យុគសម័យ - ក្រសួងការបរទេសអាមេរិកបានវាយតម្លៃថា កិច្ច សហប្រតិបត្តិការ រវាងសហរដ្ឋអាមេរិកនិងវៀតណាម មាន ការរីកចម្រើនគួរឱ្យចាប់អារម្មណ៍។ ភាគីទាំងពីរបាន សម្របសម្រួលគ្នាលើគ្រប់វិស័យ ដូចជា ពាណិជ្ជកម្ម ការអភិវឌ្ឍន៍ ការអប់រំ…
ការផលិតរថយន្តផលិតនៅរោងចក្ររបស់ក្រុមហ៊ុន Ford វៀតណាម (សម្ព័ន្ធអាជីវកម្មរវាងក្រុមហ៊ុន Ford គ្រុបនៃសហរដ្ឋអាមេរិកនិងក្រុមហ៊ុន Diesel Song Cong)។ (រូបថត៖ ទីភ្នាក់ងារសារព័ត៌មានវៀតណាម)
ក្នុងឱកាសនៃកិច្ចប្រជុំរដ្ឋមន្ត្រីការបរទេសអាស៊ានលើកទី ៥៣ (AMM ៥៣) និងកិច្ចប្រជុំពាក់ព័ន្ធ និងឱកាសអបអរសាទរ ២៥ ឆ្នាំនៃការបង្កើតទំនាក់ទំនងវៀតណាម - អាមេរិក នាថ្ងៃទី ៩ ខែកញ្ញា ក្រសួងការបរទេសអាមេរិកបានបង្ហោះសារអបអរសាទរចំពោះកិច្ចប្រជុំនេះបានរៀបចំប្រកបដោយជោគជ័យ ព្រមទាំង បានពិនិត្យមើលសមិទ្ធិផលលេចធ្លោក្នុងកិច្ចសហប្រតិបត្តិការជាមួយវៀតណាម។
ក្រសួងការបរទេសសហរដ្ឋអាមេរិកបានវាយតម្លៃថា កិច្ចសហប្រតិបត្តិការរវាងប្រទេសទាំងពីរពិតជាគួរអោយចាប់អារម្មណ៍ណាស់។ ភាគីទាំងពីរបានសម្របសម្រួលគ្នាលើគ្រប់វិស័យ ដូចជា ពាណិជ្ជកម្ម ការអភិវឌ្ឍន៍ ការអប់រំ ថែទាំសុខភាព ថាមពលនិងសន្តិសុខ។ ឥឡូវនេះ ប្រទេសទាំងពីរគឺជាដៃគូដែលមានទំនុកទុកចិត្តទៅវិញទៅមក ដោយមានទំនាក់ទំនងមិត្តភាពនិងផ្អែកលើការគោរពគ្នាទៅវិញទៅមក។
ទាក់ទងនឹងការអភិវឌ្ឍធនធានមនុស្ស កិច្ចសហប្រតិបត្តិការអប់រំរវាងវៀតណាមនិងសហរដ្ឋអាមេរិកបានជួយជំរុញការបង្កើតមហាវិទ្យាល័យ Fulbright នៅវៀតណាម។ នេះគឺជាមហាវិទ្យាល័យដំបូងដែលចងសម្ព័ន្ធជាមួយសហរដ្ឋអាមេរិកនៅប្រទេសវៀតណាម។ យោងតាមក្រសួងការបរទេសសហរដ្ឋអាមេរិកបានប៉ាន់ប្រមាណថា និស្សិតវៀតណាមជិត ៣០.០០០ នាក់កំពុងសិក្សានៅក្នុងប្រទេសនេះ។ បច្ចុប្បន្ននេះ ប្រទេសវៀតណាមជាប់ចំណាត់ថ្នាក់លេខ ៦ ក្នុងបណ្តាប្រទេសដែលមាននិស្សិតអន្តរជាតិច្រើនជាងគេនៅសហរដ្ឋអាមេរិក ដោយបានចូលរួមវិភាគទានជិត ១ ពាន់លានដុល្លារដល់សេដ្ឋកិច្ចអាមេរិក ហើយក៏នាំមកនូវវិភាគទានដ៏មានតម្លៃសម្រាប់ទំនាក់ទំនងប្រជាជននិងប្រជាជននៃប្រទេសទាំងពីរផងដែរ។
ក្នុងកិច្ចសហប្រតិបត្តិការសន្តិសុខ វៀតណាមនិងអាមេរិកបានចែករំលែកចក្ខុវិស័យយុទ្ធសាស្ត្រនូវសន្តិភាព ស្ថិរភាពនិងសណ្តាប់ធ្នាប់ផ្អែកលើច្បាប់។ ភាគីទាំងពីរបានសហការគ្នាក្នុងការងារមួយចំនួន ដូចជាការថែរក្សាសន្តិភាពជំនួយមនុស្សធម៌ / ការឆ្លើយតបគ្រោះមហន្តរាយការស្វែងរកនិងជួយសង្គ្រោះសន្តិសុខដែនសមុទ្រនិងវេជ្ជសាស្ត្រយោធា។
ចាប់តាំងពីឆ្នាំ ២០០៩ សហរដ្ឋអាមេរិកបានវិនិយោគជាង ៤០០ លានដុល្លារអាមេរិក ដើម្បីពង្រឹងសមត្ថភាពសម្របសម្រួល។ ទំនាក់ទំនងការពារជាតិរបស់ប្រទេសទាំងពីរមានគោលបំណងលើកកម្ពស់បរិយាកាសសន្តិសុខឱ្យបានរឹងមាំនិងសន្តិភាព ដោយបង្កើនការវិនិយោគ ធានាសន្តិសុខថាមពលនិងនាំមកនូវវិបុលភាពសេដ្ឋកិច្ចរួម។
ក្នុងវិស័យសេដ្ឋកិច្ច បើយោងតាមក្រសួងការបរទេសអាមេរិកចាប់តាំងពីប្រទេសទាំងពីរបានបង្កើតទំនាក់ទំនង ក្នុងរយៈពេល ២៥ ឆ្នាំកន្លងមក ទំហំពាណិជ្ជកម្មទ្វេភាគីបានកើនឡើងពី ០ ដល់ ៧៧ ពាន់លានដុល្លារ /ក្នុងមួយឆ្នាំ។ ការនាំចេញសំខាន់ៗរបស់សហរដ្ឋអាមេរិកទៅកាន់ប្រទេសវៀតណាម រួមមានកុំព្យូទ័រ អេឡិចត្រូនិក កប្បាស យន្តហោះនិងប្រេងឆៅ។ បច្ចុប្បន្នប្រទេសវៀតណាមគឺជាទីផ្សារនាំចេញធំជាប់ចំណាត់ទី ៦ សម្រាប់ផលិតផលស្បៀងអាហារនិងកសិផលរបស់សហរដ្ឋអាមេរិក។
ក្នុងវិស័យសុខាភិបាលនិងបរិស្ថាន រដ្ឋាភិបាលសហរដ្ឋអាមេរិកកំពុងផ្តល់ថវិកាគាំទ្រផ្នែកសុខភិបាលនិងសេដ្ឋកិច្ចដល់ប្រទេសវៀតណាមជាង ១៣ លានដុល្លារដើម្បីឆ្លើយតបទៅនឹងការរីករាលដាលនៃជំងឺ COVID-19។ ការឆ្លងមេរោគផ្លូវដង្ហើមធ្ងន់ធ្ងរ COVID-១៩ ។ នៅពេលដែលទីក្រុងវ៉ាស៊ីនតោនបានដាក់ចេញផែនការសង្គ្រោះបន្ទាន់របស់ប្រធានាធិបតីសម្រាប់ការបង្ការនិងប្រយុទ្ធប្រឆាំងនឹងជំងឺ HIV/AIDS (PEPFAR)) ក្នុងឆ្នាំ ២០០៣ ប្រទេសវៀតណាមគឺជាប្រទេសដំបូងគេនៅអាស៊ីដែលទទួលបានការគាំទ្រនេះ។
ចាប់តាំងពីពេលនោះមក ប្រជាជនវៀតណាមជាង ១៤ ម៉ឺននាក់បានទទួលថ្នាំប្រឆាំងនឹងមេរោគ HIV/AIDS ក្នុងចំណោមករណីផ្ទុកមេរោគ HIVសរុបចំនួន ២៣០.០០០ នាក់នៅទូទាំងប្រទេស។ លើសពីនេះក្រសួងការបរទេសអាមេរិកបានសង្កត់ធ្ងន់ថាប្រទេសនេះរក្សាការប្តេជ្ញាចិត្តរបស់ខ្លួនក្នុងការដោះស្រាយបញ្ហាមនុស្សធម៌និងច្បាប់ទាក់ទងនឹងសង្គ្រាម។
រហូតមកដល់ពេលនេះសហរដ្ឋអាមេរិកបានចំណាយថវិកាជាង ៤០០ លានដុល្លារអាមេរិក ដើម្បីបន្សាបជាតិពុល dioxin បោសសម្អាតមីននិងជួយគាំទ្រដល់ជនពិការ។ សហរដ្ឋអាមេរិកក៏ស្វែងរកអ្នកដែលបាត់បង់និងស្លាប់នៅក្នុងសង្គ្រាមនិងកសាងទំនុកចិត្ត តាមរយៈការជំរុញការផ្លាស់ប្តូររវាងអតីតយុទ្ធជននៃប្រទេសទាំងពីរ./.（បកប្រែដោយឌីណា）
មតិពីមិត្តអ្នកអាន