នាថ្ងៃទី ៩ កញ្ញា មេដឹកនាំ សាធារណរដ្ឋប្រជាធិបតេយ្យប្រជាមានិតកូរ៉េ លោក Kim Jong-un បានអះអាងថាព្យុងយ៉ាងកំពុងគោរពតាមការព្រមព្រៀងលុបបំបាត់នុយក្លេអ៊ែរ ដែលប្រទេសខ្លួនបានឯកភាពគ្នាជាមួយអាមេរិកក្នុងឆ្នាំនេះ ព្រមទាំងស្នើឲ្យវ៉ាស៊ីនតោនមានការប្រតិបត្តិដូច្នេះ ជាមួយនឹងការខិត្តខំប្រឹងប្រែងរបស់ សាធារណរដ្ឋប្រជាធិបតេយ្យប្រជាមានិតកូរ៉េសំដៅអនុវត្តន៍ការព្រមព្រៀងរវាងភាគីទាំងពីរ។
មេដឹកនាំសាធារណរដ្ឋប្រជាធិបតេយ្យប្រជាមានិតកូរ៉េ លោក Kim Jong-un
មេដឹកនាំសាធារណរដ្ឋប្រជាធិបតេយ្យប្រជាមានិតកូរ៉េបានថ្លែងយ៉ាងដូច្នេះ នៅក្នុងជំនួបជាមួយ លោក Li Zhanshu ប្រ ធានគណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេស (រដ្ឋសភា) ចិន ដែលកំពុងមានវត្តមាននៅព្យុងយ៉ាង ដើម្បីចូលរួមពិធីដង្ហែរក្បួនព្យុហយាត្រាយោធា ក្នុងឱកាសរំលឹកខួបលើកទី ៧០ ទិវាបុណ្យជាតិសាធារណរដ្ឋប្រជាធិបតេយ្យប្រជាមានិតកូរ៉េ។ លោក Kim Jong-un បានថ្លែងទៅកាន់លោក Li Zhanshu ថា ព្យុងយ៉ាងមានក្ដីសង្ឈឹមថាវ៉ាស៊ីនតោននឹងបន្តរក្សាការសន្យាចំពោះការព្រមព្រៀងនេះផងដែរ។
វីឯខ្លួនវិញវិញ លោក Li Zhanshu បានអាះអាងសារជាថ្មីនូវការសន្យារបស់ចិន អំពីឧបទ្វីបកូរ៉េគ្មាននុយក្លេអ៊ែរ។ លោកបន្តថាចិនមានក្ដីសង្ឈឹមថាសាធារណរដ្ឋប្រជាធិបតេយ្យប្រជាមានិតកូរ៉េ និងអាមេរិកនឹងអនុវត្តនការព្រមព្រៀងរួម ដែលទទួលបាននៅក្នុងជំនួបកំពូលទ្វេភាគី ហើយរក្សាទិសដៅសន្តិភាព និងការសន្ទនាជាវិជ្ជមាន។
នាថ្ងៃដដែល ប្រធានាធិបតីអាមេរិកលោក Donald Trump បានអបអរសាទរជូនចំពោះ មេដឹកនាំសាធារណរដ្ឋប្រជាធិបតេយ្យប្រជាមានិតកូរ៉េ លោក Kim Jong-un ដោយមិនបានបង្ហាញ មីស៊ីលឆ្លងទ្វីបដូចកាលពីលើកមុន នៅក្នុងពិធីព្យុហយាត្រាយោធាក្នុងឱកាសរំលឹកខួបលើកទី ៧០ នៃទិវាបុណ្យជាតិផងដែរ៕
(ប្រភពព័ត៌មាន: VOV5-វិទ្យុសម្លេងវៀតណាម)
មតិពីមិត្តអ្នកអាន