ប្រជាជនវៀតណាមនៅប្រទេសជប៉ុនជួយសង្គ្រោះមនុស្ស និងជួយឧបត្ថម្ភស្បៀងអាហារបន្ទាប់ពីរញ្ជួយដីនៅខេត្ត Kumamoto

ការរញ្ជួយដីកម្រិត ៧,១ រ៉ិចទ័រ បានកើតឡើងនាឆ្នេររសៀលថ្ងៃទី ២៨ ខែកក្កដា នៅខេត្ត Kumamoto ភាគនិរតី ប្រទេសជប៉ុន បង្កឱ្យមានការរំញ័រខ្លាំងបំផុតកម្រិត ៧ តាមមាត្រដ្ឋានកម្រិតរញ្ជួយដីនៃប្រទេសនេះ។ ផ្ទះសម្បែងជាច្រើនបានបាក់រលំ ផ្លូវថ្នល់ និងប្រព័ន្ធអគ្គិសនីត្រូវបានខូចខាត បណ្តាលឱ្យមនុស្សរាប់ពាន់នាក់ត្រូវជម្លៀសខ្លួន។

ទីភ្នាក់ងារសារព័ត៌មានវៀតណាម ផ្អែកលើព័ត៌មានពីគណៈគ្រប់គ្រងពលករ នៃស្ថានទូតវៀតណាមប្រចាំនៅ ប្រទេសជប៉ុន បានឱ្យដឹងថា គិតត្រឹមព្រឹកថ្ងៃទី ២៩ ខែកក្កដា ការរញ្ជួយដីនេះ បានបណ្តាលឱ្យពលករវៀតណាម ១ នាក់ស្លាប់ និងយ៉ាងហោចណាស់ ១ នាក់ទៀតរងរបួស។ បណ្តាស្ថាប័នតំណាងវៀតណាមនៅ ប្រទេសជប៉ុន បានសហការជាមួយអាជ្ញាធរមានសមត្ថកិច្ចក្នុងស្រុក សហគ្រាស សហជីព និងគ្រួសារជនរងគ្រោះ អនុវត្តបណ្តាវិន័យការពារពលរដ្ឋ។

ជនរងគ្រោះដែលបានស្លាប់ គឺជាសិក្ខាកាមកម្មសិក្សាជំនាញ ១ នាក់ ដែលបានមក ប្រទេសជប៉ុន ចាប់តាំងពីខែមករា ឆ្នាំ ២០២៦។ នៅពេលកើតមានការរញ្ជួយដី ដងស្ទូចនៅក្នុងរោងចក្របានបាក់សង្កត់លើជនរងគ្រោះ។ សិក្ខាកាមកម្មសិក្សា វៀតណាម ចំនួន ៧ នាក់ផ្សេងទៀត ដែលធ្វើការនៅក្នុងរោងចក្រ បានរត់គេចខ្លួនចេញមកក្រៅដោយសុវត្ថិភាពទាន់ពេលវេលា។

ស្ត្រីវៀតណាមម្នាក់ រស់នៅក្នុងទីក្រុង Uki បានរងរបួស ដោយសារជញ្ជាំងផ្ទះបាក់សង្កត់ ត្រូវបានបញ្ជូនទៅកាន់មន្ទីរពេទ្យសង្គ្រោះបន្ទាន់ ហើយតាមព័ត៌មានដំបូង គឺមិនគ្រោះថ្នាក់ដល់ជីវិតនោះទេ។ នៅតំបន់ Mashiki អន្តេវាសិកដ្ឋាននៃសិក្ខាកាមកម្មសិក្សា វៀតណាម ចំនួន ៣ នាក់ ក្នុងវិស័យសំណង់ ត្រូវបានទ្រេត ជញ្ជាំងប្រេះ និងតំបន់ចំណតរថយន្តត្រូវខូចខាត។

កម្លាំងសង្គ្រោះ បន្តស្វែងរកនៅក្នុងគំនរផ្ទះបាក់បែក នៃផ្ទះមួយខ្នងដែលបានបាក់រលំ នៅទីក្រុង Yatsushiro ខេត្ត Kumamoto ព្រឹកថ្ងៃទី ៣០ ខែកក្កដា ឆ្នាំ ២០២៦។

