Trending now

វៀតណាមទទួលសិទ្ធិធ្វើជាម្ចាស់ផ្ទះនៃកិច្ចប្រជុំកំពូល P4G ឆ្នាំ ២០២៥

17:01 | 26/09/2023

រដ្ឋមន្ត្រីក្រសួងធនធាននិងបរិស្ថាន លោក Dang Quoc Khanh បានដឹកនាំគណៈប្រតិភូវៀតណាមចូលរួមកិច្ចប្រជុំកំពូលភាពជាដៃគូដើម្បីកំណើនបៃតងនិងគោលដៅសកលឆ្នាំ ២០៣០ (P4G) លើកទី ៣ នៅទីក្រុង Bogota ប្រទេសកូឡុំប៊ីក្នុងរយៈពេល ២ ថ្ងៃគឺថ្ងៃទី ២២ ខែកញ្ញា និង ២៣ ខែកញ្ញា។

វៀតណាម និងប្រ៊ុយណេ ខិតខំប្រឹងប្រែងសម្រេចឲ្យបានទំហំពាណិជ្ជកម្ម​៥០០ លានដុល្លារអាមេរិកនៅឆ្នាំ ២០២៥ វៀតណាម និងប្រ៊ុយណេ ខិតខំប្រឹងប្រែងសម្រេចឲ្យបានទំហំពាណិជ្ជកម្ម​៥០០ លានដុល្លារអាមេរិកនៅឆ្នាំ ២០២៥
សេចក្តីប្រកាសអំពីគំរូនៃការចាប់ផ្តើមអាជីវកម្មសម្រាប់រយៈពេល ២០២២ - ២០២៥ សេចក្តីប្រកាសអំពីគំរូនៃការចាប់ផ្តើមអាជីវកម្មសម្រាប់រយៈពេល ២០២២ - ២០២៥
ប្រភព៖ ក្រសួងធនធានធម្មជាតិ និងបរិស្ថាន
ប្រភព៖ ក្រសួងធនធានធម្មជាតិ និងបរិស្ថាន

សន្និសីទនេះត្រូវបានរៀបចំឡើងដោយរដ្ឋាភិបាលកូឡុំប៊ី ដោយមានការចូលរួមពីប្រតិភូប្រមាណ ៥០០ នាក់មកពីប្រទេសនិងអង្គការដៃគូចំនួន១២របស់ P4G។ ដោយប្រធានបទ៖ “ដៃគូផ្លាស់ប្តូរដើម្បីនិរន្តរភាព។ ធ្វើសកម្មភាពដើម្បីជីវភាពនិងកំណើនបៃតង” សន្និសីទបានផ្តោតការពិភាក្សាលើខ្លឹមសារចំនួន ៣ គឺ ជីវចម្រុះ ការផ្លាស់ប្តូរថាមពល និងទីក្រុងនិរន្តរភាព។ សន្និសីទនេះបានបញ្ជាក់ជាថ្មីនូវតួនាទីនៃកំណើនបៃតងចំពោះការស្តារសេដ្ឋកិច្ចឡើងវិញ និងអនុវត្តគោលដៅប្រកបដោយចីរភាពរបស់អង្គការសហប្រជាជាតិ។

