យុគសម័យ - អ្នកជំនាញរបស់ធនាគារអភិវឌ្ឍន៍អាស៊ី(ADB) ជឿជាក់ថាប្រទេសវៀតណាមកំពុងបង្ហាញនូវការស្តារសេដ្ឋកិច្ចឡើងវិញខ្លាំងជាងបណ្តាខឿនសេដ្ឋកិច្ចផ្សេងទៀតនិងទស្សនវិស័យសេដ្ឋកិច្ច រយៈពេលមធ្យមនិងយូរអង្វែងនៅតែមានសញ្ញាវិជ្ជមាន។
សកម្មភាពផលិតនៅក្នុងសហគ្រាសមួយ។ (រូបថត៖ PV / វៀតណាម +)
កាលពីថ្ងៃទី ១៥ ខែកញ្ញា ធនាគារអភិវឌ្ឍន៍អាស៊ី (ADB) បានចេញផ្សាយរបាយការណ៍ធ្វើបច្ចុប្បន្នភាពនៃការអភិវឌ្ឍអាស៊ី (ADO) ឆ្នាំ ២០២០ ដែលជាការចេញផ្សាយប្រចាំឆ្នាំរបស់ធនាគារអភិវឌ្ឍន៍អាស៊ី។ របាយការណ៍បានបង្ហាញថា សេដ្ឋកិច្ចវៀតណាមត្រូវបានគេរំពឹងថានឹងកើនឡើង ១,៨% ក្នុងឆ្នាំ ២០២០ ចំពេលដែលការរីករាលដាលនៃជំងឺ COVID-19 និងកើនឡើង ៦,៣% ក្នុងឆ្នាំ ២០២១ ។
អ្នកជំនាញ ADB វិភាគសេដ្ឋកិច្ចវៀតណាមនឹងទទួលបានអត្ថប្រយោជន៍ពីការផ្លាស់ប្តូរផលិតកម្មដែលកំពុងធ្វើឡើងពីប្រទេសចិនទៅប្រទេសវៀតណាម ការស្តារឡើងវិញនៃសេដ្ឋកិច្ចប្រទេសចិននិងការអនុវត្តកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុប។ កំណើនទាបនឹងរក្សាអតិផរណានៅត្រឹម ៣,៣% ក្នុងឆ្នាំ ២០២០ និង ៣,៥% នៅឆ្នាំ ២០២១ ។
នៅឆ្នាំ ២០២១ ការវិនិយោគនឹងត្រូវបានជម្រុញដោយការធ្វើឱ្យប្រសើរឡើងនូវការវិនិយោគទុនសាធារណៈផលិតកម្ម បន្តផ្លាស់ប្តូរផលិតកម្មពីចិនទៅវៀតណាម សេដ្ឋកិច្ចចិនស្តារឡើងវិញនិងកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុបបានអនុវត្ត ដើម្បីសេរីភាវូបនីយកម្មពាណិជ្ជកម្ម។
ក្រៅពីនេះ អង្គការពាណិជ្ជកម្មក្រៅប្រទេសជប៉ុនបានប្រកាសបញ្ជីសហគ្រាសចំនួន ១៥ របស់ជប៉ុនដែលនឹងផ្លាស់ប្តូរផលិតកម្មពីប្រទេសចិនទៅប្រទេសវៀតណាម។ ក្រុមហ៊ុនភាគច្រើនបានផ្លាស់ផលិតកម្មទៅប្រទេសវៀតណាមដែលផលិតឧបករណ៍ពេទ្យហើយក្រុមហ៊ុននៅសល់ផលិតឧបករណ៍អេឡិចត្រូនិក គ្រឿងបន្លាស់ទូរស័ព្ទ ម៉ាស៊ីនត្រជាក់ឬម៉ូឌុលថាមពល។
អ្នកជំនាញ ADB ជឿជាក់ថាទស្សនវិស័យសេដ្ឋកិច្ចរបស់វៀតណាមក្នុងរយៈពេលខ្លីនឹងប្រឈមមុខនឹងការលំបាកជាច្រើននៅក្នុងបរិបទនៃវិបត្តិសេដ្ឋកិច្ចពិភពលោកនិងការធ្លាក់ចុះនៃសេដ្ឋកិច្ចក្នុងស្រុកដែលកំពុងបង្ហាញភាពអាក្រក់ជាងការរំពឹងទុក។ ទោះយ៉ាងណាក៏ដោយប្រទេសវៀតណាមកំពុងបង្ហាញនូវភាពរឹងមាំមួនជាងខឿនសេដ្ឋកិច្ចដទៃទៀតនិងទស្សនវិស័យរយៈពេលមធ្យមនិងរយៈពេលវែងនៅតែមានលក្ខណៈវិជ្ជមាន។ មូលដ្ឋានគ្រឹះសេដ្ឋកិច្ចនៅតែមិនទាន់ចុះខ្សោយ ហើយប្រទេសវៀតណាមមានសក្តានុពលក្នុងការទទួលបានផលប្រយោជន៍ពីពាណិជ្ជកម្ម ការវិនិយោគនិងនិន្នាការផលិតកម្មពិភពលោក នាពេលបច្ចុប្បន្ន។
លោក Andrew Jeffries នាយកជាតិរបស់ធនាគារអភិវឌ្ឍន៍អាស៊ីប្រចាំនៅប្រទេសវៀតណាមបានផ្តល់យោបល់ថា៖“ ការធ្លាក់ចុះនៃការប្រើប្រាស់ក្នុងស្រុកនិងការធ្លាក់ចុះនៃតម្រូវការពិភពលោកដោយសារជំងឺ COVID-19 បានជះឥទ្ធិពលដល់សេដ្ឋកិច្ចវៀតណាមយ៉ាងខ្លាំងជាងការរំពឹងទុក ប៉ុន្តែសេដ្ឋកិច្ចវៀតណាមមានការកើនឡើង សេដ្ឋកិច្ចនៅតែជារឹងមាំ នៅឆ្នាំ ២០២០ ដោយសាការដឹកនាំត្រឹមត្រូវរបស់រដ្ឋាភិបាលក្នុងការគ្រប់គ្រងការរីករាលដាលនៃ COVID-19 ។ កំណើនសេដ្ឋកិច្ចនឹងត្រូវបានគាំទ្រដោយស្ថិរភាពម៉ាក្រូសេដ្ឋកិច្ចរបស់វៀតណាម បង្កើនការចំណាយសាធារណៈនិងការកែទម្រង់ដែលកំពុងបន្តសំដៅលើកកម្ពស់បរិយាកាសធុរកិច្ច./. ”
（បកប្រែដោយឌីណា）
មតិពីមិត្តអ្នកអាន