ពលករវៀតណាមចំនួន ៥ នាក់ ជួយសង្គ្រោះលោកយាយម្នាក់ចេញពីផ្ទះបាក់រលំ

នៅក្នុងចំណោមព័ត៌មានអំពីការខូចខាត បន្ទាប់ពីរញ្ជួយដី សកម្មភាពជួយសង្គ្រោះមនុស្ស របស់ពលករវៀតណាមចំនួន ៥ នាក់ នៅទីក្រុង Yatsushiro បានទទួលការយកចិត្តទុកដាក់ ពីសហគមន៍ក្នុងស្រុក។

បន្ទាប់ពីការរញ្ជួយដី នៅលើផ្លូវត្រឡប់ទៅកាន់កន្លែងស្នាក់នៅ ក្រុមពលករជំនាញជាក់លាក់វៀតណាម បានប្រទះឃើញផ្ទះរបស់លោកយាយម្នាក់ ដែលជាអ្នកជិតខាង អាយុជិត ៩០ ឆ្នាំ ត្រូវបាក់រលំ។ ដោយដឹងថា លោកយាយរស់នៅម្នាក់ឯង ហើយអាចនឹងនៅតែជាប់គាំងនៅខាងក្នុង ក្រុមទាំងមូលបានប្រញាប់ប្រញាល់រត់ទៅរកវិធីជួយសង្គ្រោះមនុស្ស។

ដោយគ្មានឧបករណ៍សង្គ្រោះឯកទេស ពលករវៀតណាមចំនួន ៥ នាក់ រួមជាមួយប្រជាជនក្នុងស្រុក បានប្រើប្រាស់ដៃដោះក្បឿងនីមួយៗ បំណែកឥដ្ឋ និងដំបងឈើ។ បន្ទាប់មក ពួកគេបានស្វែងរករណា និងឧបករណ៍ផ្សេងៗទៀត ដើម្បីកម្ទេចវត្ថុរាំងស្ទះ នៅក្នុងលក្ខខណ្ឌដែលរចនាសម្ព័ន្ធនៅសេសសល់នៃផ្ទះ អាចនឹងបន្តបាក់ស្រុត ហើយបណ្តារលករំញ័រនៅតែបន្តកើតមានឡើង។

បន្ទាប់ពីកិច្ចខិតខំប្រឹងប្រែងជាបន្តបន្ទាប់ ក្រុមបានចូលទៅជិតទីតាំងលោកយាយជាប់គាំង និងនាំយកលោកយាយចេញមកក្រៅដោយសុវត្ថិភាព។ លោក Le Huy Tuan ម្នាក់នៅក្នុងចំណោមមនុស្ស ៥ នាក់ ដែលចូលរួមការសង្គ្រោះ បានឱ្យដឹងថា នៅពេលប្រទះឃើញហេតុការណ៍ ក្រុមទាំងមូលគ្រាន់តែគិតថា ត្រូវតែនាំយកលោកយាយចេញពីផ្ទះឱ្យបានឆាប់បំផុតតាមដែលអាចធ្វើទៅបាន។

ក្រសួងការបរទេសបានឱ្យដឹងថា បណ្តាស្ថាប័នតំណាងវៀតណាមប្រចាំនៅ ប្រទេសជប៉ុន បានកត់ត្រា និងកោតសរសើរចំពោះបណ្តាពលរដ្ឋវៀតណាម ដែលបានចូលរួមយ៉ាងសកម្ម ក្នុងការជួយឧបត្ថម្ភសហគមន៍ក្នុងស្រុក បន្ទាប់ពីរញ្ជួយដី។

ដឹកជញ្ជូនទំនិញប្រើប្រាស់ចាំបាច់ ទៅកាន់បណ្តាតំបន់ដែលមានប្រជាជនវៀតណាមរស់នៅច្រើន

អមដោយការងារការពារពលរដ្ឋ អគ្គកុងស៊ុលវៀតណាម ប្រចាំនៅ Fukuoka បានសហការជាមួយសមាគមប្រជាជនវៀតណាម នៅ Kumamoto និងបណ្តាក្រុមសប្បុរសធម៌ ប្រមូលទិញ ផ្ដុំទំនិញ ដឹកជញ្ជូនស្បៀងអាហារ និងទឹកបរិភោគ ទៅកាន់បណ្តាតំបន់ដែលរងផលប៉ះពាល់។

