យុគសម័យ - នាព្រឹកថ្ងៃទី២៣ខែតុលា ចិនបានបើសម្ភោធជាផ្លូវការ នូវស្ពានឆ្លងសមុទ្រ ដែលមានប្រវែងវែងជាគេបង្អស់លើលោក តភ្ជាប់ ហុងកុង និង ម៉ាកាវ ដោយឆ្លងកាត់ទីក្រុងជូហៃ ក្នុងខេត្តគ័ងទុង។
រូបថតៈ vov.vn
សម្រាប់រដ្ឋាភិបាលចិន ស្ពាននេះ គឺជានិម្មិតរូប នៃការបើកច្រកផ្លូវសេដ្ឋកិច្ចទីផ្សារសេរី ឲ្យកាន់តែទូលំទូលាយ រវាងហុងកុង ជាមួយកោះម៉ាកាវ និងខេត្តក័ងទុងរបស់ចិន។
ស្ពានដ៏វែងនេះ រួមផ្សំឡើងពីកំណាត់ស្ពាននិងផ្លូវថ្នល់ជិត៣៥គីឡូម៉ែត្រ ព្រមទាំងផ្លូវរូងក្រោមផ្ទៃសមុទ្រប្រវែង៦.៧គីឡូម៉ែត្រ ដែលតភ្ជាប់រវាងកោះសិប្បនិម្មិត ដើម្បីកុំឲ្យបង្កភាពរាំងស្ទះដល់ការធ្វើដំណើររបស់កប៉ាល់។ ស្ពាននេះ ត្រូវបានដាក់សម្ភោធជាផ្លូវការ ក្រោមអធិបតីភាព លោកស៊ី ជីនពីង អគ្គលេខាបក្ស ប្រធានរដ្ឋចិន។
រូបថតៈ http://www.freshnewsasia.com
ស្ពានឆ្លងសមុទ្រដែលមានប្រវែង វែងជាគេលើលោកនេះ ត្រូវបានចំណាយពេលសាងសង់ អស់រយៈពេល៩ឆ្នាំ ដោយចំណាយប្រាក់អស់ ជិត២ម៉ឺនលានដុល្លារ។ ការសាងសង់ សំណង់ដ៏អស្ចារ្យនេះ ត្រូវបានទទួលការសហការ ពីក្រុមហ៊ុនវិស្វកម្មសំណង់បារាំង ឈ្មោះ Bouygues Construction៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន