យុគសម័យ- លោកនាយករដ្ឋមន្រ្តីបានចែករំលែកនូវការលំបាកនិងការខាតបង់ដែលបណ្តាលមកពីការរីករាលដាលនៃជំងឺ Covid-19 ចំពោះប្រជាជនជប៉ុន ហើយបានស្នើឱ្យប្រទេសទាំងពីរបង្កើនកិច្ចសហប្រតិបត្តិការលើការបង្ការនិងទប់ទល់នឹងជំងឺ Covid-19។
នាថ្ងៃទី ២៣ ខែមីនា លោកនាយករដ្ឋមន្ត្រី Nguyen Xuan Phuc បានផ្ញើលិខិតជូនទៅលោកនាយករដ្ឋមន្រ្តីជប៉ុន Shinzo Abe និង ចែករំលែកការលំបាកនិងការខាតបង់ដែលបណ្តាលមកពីការរីករាលដាលនៃ Covid-19 ចំពោះប្រជាជនជប៉ុន។
លោកនាយករដ្ឋមន្រ្តីបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រដ្ឋាភិបាលនិងប្រជាជនជប៉ុន ក្នុងការគ្រប់គ្រងជំងឺរាតត្បាត ហើយបានស្នើបង្កើនកិច្ចសហប្រតិបត្តិការក្នុងការបង្ការនិងទប់ស្កាត់ជំងឺនេះ។
អ្នកដំណើរនៅតែមមាញឹកនៅស្ថានីយ៍ Sannomiya ទីក្រុង Kobe ប្រទេសជប៉ុន នាថ្ងៃទី ២០ ខែមីនា។ ( រូបថត៖ Kyodo )
ក្នុងស្មារតីនៃភាពជាដៃគូយុទ្ធសាស្ត្រទូលំទូលាយរវាងវៀតណាមនិងជប៉ុន ក្នុងនាមជាប្រទេសសម្របសម្រួលទំនាក់ទំនងអាស៊ាន - ជប៉ុនក្នុងដំណាក់កាល ២០១៨-២០២១ ប្រធានអាស៊ាន ២០២០ និងសមាជិកមិនអចិន្ត្រៃយ៍នៃក្រុមប្រឹក្សាសន្តិសុខ សន្តិសុខរបស់អង្គការសហប្រជាជាតិ អាណត្តិ ២០២០-២០២១ លោកនាយករដ្ឋមន្រ្តី Nguyen Xuan Phuc បានស្នើឲ្យប្រទេសទាំងពីរ បន្តសម្របសម្រួល យ៉ាងជិតស្និទ្ធ ដើម្បីអភិវឌ្ឍទំនាក់ទំនងអាស៊ាន - ជប៉ុន យ៉ាងរឹងមាំ ជំរុញកិច្ចសហប្រតិបត្តិការ ប្រកបដោយប្រសិទ្ធភាពរវាងវៀតណាមនិងជប៉ុន ក្នុងវិស័យនយោបាយ ការទូត ការវិនិយោគ ពាណិជ្ជកម្ម ការផ្លាស់ប្តូរប្រជាជននិងប្រជាជន ... ក៏ដូចជានៅលើ វេទិកាអន្តរជាតិនិងក្នុងតំបន់។
យោងតាមស្ថិតិផ្លូវការប្រទេសជប៉ុនគិតត្រឹមថ្ងៃទី ២៣ ខែមីនា បានកត់ត្រាករណីផ្ទុកជំងឺ Covid-19 ចំនួន ១.៨១៣ ករណី ក្នុងនោះមានមនុស្សស្លាប់ចំនួន ៤៩ នាក់./.(បកប្រែដោយឌីណា)
មតិពីមិត្តអ្នកអាន