នាថ្ងៃទី ២៩ ខែកក្កដា តំណាងអគ្គកុងស៊ុល បានចុះទៅធ្វើការជាមួយសហគ្រាស សហជីព និងគ្រួសារសិក្ខាកាមកម្មសិក្សា វៀតណាម ដែលបានស្លាប់។ សហគ្រាស និងសហជីព បានប្តេជ្ញាធានានូវបណ្តាផលប្រយោជន៍ធានារ៉ាប់រង ព្រមទាំងបន្តកែលម្អនីតិវិធី នាំយកសពជនរងគ្រោះត្រឡប់ទៅកាន់ប្រទេសវិញ តាមបំណងប្រាថ្នារបស់គ្រួសារ។

តំណាងអគ្គកុងស៊ុល ក៏បានចុះទៅដល់ទីក្រុង Yatsushiro ជាកន្លែងដែលមានសិក្ខាកាមកម្មសិក្សា វៀតណាម ជាច្រើននាក់កំពុងជ្រកកោន ដើម្បីក្តាប់សភាពការណ៍ និងជួយឧបត្ថម្ភពលរដ្ឋ។ នៅក្នុងថ្ងៃទី ២៩ ខែកក្កដា អំណោយសង្គ្រោះត្រូវបានចែករំលែក នៅឯទីតាំងចំនួន ៥ កន្លែង ដែលផ្តុំប្រជាជនវៀតណាមច្រើន នៅក្នុងតំបន់រងផលប៉ះពាល់; ទីតាំងដែលមានមនុស្សច្រើនបំផុត មានប្រមាណ ៥០ - ៦០ នាក់។

តំណាងអគ្គកុងស៊ុលវៀតណាម ប្រចាំនៅ Fukuoka ផ្តល់អំណោយសង្គ្រោះ ជូនដល់ប្រជាជនវៀតណាម នៅ Kumamoto។

តាមព័ត៌មានពីអគ្គកុងស៊ុលវៀតណាម ប្រចាំនៅ Fukuoka គិតត្រឹមចុងថ្ងៃទី ២៩ ខែកក្កដា ប្រជាជនវៀតណាមនៅក្នុងតំបន់ ជាមូលដ្ឋានមានសុវត្ថិភាព ប៉ុន្តែប្រជាជនជាច្រើននាក់ ត្រូវការបានជួយឧបត្ថម្ភជាបន្ទាន់ អំពីទឹកបរិភោគ និងស្បៀងអាហារ។ សកម្មភាពសង្គ្រោះ ក៏បានផ្តល់ជូនដល់ពលករ អ៊ីនដូណេស៊ី និង កម្ពុជា ដែលកំពុងជួបការលំបាក បន្ទាប់ពីរញ្ជួយដីផងដែរ។

សមាគមប្រជាជនវៀតណាម នៅ Kumamoto (សមាគម) និងបណ្តាអ្នកស្ម័គ្រចិត្ត បានរៀបចំការបែងចែកប្រភេទ ការលើកដាក់ និងការដឹកជញ្ជូនបាយប្រអប់ នំបុ័ង មីកញ្ចប់ ទឹកបរិភោគ ព្រមទាំង វត្ថុប្រើប្រាស់ ជីវភាពរស់នៅ ទៅកាន់បណ្តាតំបន់ផ្ទះស្នាក់នៅ និងសហគ្រាសដែលមានប្រជាជនវៀតណាមរស់នៅច្រើន។

