យុគសម័យ - នាថ្ងៃទី ២៧ ខែឧសភា ជើងហោះហើរដឹកពលរដ្ឋវៀតណាមជិត ៣៤០ នាក់មកពីកូរ៉េខាងត្បូងបានចុះចតដោយសុវត្ថិភាពនៅអាកាសយានដ្ឋានអន្តរជាតិដាណាំង។
នៅអាកាសយានដ្ឋានអន្តរជាតិដាណាំង (រូប៖ VOV)។
ក្រោមការដឹកនាំរបស់នាយករដ្ឋមន្រ្តី នាប៉ុន្មានថ្ងៃថ្មីៗនេះ ក្រសួងការបរទេស ក្រសួងគមនាគមដឹកជញ្ជូន ស្ថាប័នមានសមត្ថកិច្ចក្នុងស្រុកនិងស្ថាប័នតំណាងវៀតណាមនៅបរទេសបានរៀបចំជើងហោះហើរជាច្រើនដើម្បីនាំពលរដ្ឋវៀតណាមវិលត្រឡប់មបកកាន់ប្រទេសវិញ។
នាថ្ងៃទី ២៧ ខែឧសភា ស្ថាប័នមានសមត្ថកិច្ចវៀតណាម ស្ថានទូតវៀតណាមប្រចាំនៅកូរ៉េខាងត្បូងនិងក្រុមហ៊ុនអាកាសចរណ៍ជាតិវៀតណាមបានរៀបចំជើងហោះហើរដើម្បីនាំពលរដ្ឋវៀតណាមត្រឡប់មកកាន់ប្រទេសវិញ។
អ្នកដំណើរនៅលើជើងហោះហើរនេះ រួមមានក្មេងៗ សិស្ស មនុស្សចាស់ មនុស្សឈឺ និស្សិតបរទេស ដែលបានបញ្ចប់ការសិក្សា ពលករដែលផុតកំណត់ទិដ្ឋាការនិងកិច្ចសន្យាការងារ អ្នកទេសចរឬធ្វើដំណើរអាជីវកម្មដែលបានជាប់គាំងដោយសារផលប៉ះពាល់នៃការរីករាលដាលនៃជំងឺរាតត្បាត COVID-19។
ករណីនៃដែលបានរកឃើញឆ្លងវីរុស COVID-19 ត្រូវបានផ្ទេរទៅព្យាបាលនៅតាមមូលដា្ឋនសុខភាព ធានាការបង្ការការឆ្លងទៅសហគមន៍ (រូប៖VOV)។
ភ្លាមៗបន្ទាប់ពីចុះចតនៅវៀតណាម ក្រុមអ្នកបើកបរនិងអ្នកដំណើរទាំងអស់ត្រូវបានពិនិត្យសុខភាពនិងដាក់នៅដាច់ដោយឡែកយោងទៅតាមបទបញ្ជា។ ករណីដែលរកឃើញថាមានឆ្លងវីរុស SAR-CoV-2 ត្រូវបានបញ្ជូនទៅមូលដ្ឋានសុខភាព ដើម្បីធានាការបង្ការការឆ្លងទៅសហគមន៍។
ផ្អែកលើគោលបំណងរបស់ប្រជាជន វិវត្តន៍ប្រែប្រួលជាក់ស្តែងនៃជំងឺរាតត្បាតទាំងក្នុងនិងក្រៅប្រទេស សមត្ថភាពដាកល់នៅដាច់ដោយឡែករបស់មូលដ្ឋាន ស្ថាប័នមានសមត្ថកិច្ចវៀតណាមនិងស្ថាប័នតំណាងវៀតណាមនៅបរទេសនឹងបន្តសម្របសម្រួលជាមួយក្រុមហ៊ុនអាកាសចរណ៍ក្នុងស្រុកដើម្បីរៀបចំជើងហោះហើរដើម្បីនាំពលរដ្ឋត្រឡប់មកកាន់ប្រទេសវិញ៕
មតិពីមិត្តអ្នកអាន