យុគសម័យ - សម្តេចព្រះអគ្គមហាសង្ឃរាជាធិបតី ទេព វង្ស និងសម្តេចព្រះមហាសង្ឃរាជាធិបតី បួរ គ្រី បានសម្តែងក្តីសោមនស្សរីករាយដែលបានទទួលស្វាគមន៍ជាមួយអគ្គលេខាបក្ស ប្រធានរដ្ឋ លោក Nguyen Phu Trong និងគណៈប្រតិភូវៀតណាម។
សម្តេចព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា អញ្ជើញទទួលបដិសណ្ឋារកិច្ចចំពោះអគ្គលេខាបក្ស ប្រធានរដ្ឋវៀតណាមលោក Nguyen Phu Trong (រូបថតៈ pressocm.gov.kh)
សម្តេចព្រះអភិសិរីសុគន្ធា មហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ គណៈធម្ម យុត្តិកនិកាយ នៃព្រះរាជាណាចក្រកម្ពុជា ទទួលជួបសវនាការជាមួយ អគ្គលេខាបក្ស ប្រធានរដ្ឋវៀតណាម លោក Nguyen Phu Trong (រូបថតៈ pressocm.gov.kh)
បន្តដំណើរទស្សនកិច្ចថ្នាក់រដ្ឋនៅព្រះរាជាណាចក្រកម្ពុជា នាព្រឹកថ្ងៃទី២៦ខែកុម្ភៈ អគ្គលេខាបក្ស ប្រធានរដ្ឋវៀតណាមបានអញ្ជើញចូលថ្វាយបង្គំ សម្តេចព្រះអគ្គមហាសង្ឃរាជាធិបតី ទេព វង្ស នៅឯវត្តឧណ្ណាលោម និងសម្តេចព្រះមហាសង្ឃរាជាធិបតី បួរ គ្រី នៅឯវត្តស្វាយពពែ។
រូបថតៈ pressocm.gov.kh
រូបថតៈ pressocm.gov.kh
រូបថតៈ pressocm.gov.kh
សម្តេចព្រះអគ្គមហាសង្ឃរាជាធិបតី ទេព វង្ស និងសម្តេចព្រះមហាសង្ឃរាជាធិបតី បួរ គ្រី បានសម្តែងក្តីសោមនស្សរីករាយដែលបានទទួលជួបជាមួយអគ្គលេខាបក្ស ប្រធានរដ្ឋវៀតណាមនិងគណៈប្រតិភូជាន់ខ្ពស់វៀតណាម ក្នុងឱកាសនៃដំណើរទស្សនកិច្ចថ្នាក់រដ្ឋនៅព្រះរាជាណាចក្រកម្ពុជា និងសង្កត់ធ្ងន់ថា ដំណើរទស្សនកិច្ចនេះ បង្ហាញនូវទំនាក់ទំនងកម្ពុជា-វៀតណាម កំពុងមានការអភិវឌ្ឍយ៉ាងល្អប្រសើរលើគ្រប់វិស័យ ទាំងនយោបាយ សេដ្ឋកិច្ច និងសង្គម ជាពិសេស ចំណងសាមគ្គីភាព រវាងប្រជាជាតិទាំងពីរក៏កំពុងមានផ្លែផ្កាពីមួយថ្ងៃទៅមួយថ្ងៃ។
រូបថតៈ pressocm.gov.kh
រូបថតៈ pressocm.gov.kh
រូបថតៈ pressocm.gov.kh
អគ្គលេខាបក្ស ប្រធានរដ្ឋវៀតណាមលោក Nguyen Phu Trong បានថ្លែងអំណរគុណយ៉ាងជ្រាលជ្រៅចំពោះការទទួលបដិសញ្ឋារកិច្ចយ៉ាងកក់ក្តៅពីសម្តេចព្រះសង្ឃរាជទាំងពីរអង្គ និងជូនពសម្តេចព្រះសង្ឃរាជទាំងពីរអង្គ មានសុខភាពបរិបូរនិងអាយុយឺនយូរ ដោយបន្តការរួមចំណែកក្នុងបុព្វហេតុសន្តិភាព ភាពសុខដុមរមនាជាតិ កសាងនិងអភិវឌ្ឍន៍ប្រទេសកម្ពុជាឲ្យកាន់តែសម្បូររុងរឿង ប្រជាពលរដ្ឋកម្ពុជាមានជីវភាពសុខសាន្ដ សប្បាយរីករាយ វិបុលភាពនិងសុភមង្គល។
អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានវាយតម្លៃខ្ពស់ចំពោះទំនាក់ទំនងជាប្រពៃណីយ៉ាងល្អប្រសើររវាងព្រះពុទ្ធសាសនានៃប្រទេសទាំងពីរ និងជឿជាក់ថា ទំនាក់ទំនងសាមគ្គីភាព មិត្តភាព កិច្ចសហប្រតិបត្តិការជាប្រពៃណីរវាងប្រជាជននៃប្រទេសទាំងពីរ នៅតែបានរក្សាជានិច្ចសម្រាប់កូនចៅនាពេលអនាគត៕
(សរុបនិងបកប្រែព័ត៌មាន ដោយ ស្រីព្រេជ)
មតិពីមិត្តអ្នកអាន