យុគសម័យ - ថ្មីៗនេះ កម្មវិធីអាហារូបករណ៍ "ការអភិវឌ្ឍការអប់រំនិងបំណិន - អាហារូបករណ៍ SEEDS" ដែលឧបត្ថម្ភដោយមូលនិធី Pacific Links Foundation នៅខេត្ត Quang Ngai បានរៀបចំពិធីបូកសរុបលទ្ធផលនិងអនុវត្តភារកិច្ច ក្នុងរយៈពេលឆ្នាំ ២០២១ ។
ពិធីកោតសរសើរនិងផ្តល់រង្វាន់ដល់សមូហភាពដែលអនុវត្តបានល្អ កម្មវិធីអាហារូបករណ៍ SEEDS ។
ខេត្ត Quang Ngai គឺជាខេត្តមួយក្នុងចំណោមខេត្តចំនួន ៧ នៃភាគកណ្តាល ដែលទទួលបានកម្មវិធីអាហារូបករណ៍ SEEDS ។ ក្នុងរយៈពេល ៣ ឆ្នាំនៃការផ្តល់អាហារូបករណ៍ SEEDS នៅខេត្ត Quang Ngai បាន ជូនដល់សិស្ស និស្សិត ចំនួន ៨៤០ នាក់ដែលមានទឹកប្រាក់សរុបជិត ៨,៥ ពាន់លានដុង។ សិស្សនិងនិស្សិតមានស្ថានភាពលំបាក ប៉ុន្តែមានលទ្ធផលសិក្សាល្អ។
ក្នុងឆ្នាំសិក្សា ២០១៩-២០២០ ខេត្ត Quang Ngaiមាននិស្សិតនិងសិស្សចំនួន ៤០៨ នាក់ នៅស្រុក Binh Sơn ស្រុក Nghia Hành ទីក្រុង Quang Ngai ទទួលបានអាហារូបករណ៍ SEEDS ដែលមានទឹកប្រាក់សរុបជាង ៤,១ ពាន់លានដុង ក្នុងនោះសិស្សរៀននៅអនុវិទ្យាល័យចំនួន ៧៧ នាក់ សិស្សរៀនវិទ្យាល័យចំនួន ២៥១ នាក់ ហើយនិស្សិតរៀននៅសាកលវិទ្យាល័យចំនួន ៨០ នាក់។
នៅឆ្នាំ ២០២០-២០២១ ខេត្ត Quang Ngai មានសិស្សនិងនិស្សិតចំនួន ៣២៧ នាក់ មានលក្ខខណ្ឌដ៏គ្រប់គ្រាន់ដែលទទួលបានអាហារូបករណ៍ SEEDS ។ សិស្ស និស្សិតទទួលអាហារូបករណ៍ SEEDS ដែលមានស្នាដៃសិក្សាឆ្នើម ក៏ត្រូវបានចូលរួមក្នុងជំរុំរដូវក្តៅ និយាយភាសាអង់គ្លេសនិងទទួលបានរង្វាន់ពីអ្នកឧបត្ថម្ភផងដែរ។
មិនត្រឹមតែការគាំទ្រថវិកាប៉ុណ្ណោះទេ កម្មវិធីអាហារូបករណ៍ SEEDS ក៏ជួយសិស្ស និស្សិតអភិវឌ្ឍបំណិនដ៏ចាំបាច់សំដៅកែលំអរឱកាសរកការងារធ្វើនិងការអភិវឌ្ឍន៍អាជីព ក្រោយពេលបញ្ចប់ការសិក្សា។ អាហារូបករណ៍ SEEDS ក៏សម្របសម្រួលជាមួយសមាគមលើកកម្ពស់ការសិក្សានៅខេត្ត សាងសង់ផ្ទះចំនួន ៥ សម្រាប់សិស្សក្រីក្រ./.（បកប្រែដោយឌីណា）
（ប្រភពព័ត៌មាន: thoidai.com.vn）
