកាសសន្តិសុខ និងកិច្ចសហប្រតិបត្តិការលើដែនសមុទ្រនៅក្នុងតំបន់។

គណៈប្រតិភូការងារអុជធូបនៅតំបន់រមណីយដ្ឋានរំលឹកវិញ្ញាណក្ខន្ធយុទ្ធជន Gac Ma។

ឧត្តមនាវីត្រី Nguyen Huu Thoan បានឱ្យដឹងថា ក្នុងប៉ុន្មានឆ្នាំកន្លងមកនេះ បណ្ឌិត្យសភាកងទ័ពជើងទឹកបានយកចិត្តទុកដាក់លើការលើកកម្ពស់គុណភាពអប់រំ បណ្តុះបណ្តាល ស្រាវជ្រាវវិទ្យាសាស្ត្រ ពង្រឹងសមាហរណកម្ម និងការទូតការពារជាតិ ដោយរួមចំណែកកសាងកងទ័ពជើងទឹកបដិវត្តន៍ ទៀងទាត់ វរជន ទំនើប ឆ្លើយតបនឹងតម្រូវការការពារអធិបតេយ្យភាពសមុទ្រ និងកោះក្នុងស្ថានភាពថ្មី។

ចាប់ពីឆ្នាំ ២០១៦ រហូតមកដល់បច្ចុប្បន្ន នាវាក្តោង ២៨៦ - Le Quy Don បានអនុវត្តបេសកកម្មការទូតយោធារួមផ្សំនឹងការហ្វឹកហ្វឺនផ្លូវឆ្ងាយចំនួន ៨ លើក ទៅកាន់ប្រទេសអាស៊ានចំនួន ៧។

កាលពីខែកញ្ញា ឆ្នាំ ២០២៦ បណ្ឌិត្យសភាកងទ័ពជើងទឹកបានរៀបចំកម្មវិធី «ការផ្លាស់ប្តូរហ្វឹកហ្វឺនសិក្ខាកាមនាយទាហានជើងទឹកអន្តរជាតិឆ្នាំ ២០២៦» ដោយមានប្រតិភូអន្តរជាតិចំនួន ៤៦ រូប មកពី ១២ ប្រទេស ចូលរួម ដោយបានរួមចំណែកពង្រឹងការប្រាស្រ័យទាក់ទង ការយល់ដឹងគ្នា និងសមត្ថភាពសម្របសម្រួលរវាងសិក្ខាកាមនាយទាហានជើងទឹកវៀតណាម ជាមួយបណ្តាប្រទេសនានា។

គណៈប្រតិភូការងារថតរូបអនុស្សាវរីយ៍ជាមួយកម្មាភិបាល សាស្ត្រាចារ្យ និងសិក្ខាកាមនៃបណ្ឌិត្យសភាកងទ័ពជើងទឹក។

នៅក្នុងកម្មវិធីនេះ ភាគីទាំងពីរបានឯកភាពគ្នាក្នុងពេលខាងមុខបន្តពង្រឹងការឃោសនា អប់រំ ជាពិសេសគឺចំពោះយុវជនជំនាន់ក្រោយ អំពីទីតាំង តួនាទីនៃសមុទ្រ និងកោះក្នុងបុព្វហេតុកសាង និងការពារមាតុភូមិ ព្រមទាំងចូលទៅជិតបញ្ហាសមុទ្រ កោះពីទស្សនវិស័យនៃកិច្ចសហប្រតិបត្តិការក្នុងតំបន់ និងការកសាងសហគមន៍អាស៊ាន។

ភាគីទាំងពីរក៏បានផ្លាស់ប្តូរយោបល់អំពីការអនុវត្តវិទ្យាសាស្ត្រ-បច្ចេកវិទ្យា ការធ្វើបរិវត្តកម្មឌីជីថល បញ្ញាសិប្បនិម្មិតក្នុងវិស័យអប់រំ បណ្តុះបណ្តាល និងការស្រាវជ្រាវវិទ្យាសាស្ត្រ ការអភិវឌ្ឍជំនាញទន់សម្រាប់សិក្ខាកាម ការរៀបចំសកម្មភាពយុវជនស្ម័គ្រចិត្ត ការងារចលនាមហាជន គោលនយោបាយ និងសកម្មភាពសហគមន៍។

តាមរយៈកម្មវិធីនេះ កម្មាភិបាល សាស្ត្រាចារ្យ និងនិស្សិត ទទួលបានការយល់ដឹងបន្ថែមអំពីទីតាំង តួនាទីនៃសមុទ្រ និងកោះ ដោយរួមចំណែកផ្សព្វផ្សាយសេចក្តីស្រឡាញ់សមុទ្រ កោះ ព្រមទាំងរូបភាព «កងទ័ពលោកពូ Ho - យុទ្ធជនកងទ័ពជើងទឹក» ក្នុងយុគសម័យថ្មី ជាពិសេសនៅក្នុងស្រទាប់យុវជនជំនាន់ក្រោយ៕

ការបំពេញឱ្យពេញលេញនូវរបៀងគតិយុត្ត ដើម្បីអភិវឌ្ឍន៍សេដ្ឋកិច្ចសមុទ្រប្រកបដោយចីរភាព យុគសម័យ - នារសៀលថ្ងៃទី ០៥ ខែឧសភា អនុរដ្ឋមន្ត្រីក្រសួងយុត្តិធម៌ លោក Nguyen Thanh Tu បានអញ្ជើញធ្វើជាអធិបតីក្នុងកិច្ចប្រជុំនៃក្រុមប្រឹក្សាវាយតម្លៃសំណុំឯកសារគោលនយោបាយនៃគម្រោងច្បាប់ស្តីពីធនធាន បរិស្ថានសមុទ្រ និងកោះ (វិសោធនកម្ម)។ បណ្តាតំណាងបានផ្តោតលើការពិភាក្សាអំពីខ្លឹមសារសំខាន់ៗជាច្រើន សំដៅបំពេញឱ្យពេញលេញនូវមូលដ្ឋានគតិយុត្តសម្រាប់ការគ្រប់គ្រងធនធានបែបសរុប ការការពារបរិស្ថានសមុទ្រ និងជំរុញការអភិវឌ្ឍសេដ្ឋកិច្ចសមុទ្រប្រកបដោយចីរភាពក្នុងដំណាក់កាលថ្មី។

ហេដ្ឋារចនាសម្ព័ន្ធថាមពល - មូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចសមុទ្រ យុគសម័យ - យោងតាមអនុអគ្គនាយកក្រុមហ៊ុនអគ្គិសនីវៀតណាម (EVN) លោក Nguyen Tai Anh បានឱ្យដឹងថា ការផ្តល់អាទិភាពដល់ការវិនិយោគហេដ្ឋារចនាសម្ព័ន្ធថាមពលសមុទ្រ ជាពិសេសគឺថាមពលខ្យល់នៅក្រៅឆ្នេរសមុទ្រ ប្រព័ន្ធបញ្ជូនអគ្គិសនីតាមបណ្តោយឆ្នេរ និងហេដ្ឋារចនាសម្ព័ន្ធផ្គត់ផ្គង់អគ្គិសនីសម្រាប់បណ្តាតំបន់សមុទ្រ និងកោះ នឹងរួមចំណែកបង្កើតជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ចសមុទ្របៃតង សេដ្ឋកិច្ចវិលជុំ និងសេដ្ឋកិច្ចកាបូនទាប។

វ៉ាន់ណាំ