នាយករដ្ឋមន្រ្តីរដ្ឋាភិបាលវៀតណាមទើបនឹងបានចេញផ្សាយសារាចរណ៍ស្ដីពី ការធានាការងារធ្វើដោយចីរភាព លើកស្ទួយជីវភាពរស់នៅ កែលម្អលក្ខខណ្ឌធ្វើការ របស់កម្មករពលករ។
 |
| កម្មករពាក់ម់ាស់ក្នុងអំឡុងពេលធ្វើការដើម្បីបង្ការហានិភ័យឆ្លងជម្ងឺកូវីដ ១៩។ (រូបថត៖ VNA) |
យោងតាមនោះ លោកនាយករដ្ឋមន្រ្តីស្នើឲ្យរដ្ឋមន្រ្តី ថ្នាក់ដឹកនាំ ស្ថាប័នស្មើក្រសួង ស្ថាប័នក្រោមឱវាទរដ្ឋាភិបាល ប្រធានគណៈកម្មាធិការប្រជាជន ខេត្ត ក្រុងក្រោមឱវាទមជ្ឈឹម ផ្ដោតសំខាន់លើការបញ្ជាដឹកនាំដើម្បីត្រួតពិនិត្យ ជំរុញដំណើរការអនុវត្តភារកិច្ចពាក់ព័ន្ធដោយផ្ទាល់ដល់ការធានាការងារធ្វើដោយ ចីរភាព លើកស្ទួយជីវភាពរស់នៅ កែលម្អលក្ខខណ្ឌធ្វើការរបស់កម្មករពលករ តាមការដឹកនាំរបស់រដ្ឋាភិបាល នាយករដ្ឋមន្រ្តីរដ្ឋាភិបាល។
ទន្ទឹមនឹងនោះ បន្តបញ្ជាដឹកនាំការផ្លាស់ ប្ដូរយ៉ាងខ្លាំងក្លានូវគំរូកំណើនសេដ្ឋកិច្ចជាក់ស្ដែងនៅមូលដ្ឋាន ឲ្យបានសមស្របនឹងគំរូ កំណើនសេដ្ឋកិច្ចសង្គមជាបរិយាប័ន្ន; រៀបចំអនុវត្តប្រកបដោយប្រសិទ្ធភាពនូវកិច្ចព្រម ព្រៀងពាណិជ្ជកម្ម ជាពិសេសគឺកិច្ចព្រមព្រៀងពាណិជ្ជកម្មសេរីជំនាន់ថ្មីដែលវៀត ណាមបានចុះហត្ថលេខា ព្រមទាំងបន្តពិនិត្យឡើងវិញនូវឯកសារច្បាប់ដាក់បញ្ចូលក្នុងច្បាប់នូវបទដ្ឋានពលកម្មអន្តរជាតិ ដើម្បីជួយកម្មករពលករទទួលបានផលពីសិទ្ធិ និងលក្ខខណ្ឌធ្វើការកាន់តែប្រសើរឡើងៗ៕
vov
មតិពីមិត្តអ្នកអាន