Trending now

វៀតណាមផ្តោតលើការអភិវឌ្ឍន៍វិស័យថាមពលស្អាតនិងថាមពលកែច្នៃឡើងវិញ

18:37 | 15/10/2021 យោងតាមវិឡុសំលេងវៀតណាម

អញ្ជើញថ្លែងមតិនៅវេទិកានេះ លោកនាយករដ្ឋមន្រ្តីវៀតណាម Pham Minh Chinh បានអះអាងថា វៀតណាមវាយតម្លៃខ្ពស់ចំពោះតួនាទីដ៏សំខាន់របស់សហព័ន្ធរុស្ស៊ីចំពោះផ្នែកថាមពលសកលលោក ដោយបានជួយរក្សាស្ថិរភាព និងតុល្យភាពទីផ្សារថាមពលអន្តរជាតិ។ លោកនាយករដ្ឋមន្រ្តីមានជំនឿជាក់ថា រាល់គំនិតផ្ដូចផ្ដើមរបស់រុស្ស៊ីលើវិស័យថាមពល ក្នុងនោះមានវេទិកាសប្តាហ៍ថាមពលរុស្ស៊ីលើកនេះ បាននិងកំពុងបន្តរួមចំណែកបង្កើនកិច្ចសន្ទនា និងកិច្ចសហប្រតិបត្តិការរវាងបណ្ដាប្រទេស និងកិច្ចសហប្រតិបត្តិការរដ្ឋ - ឯកជនក្នុងការអភិវឌ្ឍន៍ថាមពលប្រកបដោយប្រសិទ្ធភាព ចីរភាព ដើម្បីផលប្រយោជន៍រួមរបស់បណ្ដាប្រទេស និងមនុស្សជាតិ។

សម្ព័ន្ធក្រុមហ៊ុន T&T (វៀតណាម) និងដៃគូអាមេរិកសហប្រតិបត្តិការក្នុងការអភិវឌ្ឍ ថាមពលកកើតឡើងវិញនៅវៀតណាម សម្ព័ន្ធក្រុមហ៊ុន T&T (វៀតណាម) និងដៃគូអាមេរិកសហប្រតិបត្តិការក្នុងការអភិវឌ្ឍ ថាមពលកកើតឡើងវិញនៅវៀតណាម
កញ្ចប់វិនិយោគថាមពលស្អាតចំនួន ២,៥ ពាន់លានដុល្លារសម្រាប់ការស្តារសេដ្ឋកិច្ចឡើងវិញក្រោយជំងឺរាតត្បាត Covid-19 នៅអាស៊ីអាគ្នេយ៍ កញ្ចប់វិនិយោគថាមពលស្អាតចំនួន ២,៥ ពាន់លានដុល្លារសម្រាប់ការស្តារសេដ្ឋកិច្ចឡើងវិញក្រោយជំងឺរាតត្បាត Covid-19 នៅអាស៊ីអាគ្នេយ៍
លោកនាយករដ្ឋមន្រ្តីវៀតណាម Pham Minh Chinh (រូបថត៖ VOV)
លោកនាយករដ្ឋមន្រ្តីវៀតណាម Pham Minh Chinh (រូបថត៖ VOV)

លោកនាយករដ្ឋមន្ត្រីវៀតណាម បានឲ្យដឹងថា៖ នាបច្ចុប្បន្នវៀតណាមកំពុងកសាងផែនការអភិវឌ្ឍន៍អគ្គិសនីថ្នាក់ជាតិដំណាក់កាលឆ្នាំ ២០២១-២០៣០ ចក្ខុវិស័យដល់ឆ្នាំ ២០៤៥ ក្នុងនោះបានតម្រង់ទិសដៅការរៀបចំរចនាសម្ព័ន្ធប្រភពថាមពលរបស់វៀតណាម។ លោកនាយករដ្ឋមន្ត្រីសង្កត់ធ្ងន់៖ “នាបច្ចុប្បន្ន វៀតណាមកំពុងបន្តសុក្រិតរបៀបរបប គោលនយោបាយច្បាប់ជួយឧបត្ថម្ភផ្នែកថាមពលអភិវឌ្ឍន៍ឲ្យបានសមស្របនឹងនិន្នាការអន្តរជាតិ បន្សាំនឹងការប្រែប្រួលអាកាសធាតុ និងពង្រីកសក្តានុពលខុសប្លែកគ្នា ឱកាសលេចធ្លោ និងប្រៀបប្រកួតប្រជែងរបស់វៀតណាម។ យើងខ្ញុំបានលើកទឹកចិត្តចំពោះយន្តការសហប្រតិបត្តិការរដ្ឋ - ឯកជន; បន្តជួយសម្រួលដល់វិនិយោគិន សហគ្រាស ដែលមានបទពិសោធន៍ បច្ចេកវិទ្យាជឿនលឿន របស់សហព័ន្ធរុស្ស៊ីនិង ប្រទេសដទៃទៀតបោះទុនវិនិយោគ ធ្វើអាជីវកម្មលើវិស័យថាមពល ជាពិសេសគឺថាមពលកកើតឡើងវិញ នៅវៀតណាម ដែលជាទីផ្សារមួយនៅមានសក្តានុពលអភិវឌ្ឍន៍ជាច្រើន។

វៀតណាមគោរព ហើយត្រៀមខ្លួនជាស្រេចរួមជាមួយរុស្ស៊ីនិងប្រទេសដទៃទៀតពង្រីកកិច្ចសហប្រតិបត្តិការលើវិស័យថាមពល ព្រមទាំងមានគោលបំណងថា និងទទួលបានការជួយឧបត្ថម្ភអំពីហិរញ្ញវត្ថុ បច្ចេកវិទ្យា អភិបាលកិច្ច ហេដ្ឋារចនាសម្ព័ន្ធ ការបណ្តុះបណ្តាលធនធានមនុស្ស ដើម្បីជំរុញការសម្រេចរាល់គោលដៅរបស់ខ្លួនយ៉ាងខ្លាំងក្លា ប្រកបដោយប្រសិទ្ធភាពជាង ដើម្បីផលប្រយោជន៍របស់ប្រទេសនីមួយៗ ចំណងមិត្តភាពវៀតណាម - សហព័ន្ធរុស្ស៊ី និងការអភិវឌ្ឍន៍ប្រកបដោយចីរភាព វិបុលភាពរបស់មនុស្សជាតិទាំងមូលផងដែរ”៕

យោងតាមវិឡុសំលេងវៀតណាម

មតិពីមិត្តអ្នកអាន

ព័ត៌មានថ្មីៗ

ទីក្រុងហូជីមិញខិតខំស្ដារវិស័យទេសចរណ៍និងសេដ្ឋកិច្ចឡើងវិញ
វៀតណាមដឹកនាំកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិអំពីការដោះស្រាយបញ្ហាប្រឈមចំពោះកុមារ
សារសំខាន់ដែលលើកកម្ពស់ចំណងមិត្តភាព
អាជ្ញាធរប្រកាសពីការរៀបចំព្រឹត្តិការណ៍ «រំលឹកគុណអង្គរ» នៅពាក់កណ្ដាលខែធ្នូនេះ
សមាគមទេសចរណ៍ថាមិនទាន់ទទួលបានភ្ញៀវវ៉ាក់សាំងទេ