អញ្ជើញថ្លែងនៅទីនេះ លោក Nguyen Le Phuc អគ្គនាយករង នៃអគ្គនាយកដ្ឋានទេសចរណ៍វៀតណាមបានអះអាងថាការរៀបចំវេទិកាលើកនេះ គឺសំដៅជំរុញជំនឿទុកចិត្ត និងពន្លឿនការងើបឡើងវិញនៃផ្នែកវប្បធម៌និងទេសចរណ៍ ក៏ដូចជាពង្រឹងកិច្ចសហប្រតិបត្តិការអភិវឌ្ឍន៍ទេសចរណ៍ឥតឈប់ឈរ ដើម្បីវិបុលភាពរួមផងដែរ។
រុស្ស៊ី - វៀតណាមជំរុញការការស្ដារទីផ្សារទេសចរណ៍ឡើងវិញ
នាថ្ងៃទី ៣ ខែមីនា គណៈកម្មាធិការកិច្ចការបរទេសនៃទីក្រុង Saint.Peterburg បានរៀបចំវេទិកាទេសចរណ៍ Saint.Peterburg - វៀតណាមលើកទី ២។ ជាមួយសក្តានុពលដែលមានស្រាប់របស់ប្រទេសទាំងពីររុស្ស៊ីនិងវៀតណាម ស្ដីពីកិច្ចសហប្រតិបត្តិការអភិវឌ្ឍន៍វប្បធម៌និងទេសចរណ៍នោះ ប្រតិភូជាច្រើនរូបបានផ្លាស់ប្តូរព័ត៌មាននិងវិធានការជាច្រើនដើម្បីពន្លឿន ការងើបឡើងវិញពីផលប៉ះពាល់នៃជំងឺរាតត្បាតកូវីដ ១៩។
អញ្ជើញថ្លែងនៅទីនេះ លោក Nguyen Le Phuc អគ្គនាយករង នៃអគ្គនាយកដ្ឋានទេសចរណ៍វៀតណាមបានអះអាងថាការរៀបចំវេទិកាលើកនេះ គឺសំដៅជំរុញជំនឿទុកចិត្ត និងពន្លឿនការងើបឡើងវិញនៃផ្នែកវប្បធម៌និងទេសចរណ៍ ក៏ដូចជាពង្រឹងកិច្ចសហប្រតិបត្តិការអភិវឌ្ឍន៍ទេសចរណ៍ឥតឈប់ឈរ ដើម្បីវិបុលភាពរួមផងដែរ។
ជាការឆ្លើយតប លោក Demian Svileves ប្រធាននាយកដ្ឋានសហប្រតិបត្តិការអន្តរជាតិ នៃអគ្គនាយកដ្ឋានទេសចរសហព័ន្ធរុស្ស៊ីបានវាយតម្លៃថា វៀតណាមគឺជាគោលដៅដ៏គួរឲ្យទាក់ទាញចំពោះភ្ញៀវទេសចររុស្ស៊ី។
លោកបានសម្ដែងក្ដីសង្ឈឹមថា នាពេលខាងមុខ បែបទផ្ដល់ទិដ្ឋាការអេឡិចត្រូនិកចូលរុស្ស៊ីសម្រាប់ភ្ញៀវទេសចរបរទេស ក្នុងនោះវៀតណាមនឹងត្រូវបើកដំណើរការឡើងវិញ ក៏ដូចជាជើងហោះហើរអន្តរជាតិនឹងចាប់ផ្តើមដំណើរការឡើងវិញ ដើម្បីជួយបង្កើនលំហូរភ្ញៀវទេសចរមកពីប្រទេសទាំងពីរផងដែរ៕
（ប្រភពព័ត៌មាន: VOV）
