ប្រទេសវៀតណាមបានលើកកម្ពស់តួនាទីរបស់ខ្លួនជាប្រធានអាស៊ាន ២០២០ ទោះបីមានបញ្ហាប្រឈមពីជំងឺ Covid-19 ក៏ដោយ

លោក Nguyen Quoc Dung អនុរដ្ឋមន្រ្តីក្រសួងការបរទេស អគ្គលេខាធិការគណៈកម្មាធិការជាតិអាស៊ាន ២០២០ បានថ្លែងនៅក្នុងសន្និសីទនេះ។ (រូបថត៖ QD)

នៅព្រឹកថ្ងៃទី ៥ ខែមិថុនា នាយកដ្ឋានសារព័ត៌មានក្រសួងព័ត៌មាននិងគមនាគមបានរៀបចំសន្និសីទបណ្តុះបណ្តាលឃោសនាស្តីពីឆ្នាំជាប្រធានអាស៊ានឆ្នាំ ២០២០ សម្រាប់ទីភ្នាក់ងារសារព័ត៌មានទូទាំងប្រទេស។

អញ្ជើញចូលរួមវគ្គបណ្តុះបណ្តាលនេះមានការចូលរួមពី លោកអនុរដ្ឋមន្រ្តីក្រសួងការបរទេស Nguyen Quoc Dung អគ្គលេខាធិការនៃគណៈកម្មាធិការជាតិអាស៊ាន ២០២០ និងលោកអនុរដ្ឋមន្រ្តីក្រសួងព័ត៌មាននិងគមនាគមន៍ Hoang Vinh Bao ។ ក្រៅពីនេះសិក្ខាសាលាក៏មាន វាគ្មិនមកពីក្រសួងឧស្សាហកម្មនិងពាណិជ្ជកម្ម និងក្រសួងការងារយុទ្ធជនពិការ និងសង្គមកិច្ច និងមានការវត្តមានរបស់អ្នកយកព័ត៌មាននិងនិពន្ធ អ្នកកែសម្រួលជាច្រើនមកពីទីភ្នាក់ងារសារព័ត៌មាននានានៅទូទាំងប្រទេស។

ថ្លែងមតិនៅសន្និសីទនេះ លោកអនុរដ្ឋមន្រ្តីក្រសួងការបរទេស Nguyen Quoc Dung បានលើកឡើងថា មុនពេលដែលវៀតណាមទទួលយកតួនាទីជាប្រធានអាស៊ាននៅឆ្នាំ ២០២០ វៀតណាមត្រូវត្រៀមរៀបចំយ៉ាងហ្មត់ចត់ពេញមួយឆ្នាំ ២០១៩ ។ វៀតណាម​បាន​ពិភាក្សានិងកំណត់ប្រធានបទនៃឆ្នាំអាស៊ាន ២០២០ ជា "ការតភ្ជាប់និងការបន្សាំទៅនឹង " ។

ដូច្នោះ“ ការតភ្ជាប់គ្នា” មានន័យថា អាស៊ានចាំបាច់ត្រូវរួបរួមគ្នា តាមរយៈ ការសម្របសម្រួលផលប្រយោជន៍នៅចំពោះមុខស្ថានភាពពិភពលោកដែលមានភាពស្មុគស្មាញ។ “ បន្សាំទៅនឹង” គឺជាការធ្វើសកម្មភាពយ៉ាងសកម្ម ក្នុងការប្រឈមមុខនឹងការផ្លាស់ប្តូរនិងបញ្ហាប្រឈមដែលមិនមែនជាប្រពៃណី ដោយប្រកួតប្រជែងជាមួយបណ្តាប្រទេសធំៗ និងទាញយកអត្ថប្រយោជន៍ពីបដិវត្តឧស្សាហកម្ម ៤.០ ។ ក្រៅពីនេះវៀតណាមក៏បានបង្កើតគំនិតផ្តួចផ្តើមដ៏ជាក់លាក់ជាច្រើនលើសសរ ស្តម្ភទាំង ៣ របស់សហគមន៍អាស៊ានគឺសន្តិសុខនយោបាយ សេដ្ឋកិច្ចនិងវប្បធម៌សង្គម។