តាមផែនការដែលបានសមាគមបង្ហោះនៅលើទំព័រ Facebook បន្ទាប់ពីវគ្គសង្គ្រោះដំបូង នៅ Yatsushiro នាថ្ងៃទី ២៩ ខែកក្កដា កម្លាំងស្ម័គ្រចិត្តបន្តនាំយកទំនិញ ទៅកាន់ Uto និង Uki នៅក្នុងថ្ងៃទី ៣០ ខែកក្កដា។ វគ្គចែករំលែកទំនិញប្រើប្រាស់ចាំបាច់ លើទ្រង់ទ្រាយធំ ត្រូវបានរំពឹងថានឹងប្រព្រឹត្តទៅនាថ្ងៃទី ២ ខែសីហា; វគ្គបន្តបន្ទាប់ ត្រូវបានរៀបចំឡើងនាថ្ងៃទី ៩ ខែសីហា ឬអនុវត្តលឿនជាង ប្រសិនបើមានកើតឡើងទីតាំងដែលត្រូវការជួយឧបត្ថម្ភជាបន្ទាន់។

សមាគមបានអំពាវនាវដល់សហគមន៍ ជួយឧបត្ថម្ភថវិកា ឬវត្ថុតាង រួមមានស្បៀងអាហារ ទឹកបរិភោគ ឧបករណ៍វេជ្ជសាស្ត្រ វត្ថុប្រើប្រាស់សម្រាប់ស្ត្រី និងកុមារ។ បណ្តាអ្នកស្ម័គ្រចិត្ត នៅ Kumamoto និងតំបន់ក្បែរខាង ក៏ត្រូវបានអំពាវនាវឱ្យចូលរួមការបែងចែកប្រភេទទំនិញ ការលើកដាក់ ការបើកបរ និងការដឹកជញ្ជូនទំនិញប្រើប្រាស់ចាំបាច់ ទៅកាន់ប្រជាជនដែលត្រូវការជួយឧបត្ថម្ភ។ សមាគមក៏បានធ្វើបច្ចុប្បន្នភាព បណ្តាទីតាំងផ្តល់ទឹកស្អាត នៃអាជ្ញាធរទីក្រុង Yatsushiro ដើម្បីឱ្យប្រជាជនវៀតណាម ជ្រើសរើសទីតាំងជិតកន្លែងស្នាក់នៅ។

សមាគមប្រជាជនវៀតណាម នៅ Kumamoto ស្នើដល់បុគ្គល និងអង្គការនានា នៅតាមខេត្ដឆ្ងាយៗ មិនត្រូវធ្វើដំណើរដោយខ្លួនឯង ចូលទៅកាន់តំបន់គ្រោះមហន្តរាយធម្មជាតិនោះទេ។ គ្រប់សកម្មភាពសង្គ្រោះ ចាំបាច់ត្រូវតែមានការសម្របសម្រួល ជាមួយសមាគម ឬអាជ្ញាធរក្នុងស្រុក ដើម្បីកំណត់បានត្រឹមត្រូវនូវតម្រូវការ និងទីតាំងទទួលយក ចៀសវាងការបង្កើតសម្ពាធបន្ថែម លើចរាចរណ៍ សន្តិសុខ និងការងារសង្គ្រោះ។

តាមទិន្នន័យរបស់អាជ្ញាធរខេត្ត Kumamoto ធ្វើបច្ចុប្បន្នភាពនាឆ្នេររសៀលថ្ងៃទី ២៩ ខែកក្កដា ទូទាំងខេត្តបានបើកទីតាំងជម្លៀសខ្លួនចំនួន ៤៦៥ កន្លែង ទទួលយកមនុស្សចំនួន ៩.៨៧២ នាក់; ប្រមាណ ៣៦.៧០០ គ្រួសារត្រូវបាត់បង់អគ្គិសនី។ កម្លាំងសមត្ថកិច្ច ប្រទេសជប៉ុន បន្តស្វែងរកមនុស្សដែលជាប់គាំង និងប្រមូលទិន្នន័យស្ថិតិនៃការខូចខាត អំបោះផ្ទះសម្បែង និងហេដ្ឋារចនាសម្ព័ន្ធ។

