យុគសម័យ - ក្មេងប្រុសមកពីបែលហ្ស៊ិកម្នាក់ត្រៀមទទួលបរិញ្ញាបត្រនៅអាយុ ៩ ឆ្នាំ។ ក្រុមគ្រួសារគ្រោងនឹងអោយក្មេងប្រុសរូបនេះ បន្តរៀនសញ្ញាប័ត្របណ្ឌិតហើយត្រៀមខ្លួនចិញ្ចឹមបំណង់ប្រាថ្នាទាំងអស់របស់គេ។
ក្មេងប្រុស Laurent Simons កាលពីឆ្នាំ ២០១៨ (រូបថតៈ CNN)
ក្មេងប្រុសម្នាក់នេះមានឈ្មោះថា Laurent Simons ដែលរូបគេចាប់ផ្ដើមចូលរៀនវិទ្យាល័យតាំងតែពីអាយុ៥ឆ្នាំមកម្លេះ ហើយប្រើពេលតែ២ឆ្នាំប៉ុណ្ណោះ Laurent បានបញ្ចប់ថ្នាក់វិទ្យាល័យជាមួយនឹងលទ្ធផលដ៏អស្ចារ្យ។
ហើយកាលពីដើមឆ្នាំ ២០១៩នេះ រូបគេក៏សម្រេចចិត្តចូលរៀនថ្នាក់សាកលវិទ្យាល័យ ដោយចាប់យកជំនាញវិស្វកម្មអគ្គិសនី បើទោះជាមានវ័យក្មេងក៏ពិតមែនតែសាស្ត្រាចារ្យដែលបានបង្រៀនគេផ្ទាល់បានលើកឡើងថា Laurent ជាសិស្សឆ្លាតបំផុតដែលគាត់មិនធ្លាប់បានបង្រៀនពីមុនមក។
ជាមួយនឹងទេពកោសល្យបូករួមនឹងការខំប្រឹងផងនោះ Laurent បានបញ្ចប់ថ្នាក់បរិញ្ញាបត្រវិស្វកម្មអគ្គិសនី ដែលជាទូរទៅមនុស្សធំរៀនយ៉ាងហោចណាស់ ៣ឆ្នាំឡើងទៅនោះ ដោយប្រើប្រាស់ពេលតែមួយឆ្នាំប៉ុណ្ណោះ។
មិនត្រឹមតែបញ្ចប់បានបរិញ្ញាបត្រទាំងវ័យក្មេងនោះទេ Laurent ក៏អាចនឹងបំបែកកំណត់ត្រាពិភពលោកក្លាយទៅជាអ្នកដែលចប់បរិញ្ញាបត្រក្មេងបំផុតលើពិភពលោក៕
(សរុបដោយ ស្រីព្រេជ)
មតិពីមិត្តអ្នកអាន