យុគសម័យ - ពិធីដង្ហែក្បួននេះមានការដាក់បង្ហាញរថពាសដែក កាំជ្រួញមីស៊ីលនិងទាហានម៉ារីនជាច្រើនមកពីគ្រប់វិស័យយោធាទាំងអស់។
ទោះយ៉ាងណាក៏ដោយ ក្បួនដង្ហែនេះត្រូវបានធ្វើឡើងយ៉ាងរលូន និងមានការសរសេរពាក្យស្លោកមួយចំនួនដែលផ្ដោតសំខាន់លើការអភិវឌ្ឍសេដ្ឋកិច្ចព្រមទាំងជីវភាពរបស់ប្រជាជនកូរ៉េខាងជើងផងដែរ (រូបថតៈ news.sabay.com.kh)
ថ្នាក់ដឹកនាំកូរ៉េខាងជើងនៅថ្ងៃអាទិត្យ ទី៩ខែកញ្ញានេះ បានដឹកនាំក្បួនដង្ហែយោធាដ៏ធំមួយនៅក្នុងការអបអរសាទរខួបលើកទី៧០នៃការបង្កើតកូរ៉េខាងជើង។ លោក Kim Jong Un មិនបានថ្លែងសុន្ទរកទៅកាន់ហ្វូងមនុស្ស ដែលបានមកជួបជុំគ្នានៅទីលានមានឈ្មោះថា Kim Il Sung Square ទេ។ ពិធីដង្ហែក្បួននេះមានការដាក់បង្ហាញរថពាសដែក កាំជ្រួញមីស៊ីលនិងទាហានម៉ារីនជាច្រើនមកពីគ្រប់វិស័យយោធាទាំងអស់។
រូបថតៈ news.sabay.com.kh
ការប្រារព្ធពិធីក្នុងឆ្នាំនេះមិនបានបង្ហាញពីកាំជ្រួញមីស៊ីលដែលប្រើប្រាស់បច្ចេកវិទ្យាខ្ពស់បំផុតរបស់ប្រទេសកូរ៉េខាងជើងមួយនេះទេ។ ផ្ទុយទៅវិញពិធីបុណ្យក្នុងឆ្នាំនេះបានបញ្ជាក់អំពីការផ្តោតលើយុទ្ធសាស្រ្តពង្រឹងផ្នែកសេដ្ឋកិច្ចរបស់កូរ៉េខាងជើងជំនួសវិញ។ ការដង្ហែក្បួនយោធានេះត្រូវបានធ្វើឡើងនៅចំពេលសំខាន់សម្រាប់កូរ៉េខាងជើង។
រូបថតៈ news.sabay.com.kh
កូរ៉េខាងជើងកំពុងព្យាយាមបន្ធូរបន្ថយភាពតានតឹងជាមួយសហរដ្ឋអាមេរិក បន្ទាប់ជំនួបកំពូលជាប្រវត្តិសាស្រ្តរវាងលោក Kim Jong Un និងលោកប្រធានាធិបតី Donald Trump កាលពីខែមិថុនាឆ្នាំនេះនៅប្រទេសសិង្ហបុរី
រូបថតៈ vov
ថ្នាក់ដឹកនាំទាំងពីរចង់បង្កើតកិច្ចព្រមព្រៀងនានាឲ្យបាននៅមុនចាប់ផ្តើមកិច្ចចរចាថ្មី។ រដ្ឋាភិ បាលក្រុងវ៉ាស៊ីនតោនចង់ឲ្យកូរ៉េខាងជើងប្តេជ្ញាថា នឹងធ្វើមិនឲ្យមាននុយក្លេអ៊ែរ ខណៈរដ្ឋាភិបាលក្រុងព្យុងយ៉ាងទាមទារការធានាអះអាងផ្នែកសន្តិសុខ និងសម្បទានផ្សេងៗទៀតពីសហរដ្ឋអាមេរិកមុននឹងការបំផ្លាញទីតាំងស្តុកនុយក្លេអ៊ែររបស់ខ្លួន៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន