ថ្មីៗនេះចិនបានលាតត្រដាងគម្រោងរថភ្លើងលឿនបំផុត ដែលអាចរត់បានក្នុងល្បឿនដល់ទៅ៦០០គីឡូម៉ែត្រក្នុង១ម៉ោង។ គម្រោងរថភ្លើងម៉ាញ៉េទិកនោះ ត្រូវបានលាតត្រដាងដោយក្រុមហ៊ុនរដ្ឋCRRC ដែលអាចផលិតចាប់ពីឆ្នាំ២០២១ទៅ។
ចិនលាតត្រដាងគម្រោងរថភ្លើងលឿនបំផុត
នោះជាគម្រោងបង្កើតរថភ្លើងជំនាន់ថ្មីដែលលឿនបំផុត។ ការចំណាយពេលកាន់តែតិចក្នុងការធ្វើដំណើរតាមរថភ្លើងនឹងក្លាយទៅជាការពិត។ ក្រុមហ៊ុនរដ្ឋនោះពឹងផ្អែកលើបច្ចេកវិទ្យានៃវត្ថុធាតុម៉ាញ៉េទិក សម្រាប់ផលិតរថភ្លើងមហាលឿននោះ។
ការប្រកួតប្រជែងគ្នាមានខ្លាំងបំផុតរវាងចិននិងជប៉ុន ក្នុងការផលិតរថភ្លើងលឿន។ ប្រទេសទាំង២ម្ខាងៗសុទ្ធតែប្រកួតប្រជែងគ្នា សម្រាប់បច្ចេកវិទ្យាដែលប្រសើរបំផុត។ ជប៉ុនសម្រាប់ពេលនេះជាអ្នកមានបច្ចេកវិទ្យារថភ្លើងលឿនប្រសើរជាងគេបំផុត ដែលអាចទទួលអ្នកដំណើរ។
ក្នុងឆ្នាំ២០១៥បណ្ដាវិស្វករនៃរថភ្លើងលឿន MAGLEV ធ្លាប់ប្រកាសពីការសម្រេចបានល្បឿនរថភ្លើងមួយ ដែលអាចរត់បានជាង៦០០គីឡូម៉ែត្រក្នុង១ម៉ោង ក្នុងរយៈពេល១១វិនាទីក្រោយការចេញដំណើរ។ រថភ្លើងលឿនមុនអាចរត់បានល្បឿន៥៩០គីឡូម៉ែត្រក្នុង១ម៉ោងក្រោយចេញដំណើរ១៩វិនាទី៕
（ប្រភព៖kohsantepheapdaily.com.kh）
មតិពីមិត្តអ្នកអាន