យុគសម័យ - នៅថ្ងៃទី១៦ ខែកក្កដា សភាអឺរ៉ុបបានបោះឆ្នោតគាំទ្រលោកស្រី Ursula von der Leyen ជាប្រធានគណៈកម្មការអឺរ៉ុបថ្មីជំនួសលោក Jean-Claude Juncker ដែលចប់អាណត្តិ។
លោកស្រី Ursula von der Leyen ស្ត្រីដំបូងបំផុតដែលក្លាយជាប្រធានគណៈកម្មការអឺរ៉ុបដ៏មានឥទ្ធិពល
ទីបំផុត គណៈកម្មការអឺរ៉ុប មានប្រធានជាស្ត្រីលើកដំបូងក្នុងប្រវត្តិសាស្ត្ររបស់ខ្លួន។ នៅថ្ងៃទី១៦ ខែកក្កដា សភាអឺរ៉ុបបានបោះឆ្នោតគាំទ្រលោកស្រី Ursula von der Leyen ជាប្រធានគណៈកម្មការអឺរ៉ុបថ្មីជំនួសលោក Jean-Claude Juncker ដែលចប់អាណត្តិ។ ការជាប់ឆ្នោតរបស់មន្ត្រីអាល្លឺម៉ង់រូបនេះ ជាផ្នែកមួយនៃការផ្លាស់ប្ដូរក្បាលម៉ាស៊ីនដឹកនាំរបស់សហភាពអឺរ៉ុប។
សូមគូសបញ្ជាក់ថា លោកស្រី Ursula von der Leyen ទទួលបានសំឡេងគាំទ្រចំនួន៣៨៣ ពីសមាជិកសភាសហភាពអឺរ៉ុបទាំងអស់ចំនួន៧៥១ ។ ជាអតីតរដ្ឋមន្ត្រីការពារជាតិអាល្លឺម៉ង់ លោកស្រី Ursula ជាស្ត្រីទីមួយដែលកាន់កាប់តំណែងដ៏ខ្ពស់ក្នុងរចនាសម្ព័ន្ធដឹកនាំរបស់សហភាពអឺរ៉ុបក្នុងរយៈពេលជាង៥០ឆ្នាំមកនេះ។ អាណត្តិ៥ឆ្នាំរបស់លោកស្រី នឹងចាប់ផ្ដើមនៅថ្ងៃទី១ ខែវិច្ឆិកា ដោយជំនួសលោក ហ្សង់-ក្លូដ ចាំងគើ ដែលចប់អាណត្តិ។
លោកស្រី Ursula ដែលជាម្ដាយមានកូនចំនួន៧នាក់ ក៏ជាស្ត្រីមួយកាន់តំណែងរដ្ឋមន្ត្រីការពារជាតិនៅអាល្លឺម៉ង់ផងដែរ។ លោកស្រីជារដ្ឋមន្ត្រីកាន់តំណែងបានយូរមួយក្នុងរដ្ឋាភិបាលលោកស្រី Angela Makel។ សម្រាប់អាណត្តិ៥ឆ្នាំខាងមុខនេះ លោកស្រី បានសន្យាដឹកនាំអឺរ៉ុបឲ្យមានសមភាពយេនឌ័រ ហើយក្នុងចំណោមស្នងការទទួលកិច្ចការសំខាន់ៗរបស់សហ ភាពអឺរ៉ុប នឹងត្រូវបែងចែកឲ្យស្មើរវាងបុរស និងស្ត្រី។ |
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន