អតីតប្រធានាធិបតីឈីលី Michelle Bachelet Jeria គាំទ្រការលើកកម្ពស់ទំនាក់ទំនងរវាងខេត្ត Nghe An និងប្រទេសឈីលី

អតីតប្រធានាធិបតីឈីលី Michelle Bachelet៖ គ្រួសាររបស់ខ្ញុំតែងតែមានអារម្មណ៍ល្អចំពោះវៀតណាម

ខេត្ត Nghe An៖ សកម្មភាពដ៏រំភើប និងមានអត្ថន័យជាច្រើនក្នុងឆ្នាំមិត្តភាព និងសាមគ្គីភាពរវាងវៀតណាម និងឡាវ

គណៈប្រតិភូ និងថ្នាក់ដឹកនាំខេត្តបានថតរូបអនុស្សាវរីយ៍

ចូលរួមកិច្ចប្រជុំជាមួយថ្នាក់ដឹកនាំខេត្ត Nghe An មានលោក Sergio Narea - ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសឈីលីប្រចាំនៅវៀតណាម; លោក Pham Truong Giang - ឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំនៅឈីលី; លោក Mauro Elias Tamayo - ចៅហ្វាយខ័ណ្ឌ Cerro Navia ។

អតីតប្រធានាធិបតីឈីលីបានសំដែងថា តាមរយៈដំណើរទស្សនកិច្ចនៅខេត្ត Nghe An នឹងបន្តពង្រឹងកិច្ចសហប្រតិបត្តិការ និងរួមដៃគ្នាក្នុងការសម្រេចគោលដៅរួមរបស់សហគមន៍អន្តរជាតិសម្រាប់សន្តិភាព និងការអភិវឌ្ឍន៍។ ក៏ដូចជាអះអាងថា ទោះក្នុងឋានៈណាក៏ដោយ លោកនឹងបន្តគាំទ្រការជំរុញទំនាក់ទំនងរវាងវៀតណាម - ឈីលី ,Nghe An - ឈីលី ក៏ដូចជាទំនាក់ទំនងជិតស្និទ្ធរវាងប្រជាជនទាំងពីរ។

ក្នុងជំនួបនេះផងដែរ លេខាគណៈកម្មាធិការបក្សខេត្ត លោក Thai Thanh Quy បានសង្កត់ធ្ងន់ថា ដំណើរទស្សនៈកិច្ច និងការងាររបស់គណៈប្រតិភូនៅវៀតណាម និងខេត្ត Nghe An គឺជាភស្តុតាងដ៏រស់រវើកនៃការបន្តបណ្តុះចំណងមិត្តភាពល្អជាង ៥០ ឆ្នាំនៃប្រទេសទាំងពីរ វៀតណាម - ឈីលី, គឺជាឱកាសដើម្បីជំរុញការអភិវឌ្ឍន៍ទំនាក់ទំនងកិច្ចសហប្រតិបត្តិការលើគ្រប់វិស័យរវាងខេត្ត Nghe An និង ឈីលី។ ជាពិសេសចាប់តាំងពីឆ្នាំ ២០០៧ ប្រទេសទាំងពីរបានបង្កើតភាពជាដៃគូទូលំទូលាយ។ ជាពិសេស ក្នុងផែនការគោលនយោបាយការបរទេសឆ្នាំ២០២៣ ខេត្ត Nghe An ត្រូវបានគេរំពឹងថានឹងរៀបចំគណៈប្រតិភូទៅបំពេញទស្សនកិច្ច និងធ្វើការនៅប្រទេសឈីលី។

ដូច្នេះហើយ ប្រធានគណៈកម្មាធិការបក្សខេត្ត ទន្ទឹងរង់ចាំទទួលបានការយកចិត្តទុកដាក់ និងជួយជ្រោមជ្រែងពីអតីតប្រធានាធិបតីឈីលី, ស្ថានទូតឈីលីប្រចាំនៅវៀតណាម, ស្ថានទូតវៀតណាមប្រចាំប្រទេសឈីលី, ស្រុក Cerro Navia ដើម្បីធ្វើឱ្យដំណើរទស្សនកិច្ចរបស់ក្រុមការងារខេត្ត Nghe An ទៅកាន់ប្រទេសឈីលីទទួលបានជោគជ័យយ៉ាងត្រចះត្រចង់ បើកឱកាសសម្រាប់កិច្ចសហប្រតិបត្តិការរវាងភាគីទាំងពីរ៕

ឌឹកអាញ់

Thoidai.com.vn