ប្រធាន VUFO វាយតម្លៃខ្ពស់ចំពោះគំរោងការអភិវឌ្ឍន៍របស់អៀឡង់នៅវៀតណាម

ប្រធាន VUFO លោកស្រី Nguyen Phuong Nga (ស្តាំ) និងលោកស្រីឯកអគ្គរដ្ឋទូត Cait Moran (រូបថតៈ TV)

ក្នុងជំនួបនេះ ភាគីទាំងពីរបានចែករំលែកអំពីការអភិវឌ្ឍនៃទំនាក់ទំនងវៀតណាម - អៀរឡង់ នារយៈពេលថ្មីៗនេះ ជាពិសេសកិច្ចសហប្រតិបត្តិការមិត្តភាពនិងការជួបប្រាស្រ័យប្រជាជន តាម រយៈរាល់គម្រោងជួយឧបត្ថម្ភដល់សហគមន៍ជនជាតិភាគតិច សមភាពយេនឌ័រ អាហារូបត្ថម្ភសម្រាប់កុមារនិងការជំនះពុះពារលើផលវិបាកដោយសង្រ្គាមជាដើម។ ហើយប្រទេសអៀកឡង់បាននិងកំពុងរក្សាការសំរបសំរួលយ៉ាងជិតស្និទ្ធជាមួយអង្គការក្រៅរដ្ឋាភិបាល (NGO) អន្តរជាតិ ដូចជា PLAN, Blue Dragon) និងវៀតណាម (ISEE, CSDS) ដើម្បីអនុវត្តនូវគម្រោងទាំងនេះ។

ក្នុងឱកាសនោះ ឯកអគ្គរដ្ឋទូត លោកស្រី Moran ក៏បានសម្តែងនូវបំណងប្រាថ្នាចង់បន្តទទួលបានការគាំទ្រយ៉ាងសកម្មពី VUFO ក្នុងការបង្កលក្ខណៈងាយស្រួល ជាពិសេសគឺអំពីបែបបទរដ្ឋបាលសម្រាប់បណ្តា NGOs អៀរឡង់និងដៃគូអនុវត្តន៍គម្រោងរបស់រដ្ឋា ភិបាលអៀកឡង់នៅវៀតណាមផងដែរ។ យោងតាមឯកអគ្គរដ្ឋទូតអៀរឡង់ ក្នុងបរិបទដែលវៀតណាមកំពុងឈានដល់ដំណាក់កាលថ្មីនៃការអភិវឌ្ឍន៍ ប្រទេសអៀឡង់មានបំណងជំរុញកិច្ចសហប្រតិបត្តិការពាណិជ្ជកម្ម ជាពិសេសតាមរយៈការចុះហត្ថលេខាលើអនុស្សរណៈ យោគយល់ ដើម្បីបើកចេញឱកាសថ្មីសម្រាប់អាជីវកម្មនៃប្រទេសទាំងពីរ។

លោកស្រីឯកអគ្គរដ្ឋទូតក៏បានសង្កត់ធ្ងន់លើតួនាទីនៃការទូតផ្នែកវប្បធម៌ក្នុងទំនាក់ទំនងទ្វេភាគី និងសម្តែងពីបំណងប្រាថ្នា ចង់អោយប្រទេសទាំងពីរអាចបង្កើនកម្មវិធីជួបប្រាស្រ័យដើម្បីផ្សារភ្ជាប់ជំនាន់ក្មេង ដោយផ្អែកលើកិច្ចសហប្រតិបត្តិការលើវិស័យអប់រំ ដែលកំពុងបានរក្សាប្រកបដោយប្រសិទ្ធភាព តាមរយៈសកម្មភាពផ្លាស់ប្តូរនិស្សិត កិច្ចសហប្រតិបត្តិការស្រាវជ្រាវរវាងបណ្តាសាកលវិទ្យាល័យផងដែរ។ នៅក្នុងជំនួបនោះ លោកស្រីឯកអគ្គរដ្ឋទូត Moran ក៏បានអញ្ជើញលោកស្រីប្រធាន VUFO អញ្ជើញចូលរួមខួបលើកទី ១០០ នៃទិវាបុណ្យជាតិអៀរឡង់ដែលគ្រោងនឹងប្រព្រឹត្តទៅនៅខែមីនាឆ្នាំ ២០១៩ខាងមុខ។

ចំណែកប្រធានបទ VUFO លោកស្រី Nguyen Phuong Nga បានសម្តែងក្តីសោមនស្សរីករាយដែលបានទទួលស្វាគមន៍ឯកអគ្គរដ្ឋទូតអៀរឡង់ដែលជាមិត្តជិតស្និទ្ធរបស់វៀតណាមអស់រយៈពេលជាង ៣ ឆ្នាំមកហើយ។ លោកស្រីប្រធាន VUFO បានអះអាងថា គម្រោងដែលត្រូវបានអនុវត្តដោយរដ្ឋាភិបាលអៀឡង់នៅវៀតណាមតាមរយៈស្ថានទូត បានរួមចំណែកជាវិជ្ជមានដល់ការអភិវឌ្ឍប្រកបដោយ ចីរភាពរបស់វៀតណាម។

VUFO និងជាពិសេសគឺគណៈកម្មាធិការសម្របសម្រួលជំនួយប្រជាជន (PACCOM) តែងតែបង្កើតលក្ខខណ្ឌល្អបំផុតដើម្បីបណ្តា NGOs របស់អៀរឡង់ក៏ដូចជាអង្គការដែលជាដៃគូរបស់រដ្ឋាភិបាល អៀឡង់នៅវៀតណាម ដើម្បីបង្កើនតួនាទីរបស់ខ្លួនក្នុងគម្រោងជួយឧបត្ថម្ភវៀតណាម។ ប្រធាន VUFO លោកស្រី Nguyen Phuong Nga បាបសម្តែងក្តីសង្ឃឹមថា ឈរលើមូលដ្ឋានដ៏រឹងមាំបច្ចុបន្ននេះ វៀតណាមនិងអៀឡង់នឹងបើកចេញកិច្ចសហប្រតិបត្តិការលើវិស័យថ្មីជាច្រើនទៀតនាពេលខាងមុខជាមិនខាន៕

（សរុបព័ត៌មាន ដោយ ស្រីព្រេជ）

（សរុបព័ត៌មាន ដោយ ស្រីព្រេជ）