សកម្មភាពក្នុងក្របខ័ណ្ឌនៃមហាសន្និបាតអង្គការបណ្តាស្ថាប័នសវនកម្មកំពូលអាស៊ី លើកទី១៤ (ASOSAI 14) ដោយមូលបទ “សវនកម្មបរិស្ថានសម្រាប់ការអភិវឌ្ឍប្រកប ដោយចីរភាព” នឹងបានប្រារព្ធឡើងពីថ្ងៃទី១៩ដល់ថ្ងៃទី២២ខែកញ្ញានៅទីក្រុងហាណូយ និងទីក្រុង Quang Ninh នៃប្រទេសវៀតណាម។
អគ្គសវនកររដ្ឋវៀតណាមលោក Ho Duc Phoc បានអះអាងថា ASOSAI 14 គឺជាសក្ខីភាពនៃការរីកចម្រើននិងការអភិវឌ្ឍន៍របស់ផ្នែកសវនកម្មរដ្ឋវៀតណាម
ក្នុងនោះ ពិធីបើកមហាសន្និបាតនឹងបានធ្វើឡើងនាថ្ងៃទី១៩ខែកញ្ញា ដោយមានការចូលរួមរបស់ប្រធានរដ្ឋសភាវៀតណាម លោកស្រី Nguyen Thi Kim Ngan រួមទាំងប្រតិភូ២៥០នាក់មកពីស្ថាប័នសវនកម្មកំពូល នៃបណ្តាប្រទេសក្នុងទ្វីបអាស៊ី ដោយប្រធានប្រតិភូកាន់ដំណែងពីថ្នាក់រដ្ឋមន្ត្រី ឡើងទៅ។
នេះជាព័ត៌មានដោយសវនកម្មរដ្ឋនាំចេញនៅក្នុងសន្និសីទសារព័ត៌មានជូនដំណឹងអំពី ASOSAI 14 និងពិធីបើកសម្ពោធដាក់ឲ្យដំណើរការមជ្ឈមណ្ឌលសារព័ត៌មាន ASOSAI 14 ដែលបានប្រព្រឹត្តទៅនាថ្ងៃទី១៧ខែកញ្ញានៅទីក្រុងហាណូយ។
មហាសន្និបាត ASOSAI 14 ជាព្រឹត្តិការណ៍អន្តរជាតិកំពូល មានទ្រង់ទ្រាយធំបំផុតរបស់ ASOSAI ដែលបានរៀបចំឡើងនៅវៀតណាមជាលើកដំបូង។ អញ្ជើញថ្លែងមតិក្នុងសន្នីសីទសារព័ត៌មាន អគ្គសវនករវៀតណាម លោក Ho Duc Phoc បានអះអាងថា៖ “ដោយការទទួលរៀបចំហាសន្និបាត ASOSAI លើកដំបូងដែលជាព្រឹត្តិការណ៍នយោបាយការទូតដ៏មានសារសំខាន់នេះ គឺជាសក្ខីភាពបញ្ជាក់ពីការរីកចម្រើនរបស់សវនកម្មរដ្ឋវៀតណាម ព្រមទាំងអះអាងនូវតួនាទីនិងឋានៈរបស់សវនកម្មរដ្ឋវៀតណាមក្នុងតំបន់ និងអន្តរជាតិ។ នេះជាឱកាសដើម្បីយើងឧទ្ទេសនាមនិងផ្សព្វផ្សាយអំពីរូបភាព ទឹកដី និងមនុស្សវៀតណាមដ៏រួសរាយរាក់ទាក់ ស្វាហាប់ និងទំនើបជាមួយមិត្តភក្តិអន្តរជាតិ”។
សូមគូសបញ្ជាក់ថា មហាសន្និបាត ASOSAI ត្រូវបានប្រារព្ធឡើង៣ឆ្នាំម្តង ដែលជាឱកាស សម្រាប់ប្រមុខស្ថាប័នសវនកម្មកំពូល (SAI) សមាជិក ASOSAI ជួបជុំ ដើម្បីពិភាក្សា និងចែករំលែកបទពិសោធន៍លើវិស័យសវនកម្មរដ្ឋ ហើយបោះឆ្នោតជ្រើសតាំងក្រុម ប្រឹក្សាប្រតិបត្តិនិងប្រធាន ASOSAI សម្រាប់អាណត្តិក្រោយ។
តាមរយៈរបៀបវារៈនៃមហាសន្និបាតលើកនេះ ASOSAI បានដាក់ចេញសារមួយសំដៅ អះអាងថា អស់រយៈពេល៤០ឆ្នាំចាប់បដិសន្ធិនិងអភិវឌ្ឍន៍មក ASOSAI នៅតែជាអង្គកា ឈានមុខក្នុងវិស័យសវនកម្មសាធារណៈ អភិបាលកិច្ចសាធារណនិងបន្តខិតខំប្រឹងប្រែង ឲ្យក្លាយទៅជាអង្គការគំរូរបស់ INTOSAI ក្នុងគោលបំណងបង្កើនតម្លៃនិងផលប្រយោជន៍សម្រាប់ស្ថាប័នសវនកម្មជាសមាជិក(SAI)។ រួមជាមួយគ្នានោះ ASOSAI ក៏បានជម្រុញ កិច្ចសហប្រតិបត្តិការរវាងសមាជិកជាមួយតំបន់ដោយឥតឈប់ឈរ ព្រមទាំងអះអាង នូវ តួនាទីរបស់ INTOSAI ក្នុងការជម្រុញការអនុវត្តរាល់គោលដៅអភិវឌ្ឍន៍ប្រកបដោយ ចីរភាព “SDG” តាមរយៈគំនិតផ្តួចផ្តើមស្តីពីសវនកម្មបរិស្ថាន៕
（ប្រភពព័ត៌មាន: VOV5-វិទ្យុសម្លេងវៀតណាម）
មតិពីមិត្តអ្នកអាន