យុគសម័យ - របាយការណ៍របស់កម្លាំងការពារឆ្នេរសមុទ្រអាមេរិកបាននិយាយពាក្យយ៉ាងតានតឹងអំពីការនេសាទខុសច្បាប់និងអំពាវនាវដល់បណ្ដាប្រជាទេសដែលមានការព្រួយបារម្ភអំពីការឯកភាពគ្នាដើម្បីប្រឆាំងនឹងប្រទេសដែលមានអាកប្បកិរិយាតាមបែប “អ្នកប្រមាញ់” នៅលើសមុទ្រ។
នាវានេសាទចិនចូលក្នុងដែនទឹកខេត្ត Quang Ninh ធ្វើអាជីវកម្មខុសច្បាប់
នាថ្ងៃទី ២០ ខែកញ្ញា កាសែត The South China Morning Post បានជូនដំណឹងថា កម្លាំងការពារឆ្នេរសមុទ្រអាមេរិកបាននិយាយពាក្យយ៉ាងតានតឹងអំពីការនេសាទខុសច្បាប់និងអំពាវនាវដល់បណ្ដាប្រជាទេសដែលមានការព្រួយបារម្ភអំពីការឯកភាពគ្នាដើម្បីប្រឆាំងនឹងស្ថានភាពនេសាទខុសច្បាប់នៅក្នុងតំបន់សមុទ្រ។
របាយការណ៍ដែលត្រូវបានចេញផ្សាយកាលពីថ្ងៃទី ១៧ ខែកញ្ញា បានរិះគន់កងកម្លាំងនេសាទដែលមានប្រដាប់អាវុធ ដែលរដ្ឋបាលក្រុងប៉េកាំងប្រើប្រាស់ដើម្បីពង្រឹងការទាមទារអធិបតេយ្យភាពខុសច្បាប់របស់ខ្លួននៅក្នុងសមុទ្រខាងកើត។
ទីក្រុងប៉េកាំងត្រូវបានគេនិយាយថា ប្រើវិធីសាស្រ្តនាំនាវាជាច្រើនចូលទៅក្នុងដែនទឹក ជុំវិញកោះដែលមានជម្លោះ និងកំចាយអ្នកនេសាទនិងទាហានរបស់បណ្ដាប្រទេសដែលមានអធិបតេយ្យនៅសមុទ្រខាងកើត។
យោងតាមការប៉ាន់ស្មាន នាពេលបច្ចុប្បន្ននេះ ប្រទេសចិនមាននាវាប្រមាណ ១៧.០០០ គ្រឿង ដែលក្នុងនោះ នាវាជាង ១២.០០០ គ្រឿងបានប្រតិបត្តិការនៅលើដែនទឹកដែលមិនមែនជារបស់ប្រទេសចិន។
ប្រទេសចិនក៏ជាប្រទេសសំដែងអាក្រក់បំផុតផងដែរនៅក្នុងសូចនាករនេសាទខុសច្បាប់ ដោយគ្មានរាយការណ៍ និងគ្មានអនុវត្តតាមច្បាប់ (IUU) ឆ្នាំ ២០១៩ នៃគំនិតផ្តួចផ្តើមសកលប្រឆាំងនឹងឧក្រិដ្ឋកម្មឆ្លងប្រទេស។
របាយការណ៍នេះបានបញ្ជាក់ដោយការប្តេជ្ញាចិត្តយ៉ាងមុតមាំថា៖ “កម្លាំងការពារឆ្នេរសមុទ្រអាមេរិកនឹងបញ្ជាក់ពីសកម្មភាពរបស់អ្នកដែលរំលោភបទប្បញ្ញត្តិនៃវិធានអន្តរជាតិ លាតត្រដាងនិងត្រូវទទួលយកការទទួលខុសត្រូវចំពោះកម្លាំងដែលជាការសម្លុតគំរាមកំហែងធ្ងន់ធ្ងរបំផុត”។
តាមនោះ កម្លាំងអនុវត្តច្បាប់ដែនសមុទ្ររបស់អាមេរិកនឹងផ្តោតយ៉ាងខ្លាំងលើអំពើរ “ប្រមាញ់” ពីព្រោះ “បណ្ដាប្រទេសដែលជាអ្នកប្រមាញ់មិនមានការទទួលខុសត្រូវ និងមិនគោរពតាមបទប្បញ្ញត្តិនេសាទ IUU ដែលបង្ខូចទ្រង់ទ្រាយទីផ្សារដោយគោលនយោបាយសេដ្ឋកិច្ចដ៏ជជើល ដែលបំផ្លាញដល់លទ្ធិប្រជាធិបតេយ្យ សេរីនិងបើកចំហរ ប្រឈមនឹងសន្តិសុខនិងវិបុលភាព និងបង្កអស្ថេរភាពសម្រាប់ប្រទេសដែលកំពុងមានភាពហានិភ័យនៅទូទាំងពិភពលោក”។
“ប្រទេសប្រមាញ់កំពុងស្វែងរកវិធីពង្រីកទ្រង់ទ្រាយសកម្មភាពនៃគំរូសេដ្ឋកិច្ចនិងអភិវឌ្ឍអំណាចរបស់ខ្លួន ដោយតម្លៃគឺជាអធិបតេយ្យភាពរបស់អ្នកដទៃ”។
ចំពេលមានទំនាក់ទំនងប្រេះឆារវាងទីក្រុងវ៉ាស៊ីនតោននិងប៉េកាំង របាយការណ៍នេះបានបង្ហាញពីការប្តេជ្ញាចិត្តរបស់កម្លាំងការពារឆ្នេរសមុទ្រអាមេរិកក្នុងការបង្កើនប្រតិបត្តិការប្រឆាំងនឹងក្រុមនាវានេសាទឆ្ងាយច្រាំងរបស់ចិន៕(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន