យុគសម័យ - បន្ទាប់ពីការស្រាវជ្រាវនិងទទួលបានលទ្ធផលជាវិជ្ជមាន វិទ្យាស្ថាន IVAC បានផ្ញើគំរូវ៉ាក់សាំង Covid-19 ទៅកាន់សហរដ្ឋអាមេរិក ដើម្បីធ្វើការវាយតម្លៃបន្ថែមទៀត។ គេរំពឹងថា នៅចុងខែសីហា ឆ្នាំ ២០២០ សហរដ្ឋអាមេរិកនឹងមានការឆ្លើយតបជាលើកដំបូង។
គំរូនៃវ៉ាក់សាំង Covid-19 ត្រូវបានស្រាវជ្រាវជាមួយដៃគូ ចាប់តាំងពីខែឧសភា ឆ្នាំ២០២០ ។ ផែនទីបង្ហាញផ្លូវស្រាវជ្រាវដែលយើងបានអនុវត្តតាមវិធីសាស្រ្ត ហើយជាដំបូងយើងទទួលបានលទ្ធផលល្អប្រសើរ។ ដើម្បីវាយតម្លៃថា តើវ៉ាក់សាំងនេះមានសុវត្ថិភាពឬអាចប្រឆាំងនឹងជំងឺ Covid-19 ដែលមានការវាយតម្លៃជាក់លាក់ពីភ្នាក់ងារផ្សេងៗគ្នា។ លោកបណ្ឌិត Thai មានប្រសាសន៍ នាយកវិទ្យាស្ថាន IVAC។
ប្រទេសវៀតណាមបានរកឃើញករីណីផ្ទុកជំងឺ Covid-19 ចំនួន ៦២១ នាក់ ។ (រូបថត៖ zing.com.vn)
យោងតាមលោក Thai បន្ទាប់ពីមានលទ្ធផលដំបូងនៅខែកក្កដាឆ្នាំ ២០២០ វិទ្យាស្ថាន IVAC បានផ្ញើគំរូវ៉ាក់សាំងទៅកាន់សហរដ្ឋអាមេរិក ដើម្បីវាយតម្លៃលទ្ធផល។ លោកបានមានប្រសាសន៍ថា“ គេរំពឹងថា នៅចុងខែសីហាឆ្នាំនេះនឹងមានលទ្ធផលដំបូង។ ប្រសិនបើការឆ្លើយតបពីសហរដ្ឋអាមេរិកមានភាពវិជ្ជមាន វិទ្យាស្ថាន IVAC នឹងរៀបចំដំណាក់កាលបន្ទាប់សម្រាប់ការធ្វើតេស្តលើមនុស្ស” ។ លោកនាយកវិទ្យាស្ថាន IVAC បាននិយាយថា ប្រសិនបើទទួលលទ្ធផលល្អប្រសើរពីការធ្វើតេស្តលើមនុស្ស ផលិតផលវ៉ាក់សាំង Covid-19 គ្រោងនឹងផលិត នាចុងឆ្នាំ២០២១។ ការផ្ញើគំរូវ៉ាក់សាំង Covid-19 ទៅកាន់សហរដ្ឋអាមេរិកគឺគ្រាន់តែជាជំហានដំបូង ហើយមិនអាចនិយាយអ្វីបានទេ នៅពេលនេះ។
ដំណើរការស្រាវជ្រាវវ៉ាក់សាំងធម្មតាទទួលបានជោគជ័យត្រូវការរយៈពេលពី ៧-១០ ឆ្នាំ។ ប៉ុន្តែនៅក្នុងបរិបទនៃការរាតត្បាត Covid-19 ដែលវិវត្តដ៏ស្មុគស្មាញ រដ្ឋាភិបាល ក្រសួងសុខាភិបាលនិងក្រសួងពាក់ព័ន្ធផ្សេងទៀតក៏មានគោលនយោបាយ ដើម្បីកាត់បន្ថយដំណាក់កាលមួយចំនួនដែរ។ ទោះជាយ៉ាងណាគុណភាពវ៉ាក់សាំងជាអាទិភាពបំផុតក្នុងដំណើរការស្រាវជ្រាវ” ។
យោងតាមលោក Thai ការស្រាវជ្រាវនិងផលិតវ៉ាក់សាំងមួយដែលទាក់ទងនឹងជំងឺរាតត្បាតដូចជា វីរុស SARS-CoV-2 ទាមទារកត្តាបីយ៉ាង។ ទីមួយគឺត្រូវមានប្រភេទវីរុសប្រកបដោយសុវត្ថិភាពនិងបង្កើតប្រព័ន្ធលើកលែងជំងឺ។ ទីពីរគឺបច្ចេកវិទ្យាសមស្រប។ ទីបីគឺការអភិវឌ្ឍវ៉ាក់សាំង។
លោក Thai បានមានប្រសាសន៍ថា“ កត្តាទាំង ៣ដែលពោលខាងលើនេះ វិទ្យាស្ថាន IVAC អាចឆ្លើយតបយ៉ាងល្អសម្រាប់ការស្រាវជ្រាវ” ./.
(បកប្រែដោយឌីណា)
មតិពីមិត្តអ្នកអាន