យុគសម័យ - ប្រធានាធិបតីកូរ៉េខាងត្បូង លោក Moon Jae-in ធ្វើដំណើរតាមយន្តហោះទៅកាន់ទីក្រុងព្យុងយ៉ាងប្រទេសកូរ៉េខាងជើងនៅថ្ងៃអង្គារទី១៨ខែកញ្ញា សម្រាប់កិច្ចប្រជុំកំពូលលើកទី៣របស់លោកជាមួយ លោក Kim Jong Un មេដឹកនាំកូរ៉េខាងជើង
មិនត្រឹមតែជាការចាប់ដៃប្រវត្តិសាស្ត្ររវាងរដ្ឋធានីព្យុងយ៉ាងប៉ុណ្ណោះទេ ថ្នាក់ដឹកនាំទាំងពីរនាក់ថែមទាំងឱបគ្នាដោយភាតរភាពនិងស្នាមញញឹមយ៉ាងកក់ក្តៅទៀតផង (រូបថតៈ KBS/Reuters TV)
នាព្រឹកថ្ងៃទី១៨ខែកញ្ញា មេដឹកនាំកូរ៉េខាងជើង លោក Kim Jong Un និងភរិយាបានអញ្ជើញទទួលបដិសណ្ឋារកិច្ចប្រធានាធិបតីកូរ៉េខាងត្បូង លោក Moon Jae –in និងភរិយានៅព្រលានយន្តហោះរដ្ឋធានីព្យុងយ៉ាង។ លោក Moon បានធ្វើដំណើរតាមរយៈយន្តហោះដោយផ្ទាល់ពីទីក្រុងសេអ៊ូលទៅកាន់ទីក្រុងព្យុងយ៉ាង ដើម្បីចូលរួមជំនួបមេដឹកនាំអន្តរកូរ៉េ។ នេះជាជំនួបទល់មុខលើកទី៣រវាងលោក Moon និងលោក Kim ក្នុងរយៈពេលមិនដល់មួយឆ្នាំផងនោះ។
នេះជាដំណើរទស្សនកិច្ចដើមដំបូងក្នុងអំឡុងពេលជាង១ទសវត្សកន្លងទៅរបស់ប្រធានាធិបតីកូរ៉េខាងមួយរូបមកកាន់កូរ៉េខាងជើង។ ក្នុងដំណើរទស្សនកិច្ចអូសបន្លយក្នុងរយៈពេល៣ថ្ងៃនេះ ប្រធានាធិបតីកូរ៉េខាងត្បូង អមដំណើរដោយប្រតិភូជាច្រើនមានអ្នកនយោ បាយ មន្ត្រីជាន់ខ្ពស់រដ្ឋាភិបាល ពាណិជ្ជករដែលជាម្ចាស់ក្រុមហ៊ុនធំៗរបស់កូរ៉េខាងត្បូង និងតារាចម្រៀងផង។
ក្នុងក្របខ័ណ្ឌនៃដំណើរទស្សនកិច្ចនេះ ប្រធានាធិបតីលោក Moon Jae-in នឹងអញ្ជើញចូលរួមកិច្ចប្រជុំកំពូលអន្តរកូរ៉េលើកទី៣ក្នុងឆ្នាំ២០១៨នេះ។ ក្នុងជំនួបកំពូលលើកទី១ ថ្នាក់ដឹកនាំកូរ៉េខាងត្បូងនិងកូរ៉េខាងជើងសុទ្ធតែសម្តែងនូវការប្តេជ្ញាបញ្ជប់សង្គ្រាមនៅលើឧបទ្វីបកូរ៉េ។ ជំនួបកំពូលអន្តរកូរ៉េលើកនេះ មានសារៈសំខាន់ដើម្បីកំណត់ថា តើមានលទ្ធភាពកើតមានឡើងជំនួបរវាងលោក Kim ជាមួយប្រធានាធិបតីអាមេរិក លោក Donald Trump ដូចការរំពឹងទុកដែរឬទេ ក៏ដូចជាការគោរពរបស់កូរ៉េខាងជើងក្នុងការអនុវត្តដំណើរការគ្មាននុយគ្លេអ៊ែរយ៉ាងដូចម៉្តេចឡើយ។
ទិដ្ឋភាពនៃពិធីទទួលប្រធានាធិបតីកួរ៉េខាងត្បូងនិងភរិយា
តាមគម្រោង នៅថ្ងៃទី១៨ខែកញ្ញា បន្ទាប់ពីពិធីបដិសណ្ឋារកិច្ច ថ្នាក់ដឹកនាំកូរ៉េខាងត្បូងនិងមេដឹកនាំកូរ៉េខាងជើងពិសាអាហារថ្ងៃត្រង់ជាមួយគ្នា ហើយក្រោយជំនួបកំពូលនៅវេលាព្រលប់អ្នកទាំងពីរនឹងទៅទស្សនាកម្មវិធីវិចិត្រសិល្បៈពិសេសមួយ។
នៅថ្ងៃទី១៩កញ្ញា ថ្នាក់ដឹកនាំកូរ៉េទាំងពីរបន្តជំនួបនៅពេលព្រឹក ក្រោយពិសាអាហារថ្ងៃត្រង់នៅភោជនីយដ្ឋាន Okryugwan នឹងទៅទស្សនកិច្ចមូលដ្ឋានសំខាន់មួយចំនួននារដ្ឋធានីព្យុងយ៉ាង។
បើតាមទីភ្នាក់ងារព័ត៌មាន Yonhap លោក Moon និយាយមុនចាកចេញពីកូរ៉េខាងត្បូងថា ដំណើរទស្សនកិច្ចនៅកូរ៉េខាងជើងរបស់លោក នឹងទទួលជោគជ័យ បើសិនអាចជួយឲ្យកិច្ចសន្ទនារវាងអាមរិក និងកូរ៉េខាងជើងចាប់ផ្ដើមឡើងវិញ”៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន