យុគសម័យ - នាពេលថ្មីៗ នេះ នៅទីក្រុង Ho Chi Minh គណៈកម្មាធិការការងារស្តីពីអង្គការមិនមែនរដ្ឋាភិបាលបរទេស (គណៈកម្មាធិការ) បានរៀបចំសន្និសីទចែករំលែកព័ត៌មានជាមួយមន្ត្រីវៀតណាមដែលធ្វើការ នៅអង្គការមិនមែនរដ្ឋាភិបាលបរទេស (NGO) ។ លោក Phan Anh Son អនុប្រធានគណៈកម្មាធិការ ជាអនុប្រធាននិងជាអគ្គលេខាធិការនៃសម្ព័ន្ធអង្គការមិត្តភាពវៀតណាម បានអញ្ជើញជាអធិបតីក្នុងសន្និសីទនេះ។
 |
| ទិដ្ឋភាពរួមនៃសន្និសីទនេះ។ |
ប្រតិភូជាង ១០០ នាក់ដែលជាបុគ្គលិក មន្ត្រី ធ្វើការនៅក្នុងអង្គការមិនមែនរដ្ឋាភិបាលបរទេសចំនួន ៧០ អង្គការដែលកំពុងប្រតិបត្តិការនៅតំបន់ភាគខាងត្បូងបានអញ្ជើញចូលរួមសន្និសីទនេះ។ ទាំងនេះគឺជាមន្ត្រីដែលដើរតួនាទីយ៉ាងសំខាន់ក្នុងការផ្តល់យោបល់និងផ្តល់អនុសាសន៍ សម្រាប់អង្គការមិនមែនរដ្ឋាភិបាលនៅពេលអនុវត្តសកម្មភាពនៅប្រទេសវៀតណាម គឺជាអ្នកទទួលបន្ទុកកម្មវិធី គំរោងនិងហិរញ្ញវត្ថុរបស់អង្គការមិនមែនរដ្ឋាភិបាលបរទេស។
លោក Phan Anh Son អនុប្រធានគណៈកម្មាធិការការងារសម្រាប់អង្គការមិនមែនរដ្ឋាភិបាលបរទេស អនុប្រធាននិងជាអគ្គលេខាធិការសម្ព័ន្នអង្គការមិត្តភាពវៀតណាមបានចែករំលែកព័ត៌មានអំពីស្ថានភាពពិភពលោក តំបន់អាស៊ី - ប៉ាស៊ីហ្វិក អាស៊ាន…។ ផលប៉ះពាល់លើប្រទេសវៀតណាមនិងការងារអង្គការមិនមែនរដ្ឋាភិបាល ព័ត៌មានស្តីពីលទ្ធផលការងាររបស់អង្គការមិនមែនរដ្ឋាភិបាល នៅឆ្នាំ ២០២០ ទិសដៅនិងភារកិច្ចនៅក្នុងឆ្នាំ ២០២១ និងឆ្នាំបន្ទាប់។
 |
| លោក Phan Anh Son អនុប្រធានគណៈកម្មាធិការការងារសម្រាប់អង្គការមិនមែនរដ្ឋាភិបាលបរទេស អនុប្រធាននិងជាអគ្គលេខាធិការសម្ព័ន្នអង្គការមិត្តភាពវៀតណាម |
ប្រតិភូចូលរួមបានវាយតម្លៃខ្ពស់ថា គណៈកម្មាធិការនិងសម្ព័ន្ធអង្គគារមិត្តមិត្តភាពវៀតណាមបានចែករំលែកព័ត៌មាន បំពេញបន្ថែមដើម្បីធ្វើឲ្យច្បាស់អំពីសកម្មភាពនិងគោលនយោបាយរបស់រដ្ឋស្ដីពីការងាររបស់អង្គការមិនមែនរដ្ឋាភិបាល។ ដោយហេតុនេះ ជួយកម្មាភិបាលវៀតណាមដែលកំពុងធ្វើការនៅក្នុងអង្គការមិនមែនរដ្ឋាភិបាលបរទេសបង្កើនគុណភាពនិងប្រសិទ្ធភាពការងារ ជាពិសេសក្នុងការពិគ្រោះយោបល់ ដើម្បីរៀបចំគោលនយោបាយជំនួយសម្រាប់ប្រទេសវៀតណាម។
លោក Phan Anh Son អនុប្រធានគណៈកម្មាធិការ អនុប្រធាននិងជាអគ្គលេខាធិការនៃសម្ព័ន្ធអង្គការមិត្តភាពវៀតណាមបានផ្លាស់ប្តូរនិងឆ្លើយសំណួរនិងសំណើររបស់គណៈប្រតិភូ ដោះស្រាយបញ្ហាសេសសល់និងសំណើរបស់ប្រតិភូណែនាំទិសដៅនិងដំណោះស្រាយ ដើម្បីដោះស្រាយស្ថានភាពជាក់លាក់និងបញ្ហាដែលត្រូវបានដាក់ចេញដោយប្រតិភូ។
លោក Phan Anh Son បានបញ្ជាក់ថា គណៈកម្មាធិការនិងសម្ព័ន្ធអង្គការមិត្តភាពវៀតណាមនឹងបន្តបង្កើនការចែករំលែកព័ត៌មាន តាមទំរង់ផ្ទាល់ឬតាមអ៊ិនធើណិត។ ទន្ទឹមនឹងនេះ សង្ឃឹមថា ប្រតិភូនិងអង្គការមិនមែនរដ្ឋាភិបាលនឹងផ្តល់មតិយោបល់និងពិភាក្សាយ៉ាងសកម្មនិងពិភាក្សាជាមួយគណៈកម្មាធិការ ដើម្បីលើកកម្ពស់ប្រសិទ្ធភាពនៃការសម្របសម្រួលបន្ថែមទៀត./.
thoidai.com.vn
មតិពីមិត្តអ្នកអាន