យុគសម័យ - នាព្រឹកថ្ងៃទី ១ ខែមិថុនា ក្នុងឱកាសទិវាកុមារអន្តរជាតិ លោកស្រី Dang Thi Ngoc Thinh អនុប្រធានរដ្ឋ ប្រធានក្រុមប្រឹក្សាគាំពារនៃមូលនិធិគាំពារកុមារវៀតណាមបានមកចូលរួមជាមួយកុមារនៅសាលាបឋមសិក្សា Kim Dong ទីប្រជុំជន Tra My ស្រុក Bac Tra My ខេត្ត Quang Nam។
លោកស្រីអនុប្រធានរដ្ឋ Dang Thi Ngoc Thinh ធ្វើទស្សនកិច្ចនិងប្រគល់អំណោយដល់កុមារខេត្ត Quang Nam។
នេះជាឆ្នាំដំបូងហើយដែលកុមារនៅតំបន់ភ្នំនៅខេត្ត Quang Nam ត្រូវផឹកទឹកដោះគោនៅសាលារៀនក្នុងកម្មវិធីជាតិ “ទឹកដោះគោសាលា”។ សិស្សថ្នាក់មត្តេយ្យនិងបឋមសិក្សាចំនួនជាង ៣៣.០០០ នាក់នៅសាលាចំនួន ៥៧៥ នៅស្រុកចំនួន ៦ នៅតំបន់ភ្នំរួមមាន៖ Bac Tra My, Nam Tra My, Dong Giang, Nam Giang, Tay Giang និង Phuoc Son ទទួលប្រអប់ទឹកដោះគោដំបូងពីលោកស្រីអនុប្រធានរដ្ឋ Dang Thi Ngoc Thinh។
ចាប់ពីថ្ងៃទី ១ ខែមិថុនា រាល់ថ្ងៃទៅថ្នាក់ សិស្សនៅស្រុកតំបន់ភ្នំចំនួន ៦ នៃខេត្ត Quang Nam នឹងត្រូវផឹកទឹកដោះគោ ១ ប្រអប់ដោយឥតគិតថ្លៃ។ នៅឆ្នាំនេះ មូលនិធិ ទឹកដោះគោលូតលាស់វៀតណាម ក៏បានប្រគល់ទឹកដោះគោចំនួន ១,៧ លានកែវដល់កុមារដែលជួបការលំបាកពិសេសនៅខេត្ត-ទីក្រុងចំនួន ២៨ នៅទូទាំងប្រទេស ដែលមានទឹកប្រាក់សរុបជាង ១២,៥ ពាន់លានដុង។
អនុប្រធានរដ្ឋលោកស្រី Dang Thi Ngoc Thinh ប្រគល់ទឹកដោះគោពីកម្មវិធីជាតិ “ទឹកដោះគោសាលា” ដល់សិស្សនៅតំបន់ភ្នំនៅខេត្ត Quang Nam ឧបត្ថម្ភដោយ Vinamilk។
ក្នុងពិធីនេះ អនុប្រធានរដ្ឋលោកស្រី Dang Thi Ngoc Thinh បានប្រគល់ប្រាក់ចំនួន ៣ ពាន់លានដុងពីមូលនិធិគាំពារកុមារវៀតណាមដើម្បីជួយគាំទ្រដល់ស្រុក Bac Tra My ខេត្ត Quang Nam ដើម្បីសាងសង់ផ្ទះអន្តេវាសិកសម្រាប់កុមារ។
អនុប្រធានគណៈកម្មាធិការប្រជាជនខេត្ត Quang Nam លោក Ho Quang Buu បានឱ្យដឹងថា នៅក្នុងតំបន់នេះ មានកុមារជិត ៣៦២.០០០ នាក់ ដែលស្មើនឹងជាង ២៣% នៃចំនួនប្រជាជនសរុបក្នុងតំបន់។ មូលដ្ឋានបានបង្កើតគំរូគាំទ្រកុមារចំនួន ១៩ នៅឃុំ សង្កាត់និងទីប្រជុំជនចំនួន ១៩។(បកប្រែដោយសាមេត)
(ប្រភពព័ត៌មាន: baotintuc.vn)
មតិពីមិត្តអ្នកអាន