នាថ្ងៃទី ២៩ ខែកក្កដា នាយករដ្ឋមន្ត្រី Le Minh Hung បានផ្ញើសារលិខិតសួរសុខទុក្ខ ជូនចំពោះនាយករដ្ឋមន្ត្រី ប្រទេសជប៉ុន Takaichi Sanae អំពីបណ្តាការបាត់បង់ដែលបង្កឡើង ដោយសារការរញ្ជួយដី នៅខេត្ត Kumamoto និងតំបន់ Kyushu។ នៅក្នុងថ្ងៃដដែល រដ្ឋមន្ត្រីការបរទេស Le Hoai Trung បានផ្ញើសារលិខិតសួរសុខទុក្ខ ជូនចំពោះរដ្ឋមន្ត្រីការបរទេស ប្រទេសជប៉ុន Motegi Toshimitsu។

បណ្តាស្ថាប័នតំណាងវៀតណាមប្រចាំនៅ ប្រទេសជប៉ុន បន្តសហការជាមួយអាជ្ញាធរខេត្ត Kumamoto និងបណ្តាសមាគម ពិនិត្យមើលសភាពការណ៍ពលរដ្ឋ ជួយឧបត្ថម្ភអ្នករងរបួស និងបណ្តាករណីដែលមានផ្ទះសម្បែងត្រូវខូចខាត។ ពលរដ្ឋវៀតណាម ត្រូវបានអនុសាសន៍ឱ្យតាមដានការព្រមាន របស់អាជ្ញាធរក្នុងស្រុក អនុវត្តតាមការណែនាំជម្លៀសខ្លួន និងការពាររលករំញ័របន្តបន្ទាប់ ដែលអាចកើតមានឡើង នៅក្នុងរយៈពេលពីមួយទៅពីរផ្លូវសប្តាហ៍ បន្ទាប់ពីរញ្ជួយដី៕

ប្រទេសវៀតណាមស្នើឱ្យប្រទេសជប៉ុនឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម យុគសម័យ - នៅក្នុងបណ្តាជំនួបធ្វើការងារជាមួយថ្នាក់ដឹកនាំរដ្ឋសភា រដ្ឋាភិបាល និងបណ្តាអង្គការរបស់ប្រទេសជប៉ុន ចាប់ពីថ្ងៃទី ០៨ ដល់ថ្ងៃទី ១០ មិថុនា នៅទីក្រុងតូក្យូ (ប្រទេសជប៉ុន) ឧបនាយករដ្ឋមន្ត្រី លោក Le Tien Chau បានស្នើឱ្យភាគីជប៉ុនបន្តសម្របសម្រួលធ្វើឱ្យសាមញ្ញនូវនីតិវិធីចូលស្រុក និងឈានទៅរកការលើកលែងទិដ្ឋាការសម្រាប់ប្រជាពលរដ្ឋវៀតណាម ទន្ទឹមនឹងនោះ ជំរុញកិច្ចសហប្រតិបត្តិការនៅក្នុងបណ្តាវិស័យថ្មីៗ ដូចជា បញ្ញាសិប្បនិម្មិត (AI) ឧបករណ៍ពាក់កណ្តាលចម្លង ការផ្លាស់ប្តូរឌីជីថល និងការអភិវឌ្ឍប្រភពធនធានមនុស្សប្រកបដោយគុណភាពខ្ពស់។

វៀតណាម - ជប៉ុន ជំរុញកិច្ចសហប្រតិបត្តិការបណ្តុះបណ្តាលធនធានមនុស្សសម្រាប់បណ្តាវិស័យបច្ចេកវិទ្យាយុទ្ធសាស្ត្រ យុគសម័យ - នៅក្នុងក្របខ័ណ្ឌនៃដំណើរទស្សនកិច្ចនៅប្រទេសជប៉ុន ដើម្បីចូលរួមសន្និសីទអនាគតអាស៊ី លើកទី ៣១ ចាប់ពីថ្ងៃទី ៨ ដល់ថ្ងៃទី ១១ មិថុនា ឧបនាយករដ្ឋមន្ត្រីនៃរដ្ឋាភិបាល លោក Le Tien Chau បានទទួលជួបសម្តែងការគួរសមជាមួយរដ្ឋមន្ត្រីក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យាជប៉ុន (MEXT) លោក Matsumoto Yohei។

សុវណ្ណ

thoidai.com.vn