នៅក្នុងសន្និសីទនេះ វៀតណាមបានទទួលសិទ្ធិធ្វើជាម្ចាស់ផ្ទះនៃកិច្ចប្រជុំកំពូល P4G លើកទី ៤ នាឆ្នាំ ២០២៥។ ថ្លែងមតិនៅសន្និសីទ រដ្ឋមន្ត្រីក្រសួងធនធាននិងបរិស្ថានវៀតណាម លោក Dang Quoc Khanh បានអះអាងថា វៀតណាមនឹងខិតខំប្រឹងប្រែងអស់ពីសមត្ថភាព ហើយសង្ឃឹមថា កូឡុំប៊ី និងប្រទេសដៃគូនានា នឹងចែករំលែកបទពិសោធន៍ក៏ដូចជាជួយឧបត្ថម្ភវៀតណាមទទួលបន្ទុកភារកិច្ចនេះប្រកបដោយជោគជ័យ។ លោករដ្ឋមន្ត្រីបានសង្កត់ធ្ងន់ថា វៀតណាមនឹងជំរុញរបៀបវារៈនៃសន្និសីទឲ្យសមស្របនឹងអាទិភាពនានារបស់បណ្តាប្រទេស P4G ក៏ដូចជាការយកចិត្តទុកដាក់របស់ពិភពលោក រួមមាន៖ ធានាសន្តិសុខស្បៀងអាហារដែលផ្សាភ្ជាប់ជាមួយការលុបបំបាត់ភាពអត់ឃ្លាន កាត់បន្ថយភាពក្រីក្រ; គ្រប់គ្រង ធ្វើអាជីវកម្ម និងប្រើប្រាស់ធនធានទឹកឆ្លងដែនប្រកបដោយចីរភាព; កសាង និងប្រតិបត្តិការប្រព័ន្ធព្រមានពីមុន; ជំរុញហិរញ្ញវត្ថុ បម្រើគោលដៅអព្យាក្រឹតការបំភាយឧស្ម័នកាបូន (net zero) និងការផ្លាស់ប្តូរថាមពលប្រកបដោយសមភាព អភិវឌ្ឍន៍កសិកម្មឆ្លាតវៃកាបូន ទាប អភិវឌ្ឍន៍សេដ្ឋកិច្ចប្លាស្ទិក។

P4G ត្រូវបានបង្កើតឡើងក្នុងឆ្នាំ ២០១៧ ដោយឈរលើមូលដ្ឋាននៃគំនិតផ្តួចផ្តើមរបស់រដ្ឋាភិបាលដាណឺម៉ាក ដែលជាវេទិកាកំណើនបៃតងពិភពលោក (3GF) ។ រហូតមកដល់ពេលនេះ វេទិកា P4G មានប្រទេសជាសមាជិកចំនួន ១២ រួមមាន៖ ដាណឺម៉ាក ឈីលី ម៉ិកស៊ិក វៀតណាម កូរ៉េខាងត្បូង អេត្យូពី កេនយ៉ា កូឡុំប៊ី ហូឡង់ បង់ក្លាដែស ឥណ្ឌូនេស៊ី និងអាហ្វ្រិកខាងត្បូង។ កិច្ចប្រជុំកំពូល P4G ត្រូវបានរៀបចំឡើង ២ ឆ្នាំម្តង។ ប្រទេសវៀតណាមគឺជាសមាជិកមួយក្នុងចំណោមសមាជិកស្ថាបនិកចំនួន ៧ ដែលជាដៃគូផ្លូវការរបស់ P4G ៕

មតិពីមិត្តអ្នកអាន

ព័ត៌មានថ្មីៗ

នៅ COP28 វៀតណាមនឹងប្រកាសអំពីគំនិតផ្តួចផ្តើម និងការប្តេជ្ញាចិត្តថ្មីមួយចំនួនជាមួយសហគមន៍អន្តរជាតិ ដើម្បីឆ្លើយតបល្អបំផុតចំពោះការប្រែប្រួលអាកាសធាតុ
ដំណើរ​ទស្សន​កិច្ច​របស់​លោក​នាយក​រដ្ឋ​មន្ត្រី​នឹង​បង្កើត​សន្ទុះ​ថ្មី​សម្រាប់​ទំនាក់​ទំនង​វៀត​ណាម-ទួរគី
សន្និសីទរួមរវាងសមាគមមិត្តភាពនៃប្រទេសទាំងពីរវៀតណាម-កម្ពុជា ដែលប្រព្រឹត្តទៅនៅទីក្រុង Tay Ninh
បញ្ជាការដ្ឋានយោធាខេត្ត Kon Tum (វៀតណាម) បើកវគ្គបណ្តុះបណ្តាលជំនាញវេជ្ជសាស្រ្ដសង្គ្រោះ ក្នុងគ្រោះមហន្តរាយពេទ្យយោធានៃប្រទេសទាំងបីវៀតណាម-ឡាវ-កម្ពុជា
វៀតណាមបង្កើនការតភ្ជាប់និងអភិវឌ្ឍន៍​កំពង់ផែសមុទ្របៃតង