នាបច្ចុប្បន្ននេះ ភាគីទាំងពីរកំពុងខិតខំប្រឹងប្រែងចរចា ដើម្បីដោះស្រាយការងារខ័ណ្ឌសីមា និងបោះបង្គោលព្រំដែនលើខ្សែព្រំដែន ប្រមាណ ១៦% នៅសល់។
 ពិធីជំនួបប្រាស្រ័យមិត្តភាពការពារជាតិព្រំដែន រួមចំណែកពង្រឹងចំណងសាមគ្គីភាព មិត្តភាព វៀតណាម-កម្ពុជា |
 ជំរុញកិច្ចសហប្រតិបត្តិការជាងទៀតរវាងវៀតណាមនិងរដ្ឋMéridaប្រទេសវេណេស៊ុយអេឡា |
 |
| អ្នកនាំពាក្យក្រសួងការបរទេស លោកស្រី Le Thi Thu Hang |
នារសៀលថ្ងៃទី ២៦ ឧសភា នៅទីក្រុងហាណូយ ក្នុងសន្នសីទការសែតជាប្រចាំរបស់ក្រសួងការបរទេសវៀតណាម ទាក់ទិននឹងព័ត៌មានអំពីការងារខ័ណ្ឌសីមា បោះបង្គោលព្រំដែនគោករវាងវៀតណាម និងកម្ពុជានោះ អ្នកនាំពាក្យក្រសួងការបរទេស លោកស្រី Le Thi Thu Hang បានឲ្យដឹងថា៖
ការសម្រេចរួចរាល់ការងារខ័ណ្ឌសីមា និងបោះបង្គោលព្រំដែនគោក ដើម្បីកសាងខ្សែព្រំដែនវៀតណាម - កម្ពុជាសន្តិភាព មិត្តភាព និងអភិវឌ្ឍន៍ប្រកបដោយចីរភាពគឺជាបំណងប្រាថ្នាដ៏ត្រឹមត្រូវរបស់ប្រជាជននៃប្រទេសទាំងពីរតាំងពីយូរណាស់មកហើយ។ ក្នុងស្មារតីនោះ ក្នុងរយៈពេលប៉ុន្មានឆ្នាំកន្លងទៅ វៀតណាម និងកម្ពុជាបានសហប្រតិបត្តិការយ៉ាងជិតស្និទ្ធិ ហើយសម្រេចការងារខ័ណ្ឌសីមា បោះបង្គោលព្រំដែនខ្សែព្រំដែនប្រមាណ ១០៤៥ គីឡូម៉ែត្រ ស្មើនឹងប្រមាណ ៨៤% នៃប្រវែងខ្សែព្រំដែនទាំងមូល។ នេះជាសមិទ្ធិផលដ៏សំខាន់ រួមចំណែកបង្កល្ខណៈងាយស្រួលដល់ការធ្វើដំណើរ ការដោះដូរពាណិជ្ជកម្ម និងការជួបប្រាស្រ័យមិត្តភាពរវាងប្រជាជននៃប្រទេសទាំងពីរក៏ដូចជាអភិវឌ្ឍន៍សេដ្ឋកិច្ច សង្គមនៅប្រទេសនីមួយៗផងដែរ។
សូមបញ្ជាក់ដែរថា នាបច្ចុប្បន្ននេះ ភាគីទាំងពីរកំពុងខិតខំប្រឹងប្រែងចរចា ដើម្បីដោះស្រាយការងារខ័ណ្ឌសីមា និងបោះបង្គោលព្រំដែនលើខ្សែព្រំដែន ប្រមាណ ១៦% នៅសល់ផងដែរ។
| ព្រំដែនកម្ពុជា-វៀតណាមបានឆ្លងកាត់ដំណើរការប្រវត្តិសាស្ត្រនៃការបង្កើត និងកំណត់ពីសម័យសក្តិភូមិរហូតដល់សម័យអាណានិគមបារាំង។ ឯកសារច្បាប់ដែលបានចុះហត្ថលេខារវាងភាគីពាក់ព័ន្ធចាប់តាំងពីទសវត្សរ៍ទី ៧០ នៃសតវត្សទី ១៩ នៅលើព្រំដែនវៀតណាម - កម្ពុជា; នៅពាក់កណ្តាលទីមួយនៃសតវត្សទី ២០ ព្រំដែនវៀតណាម-កម្ពុជាត្រូវបានបង្ហាញនៅលើផែនទីខ្នាត ១:១០០,០០០ នៃនាយកដ្ឋានភូមិសាស្ត្រឥណ្ឌូចិន។ នៅឆ្នាំ ១៩៦៤ ដល់ ១៩៦៧ នៅពេលដែលកម្ពុជាប្រកាសអព្យាក្រឹតភាព រណសិរ្សជាតិរំដោះវៀតណាមខាងត្បូង និងរដ្ឋាភិបាលនៃសាធារណៈរដ្ឋប្រជាធិបតេយ្យវៀតណាមបានចេញសេចក្តីប្រកាសទទួលស្គាល់អធិបតេយ្យភាព និងបូរណភាពទឹកដីរបស់កម្ពុជានៅតាមព្រំដែនបច្ចុប្បន្ននៅពេលនោះ។ នៅឆ្នាំ ១៩៦៤ ១៩៦៦ និង ១៩៧៥ ភាគីទាំងពីរបានជំរុញការចរចាព្រំដែនមួយចំនួន។ ក្រោយសង្រ្គាមប្រឆាំងអាណានិគមនិយម ចក្រពត្តិនិយម និងពួកបក្ខពួក ជាពិសេសចាប់តាំងពីខែកុម្ភៈ ឆ្នាំ១៩៧៩ វៀតណាម-កម្ពុជា បានចុះហត្ថលេខាលើសន្ធិសញ្ញាសន្តិភាព និងមិត្តភាព ជាមូលដ្ឋានក្នុងការដោះស្រាយបញ្ហាព្រំដែនរវាងប្រទេសទាំងពីរ ដើម្បីឆ្ពោះទៅរកការកសាងព្រំដែនសន្តិភាព មិត្តភាពយូរអង្វែង និងមិត្តភាព។ ថ្ងៃទី ២០ ខែ កក្កដា ឆ្នាំ ១៩៨៣ វៀតណាម និងកម្ពុជាបានចុះហត្ថលេខាលើសន្ធិសញ្ញាស្តីពីគោលការណ៍សម្រាប់ដោះស្រាយបញ្ហាព្រំដែន និងកិច្ចព្រមព្រៀងស្តីពីបទប្បញ្ញត្តិព្រំដែនកំណត់គោលការណ៍ និងបទប្បញ្ញត្តិសម្រាប់ធ្វើផែនការព្រំដែនរវាងប្រទេសទាំងពីរ៕ |
មតិពីមិត្តអ្នកអាន