វៀតណាមចូលរួមចំណែកជំរុញទំនាក់ទំនងអាស៊ាន-ចិន

បើកពិព័រណ៍អាស៊ាន-ចិននិងកិច្ចប្រជុំកំពូលពាណិជ្ជកម្មនិងវិនិយោគអាស៊ាន-ចិនលើកទី ១៨

ប្រមុខការទូតកម្ពុជា ដឹកនាំគណៈប្រតិភូ ទៅចូលរួមកិច្ចប្រជុំពិសេស រដ្ឋមន្រ្តីការបរទេស អាស៊ាន-ចិន នៅទីក្រុងឆុងឈីង

នាយករដ្ឋមន្ត្រីវៀតណាម លោក Pham Minh Chinh (រូបថត៖ baotintuc)

កិច្ចប្រជុំនេះគឺជាឱកាសសម្រាប់ថ្នាក់ដឹកនាំនៃភាគីទាំងពីរវាយតម្លៃលើកិច្ចសហប្រតិបត្តិការរវាងអាស៊ាននិងចិន ក្នុងរយៈពេល ៣០ ឆ្នាំកន្លងមក កំណត់ទិសដៅសំខាន់ក្នុងដំណាក់កាលថ្មី ដើម្បីជំរុញទំនាក់ទំនងនេះឲ្យកាន់តែស៊ីជម្រៅ និងជាក់ស្ដែងឲ្យសមស្របនឹងទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ ដែលទើបបានបង្កើតឡើងក្នុងកិច្ចប្រជុំកំពូលប្រចាំឆ្នាំអាស៊ាន-ចិនលើកទី២៤ (ថ្ងៃទី២៦ ខែតុលា ឆ្នាំ២០២១)។

ក្នុងនាមជាសមាជិកចូលរួមយ៉ាងសកម្មក្នុងសហគមន៍អាស៊ាន វៀតណាមរួមជាមួយបណ្តាប្រទេសអាស៊ាន និងចិនបានពង្រឹងការសន្ទនានយោបាយ បង្កើនការយល់ដឹងគ្នាទៅវិញទៅមក ទំនុកទុកចិត្ត និងការគោរពគ្នាទៅវិញទៅមក ជំរុញកិច្ចសហប្រតិបត្តិការលើគ្រប់ជ្រុងជ្រោយ ជំរុញទំនាក់ទំនងទ្វេភាគីឱ្យក្លាយទៅជាគំរូនៃទំនាក់ទំនងប្រកបដោយស្ថិរភាព និងនិរន្តរភាពរវាងប្រទេសជិតខាងនានា។ វៀតណាមបានត្រៀមខ្លួនជាស្រេច ដើរតួនាទីជាស្ពានតភ្ជាប់រវាងសហគមន៍សេដ្ឋកិច្ចអាស៊ាន និងចិន ហើយរួមជាមួយបណ្តាប្រទេសអាស៊ាន ជំរុញកិច្ចសហប្រតិបត្តិការយ៉ាងខ្លាំងក្លាលើគ្រប់វិស័យ រក្សាសន្តិភាព ស្ថិរភាព និងដោះស្រាយការខ្វែងគំនិតគ្នាដើម្បីផលប្រយោជន៍របស់ភាគីនានា ធានាសកម្មភាពសហប្រតិបត្តិការសេដ្ឋកិច្ច និងពាណិជ្ជកម្មឲ្យបានរលូន រួមចំណែកជាវិជ្ជមានដល់សន្តិភាព កិច្ចសហប្រតិបត្តិការ ការអភិវឌ្ឍ និងវិបុលភាពរួមក្នុងតំបន់ផងដែរ៕

VOV/qdnd