យុគសម័យ - នៅថ្ងៃទី ២៤ ខែកុម្ភៈមុនពេលគ្រោះថ្នាក់នៃការរីករាលដាលនៃជំងឺ COVID-19 រីករាលដាលទៅដល់ខេត្តនិងក្រុងមួយចំនួននៃប្រទេសនេះ ក្រៅពីរាជធានីភ្នំពេញ ស្ថានអគ្គកុងស៊ុលវៀតណាមប្រចាំនៅខេត្តព្រះសីហនុបានចេញសេចក្តីជូនដំណឹងបន្ទាន់មួយជូនដល់ សហគមន៍ប្រជាជនមានដើមកំណើតវៀតណាម នៅតាមបណ្តាខេត្ត (ស្ថិតក្នុងតំបន់ដែលស្ថានអគ្គកុងស៊ុលទទួលបន្ទុក) អំពីវិធានការណ៍បង្ការនឹងការរីករាលដាលនិងវិធានការជួយគាំទ្រក្នុងករណីចាំបាច់។
កម្លាំងសមត្ថកិច្ចកម្ពុជាកំពុងបំពេញភារកិច្ចនៅកោះពេជ្រ។ (រូបថត៖ VNA)
មុននេះនៅល្ងាចថ្ងៃទី ២៣ ខែកុម្ភៈអាជ្ញាធរខេត្តព្រះសីហនុបានប្រកាសថា បានរកឃើញករណីឆ្លងថ្មីចំនួន ២ ករណីនៅក្នុងខេត្តនេះដែលជាភ្ញៀវទេសចរបរទេសស្នាក់នៅបណ្តោះអាសន្ន ក្នុងខេត្ត។
សេចក្តីជូនដំណឹងរបស់ស្ថានអគ្គកុងស៊ុលវៀតណាម (តំបន់ដែលស្ថានអគ្គកុងស៊ុលទទួល រួមមាន៖ ខេត្តព្រះសីហនុ ខេត្តកែប ខេត្តកំពត ខេត្តកោះកុង ខេត្តតាកែវនិងខេត្តកំពង់ស្ពឺ) បានបញ្ជាក់ថា សហគមន៍ប្រជាជនមានដើមកំណើតវៀតណាម ជាពិសេសចំនួនប្រជាជនរស់នៅខេត្តព្រះសីហនុកប្បីស្ងប់ចិត្ត មិនប្រារម្ភនិងចាំបាច់អនុវត្តឱ្យបានម៉ឺងម៉ាត់នូវលក្ខណៈវិនិច្ឆ័យ "០៣ ប្រការនិង ០៣ មិន" ដែលរាជរដ្ឋាភិបាលនិងវិស័យសុខាភិបាល បានដាក់ចេញ។ ការពារខ្លួនដោយការពាក់ម៉ាស់ នៅពេលចេញខាងក្រៅ លាងដៃឱ្យបានញឹកញាប់ជាមួយនឹងទឹកថ្នាំសំលាប់មេរោគ ហើយត្រូវគោរពតាមគោលការណ៍ណែនាំអំពីការបង្ការនឹងការរីករាលដាលនៃជំងឺ COVID-19 របស់ក្រសួងសុខាភិបាលនៃប្រទេសកម្ពុជា។ ក្រៅពីនេះ ប្រជាជនជៀសវាងការប្រមូលផ្តុំដែលមិនចាំបាច់ និងអនុវត្តវិធានការរក្សាគម្លាតសង្គម ដើម្បីទប់ស្កាត់នឹងការរីករាលដាលនៃជំងឺរាតត្បាត។
នៅក្នុងបរិបទនៃការរាតត្បាត នាពេលបច្ចុប្បន្នសេចក្តីជូនដំណឹងបានបញ្ជាក់យ៉ាងច្បាស់ថា ប្រសិនបើបងប្អូនប្រជាជនមានសំណួរនិងត្រូវការជំនួយនិងការពន្យល់អ្វី ពីភ្នាក់ងារតំណាងសូមទាក់ទងតាមលេខទូរស័ព្ទ 0882248888; (ពាក់ព័ន្ធនឹងការងារកុងស៊ុល) ទាក់ទងនឹងការងារសហគមន៍ (អាណិកជនវៀតណាម)តាម លេខទូរស័ព្ទ 0977988666 ។
ស្ថានអគ្គកុងស៊ុលតែងតែយកចិត្តទុកដាក់និងរួមដំណើរជាមួយប្រជាជនមានដើមកំណើតវៀតណាម នៅតំបន់ភាគនិរតីនៃប្រទេសកម្ពុជា ក្នុងការបង្ការនិងទប់ស្កាត់នឹងការរីករាលដាល COVID-19 ធ្វើបច្ចុប្បន្នភាពព័ត៌មានទាន់ពេល ដើម្បីឱ្យប្រជាជនមានអារម្មណ៍សុវត្ថិភាព និងធ្វើឱ្យជីវិតរបស់ពួកគេមានស្ថេរភាព./.（បកប្រែដោយឌីណា）
（ប្រភពព័ត៌មាន: baotintuc.vn）
មតិពីមិត្តអ្នកអាន