ការទូតសេដ្ឋកិច្ចរបស់នាយករដ្ឋមន្រ្តីកម្ពុជាផ្តល់ផលចំណេញច្រើន

ការទូតសេដ្ឋកិច្ចរបស់នាយករដ្ឋមន្រ្តីកម្ពុជាផ្តល់ផលចំណេញច្រើន

នៅក្នុងសន្និសីទសារព័ត៌មានកាលពីថ្ងៃចន្ទ លោក Jean Francois Tain រដ្ឋមន្រ្តីប្រតិភូអមនាយករដ្ឋមន្រ្តី បានលើកឡើងពីសមិទ្ធិផលរបស់រដ្ឋាភិបាលដែលកើតចេញពីការទូតសេដ្ឋកិច្ច។

លោកបានមានប្រសាសន៍ថា កិច្ចខិតខំប្រឹងប្រែងការទូតរបស់នាយករដ្ឋមន្ត្រីបានដើរតួយ៉ាងសំខាន់ក្នុងការទាក់ទាញការវិនិយោគផ្ទាល់ពីបរទេសលើកកម្ពស់ផលិតផលកម្ពុជា និងជំរុញភាពជាដៃគូអន្តរជាតិឱ្យកាន់តែរឹងមាំតាមរយៈការបង្កើនពាណិជ្ជកម្មអន្តរជាតិរបស់កម្ពុជា។

ក្នុងដំណើរទស្សនកិច្ចទៅក្រៅប្រទេសនាពេលថ្មីៗនេះ លោកនាយករដ្ឋមន្រ្តី ហ៊ុន ម៉ាណែត បានជួបពិភាក្សាជាមួយថ្នាក់ដឹកនាំធុរកិច្ច និងចូលរួមការតាំងពិព័រណ៍ ដើម្បីផ្សព្វផ្សាយផលិតផលកម្ពុជា ទាក់ទាញការវិនិយោគផ្ទាល់ពីបរទេស និងជំរុញវិស័យទេសចរណ៍។

លោកបានបន្តថា «កិច្ចខិតខំប្រឹងប្រែងទាំងនេះបានទទួលលទ្ធផលជាវិជ្ជមាន ខណៈកម្ពុជាបានមើលឃើញពីការកើនឡើងយ៉ាងខ្លាំងនៃពាណិជ្ជកម្មអន្តរជាតិ និងការមកដល់របស់ភ្ញៀវទេសចរបរទេស»។

តួលេខផ្លូវការបានបង្ហាញថា ពាណិជ្ជកម្មអន្តរជាតិរបស់កម្ពុជាបានកើនឡើង ១៦,៥ ភាគរយដល់ជាង ៤៥ ពាន់លានដុល្លារក្នុងរយៈពេល ១០ ខែដំបូងនៃឆ្នាំនេះ។

កម្ពុជាក៏បានអនុម័តគម្រោងវិនិយោគចំនួន ៣៤៦ ដែលមានតម្លៃ ៥,៥ ពាន់លានដុល្លារ ដែលកើនឡើង ៣៨ ភាគរយធៀបនឹងរយៈពេលដូចគ្នាកាលពីឆ្នាំមុន។

ចាប់ពីខែមករាដល់ខែតុលា កម្ពុជាបានកត់ត្រាការមកដល់របស់ភ្ញៀវទេសចរបរទេសចំនួន ៤,៨ លាននាក់ កើនឡើង ២២ ភាគរយធៀបនឹងរយៈពេលដូចគ្នាកាលពីឆ្នាំមុន៕

ការទូត​វប្បធម៌៖ ជា​ស្ពាន​ផ្សព្វផ្សាយ​មុខមាត់​ប្រទេស និង​ប្រជាជន​វៀតណាម​ទៅកាន់​ពិភពលោក យុគសម័យ - ក្នុងបរិបទបច្ចុប្បន្ននៃសកលភាវូបនីយកម្ម និងសមាហរណកម្មអន្តរជាតិ វៀតណាមបានចាត់ទុកការកសាង និងលើកតម្កើងមុខមាត់របស់ខ្លួនជាយុទ្ធសាស្ត្រថាមពលទន់ដ៏សំខាន់ ដើម្បីលើកកំពស់ជំហររបស់ប្រទេសក្នុងឆាកអន្តរជាតិ។

ទំនាក់ទំនងមិត្តភាពវៀតណាម-គុយបា គឺជាគំរូមួយក្នុងទំនាក់ទំនងអន្តរជាតិ និងការទូតរប្រជាជន យុគសម័យ - នោះគឺជាការយល់ឃើញរបស់លោកស្រី Ariadne Feo Labrada អគ្គកុងស៊ុលនៃសាធារណៈរដ្ឋគុយបា នៅទីក្រុងហូជីមិញ ក្នុងឱកាសខួបលើកទី ៧១ នៃការបះបោរប្រដាប់អាវុធរបស់ប្រទេសគុយបា - ការវាយប្រហារលើបន្ទាយ Moncada (ថ្ងៃទី ២៦ ខែកក្កដា ឆ្នាំ ១៩៥៣ ដល់ថ្ងៃទី ២៦ ខែកក្កដា ឆ្នាំ ២០២៤)។

ហេង វុធ្ធី