យុគសម័យ - នាថ្ងៃទី៦ ខែឧសភា កិច្ចប្រជុំស្តីពីដំណោះស្រាយស្តារឡើងវិញវិស័យទេសចរណ៍ បន្ទាប់ពីបញ្ចប់ការរីករាលដាលនៃជំងឺ Covid-19 តាមរយៈប្រព័ន្ធវីដេអូពីចម្ងាយ (Video Conference) ដែលរៀបចំដោយសមាគមទេសចរណ៍វៀតណាម ។
ខេត្ត Da Nang គឺជាគោលដៅទេសចរចាប់ចិត្តសម្រាប់ភ្ញៀវទេសចរ។ (រូបថត៖ nha ban hang.com)
កិច្ចប្រជុំនេះត្រូវបានរៀបចំឡើង សំដៅវាយតំលៃនូវការខូចខាតដែលបណ្តាលមកពីការរីករាលដាលនៃជំងឺ Covid-19 ចំពោះវិស័យទេសចរណ៍ ព្រមទាំងស្នើឲ្យរដ្ឋ និងស្ថាប័នពាក់ព័នកែសម្រួលគោលនយោបាយ ដើម្បីគាំទ្រសហគ្រាសអាជីវកម្មទេសចរណ៍ស្រមស្របទៅនឹងស្ថានភាពជាក់ស្តែង។
ក្នុងកិច្ចប្រជុំនេះ អង្គប្រជុំទាំងឡាយបានពិភាក្សាអំពីដំណោះស្រាយ ដើម្បីស្តារសកម្មភាពទេសចរណ៍ឡើងវិញ ក្នុងគោលបំណងនាំវិស័យទេសចរណ៍វៀតណាមត្រឡប់ទៅរកសន្ទុះកំណើន ចាប់ពីខែកក្កដា ឆ្នាំ ២០២១ ដោយមានកម្មវិធីជំរុញទេសចរណ៍ជាតិ ចាប់ពីខែឧសភា ឆ្នាំ ២០២០ ហើយត្រៀមរៀបចំកម្មវិធីទាក់ទាញភ្ញៀវទេសចរអន្តរជាតិ។ ទន្ទឹមនឹងនោះ អង្គប្រជុំទាំងឡាយក៏បានពិភាក្សាអំពីការប្រើប្រាស់បច្ចេកវិទ្យាព័ត៌មានក្នុងវិស័យទេសចរណ៍ អនុវត្តសកម្មភាពគាំទ្រសហគ្រាសអាជីវកម្មវិស័យទេសចរណ៍ ដូចជា៖ ការបណ្តុះបណ្តាល ការបំប៉ន់ជំនាញទេសចរណ៍ សម្រាប់ពលករដែលធ្វើការក្នុងវិស័យទេសចរណ៍ និងការកសាងផលិតផលទេសចរណ៍ថ្មីៗ ជាដើម./.
（ប្រែសម្រូលដោយឌីណា）
មតិពីមិត្តអ្នកអាន