ទិដ្ឋភាពទូទៅនៃសន្និសីទ។ (រូបថត៖ QD)

យ៉ាងណាក៏ដោយយោងតាមអនុរដ្ឋមន្រ្តី Nguyen Quoc Dung ដោយសារផលប៉ះពាល់នៃជំងឺរាតត្បាត Covid-19 វៀតណាមបានប្រឈមនឹងបញ្ហាជាច្រើន នៅពេលដើរតួជាប្រធានអាស៊ាន។ ជាក់ស្តែងសកម្មភាពរបស់អាស៊ានត្រូវបានប៉ះពាល់យ៉ាងខ្លាំង។ នៅពេលដែលសកម្មភាពចំនួន ២៩៩ ត្រូវបានពន្យារពេល លុបចោលឬត្រូវផ្លាស់ប្តូររបៀបរៀបចំ។

ទោះយ៉ាងណា មុនពេលការផ្ទុះឡើងនៃជំងឺ Covid-19 បានជះឥទ្ធិពលយ៉ាងខ្លាំងដល់ពិភពលោក ក្នុងប៉ុន្មានខែដំបូងនៃឆ្នាំ ២០២០ វៀតណាមនៅតែរៀបចំព្រឹត្តិការណ៍និងកិច្ចប្រជុំសំខាន់ៗដូចជា កិច្ចប្រជុំរដ្ឋមន្រ្តីការបរទេសអាស៊ាន (AMM Retreat) កិច្ចប្រជុំរដ្ឋមន្រ្តីការពារជាតិអាស៊ាន (ADMM) កិច្ចប្រជុំរដ្ឋមន្រ្តីសេដ្ឋកិច្ច (AEM) ... បានបង្កើតគ្រឹះមូលដ្ឋានសម្រាប់ឆ្នាំ ២០២០ ទាំងមូល។

ទន្ទឹមនឹងនេះដោយមានការយល់ព្រមពីលោកនាយករដ្ឋមន្រ្តី Nguyen Xuan Phuc ប្រទេសវៀតណាមបានផ្លាស់ប្តូរការផ្តោតអារម្មណ៍របស់អាស៊ានភ្លាមៗ គឺការយកចិត្តទុកដាក់លើកិច្ចសហប្រតិបត្តិការនូវការបង្ការនិងការគ្រប់គ្រងការរីករាលដាលនៃ Covid-19 ការកែសំរួលកម្មវិធីនិងសកម្មភាពពេញមួយឆ្នាំ; ផ្លាស់ប្តូរទ្រង់ទ្រាយនៃការប្រជុំពីមុខទល់មុខគ្នា តាមបណ្តាញអ៊ីនធើណិត។ សំរបសំរួលរៀបចំនិងចូលរួមកិច្ចប្រជុំសំខាន់ៗជាច្រើន នៅក្នុងអាស៊ានក៏ដូចជាជាមួយដៃគូមួយចំនួន ដូចជា៖ អាមេរិក ចិន អឺរ៉ុប ... ; គាំទ្រឧបករណ៍វេជ្ជសាស្រ្ត ឧបករណ៍ធ្វើតេស្តសម្រាប់បណ្តាប្រទេសអាស៊ានទាំងអស់ ក៏ដូចជាដៃគូសំខាន់ ... សម្រេចបាននូវលទ្ធផលសំខាន់ៗជាច្រើន ជាពិសេសការកសាងផែនការមេ ដើម្បីស្តារអាស៊ានឡើងវិញ ក្រោយគ្រប់គ្រងបានជំងឺ Covid-19 ។

（បកប្រែដោយឌីណា）

（បកប្រែដោយឌីណា）