យុគសម័យ - នារសៀលថ្ងៃទី ១ ខែ មិថុនា សមាគមកាកបាទក្រហមវៀតណាម បានទទួលម៉ាស់វេជ្ជសាស្រ្តចំនួន ១២,០០០ ដើម្បីជួយឧបត្ថម្ភប្រជាជនវៀតណាមដែលកំពុងជាប់គាំង ដោយសារជំងឺ Covid-19 នៅបរទេស។
សមាគមកាកបាទក្រហមវៀតណាមបានទទួលម៉ាស់វេជ្ជសាស្រ្តចំនួន ១២,០០០។ (រូបថត៖ Giao Duc vs Thoi Dai)
ទាំងនេះគឺជាចំនួនម៉ាស់ការពារនិងប្រឆាំងនឹងបាក់តេរីដែលឆ្លើយតបនឹងស្តង់ដារអន្តរជាតិដែលបានចូលរួមចំណែក ដោយអាជីវកម្មមួយចំនួន ដូចជាក្រុមហ៊ុនភាគហ៊ុនវិនិយោគនិងអភិវឌ្ឍទេសចរណ៍អន្តរជាតិវៀតណាម ក្រុមហ៊ុន Skysea Travel និងមូលនិធិសប្បុរសធម៌របស់សមាគមឪពុកម្តាយ ដែលមានកូនកំពុងសិក្សានៅបរទេស។
ថ្លែងនៅក្នុងពិធីនេះលោក Tran Quoc Hung អនុប្រធានសមាគមកាកបាទក្រហមវៀតណាមបានទទួលស្គាល់ពីភាពសប្បុរសនិងសាមគ្គីភាពរបស់ឪពុកម្តាយមានកូនកំពុងសិក្សានៅបរទេស ក៏ដូចជាអាជីវកម្មនៅរដ្ឋធានី Ha Noi បានរួមចំណែកនិងគាំទ្រសហគមន៍ជនជាតិវៀតណាមដែលកំពុងជួបស្ថានភាពលំបាក ដោយសារការរីករាលដាលនៃជំងឺ Covid-19 នៅតាមប្រទេសជាច្រើន ជុំវិញពិភពលោក។
លោក Tran Quoc Hung បានបង្ហាញជំនឿថា ព្រឹត្តិការណ៍ប្រគល់ម៉ាស់វេជ្ជសាស្រ្តនឹងរួមចំណែកដល់ការផ្សព្វផ្សាយនូវប្រពៃណីល្អ សាមគ្គីភាពការជួយគ្នាទៅវិញទៅមកដល់អាជីវកម្ម បុគ្គល ក៏ដូចជាសមាគមនិងក្រុមជាច្រើននៅក្នុងសហគមន៍។ ហេតុដូច្នេះ លើកកម្ពស់សកម្មភាព ដើម្បីសហគមន៍ដែលសហគមន៍កាកបាទក្រហមវៀតណាមគឺជាស្ពានដែលអាចទុកចិត្តបាន។
លោក Tran Quoc Hung អនុប្រធានសមាគមកាកបាទក្រហមវៀតណាម (ទីបួនរាប់ពីខាងស្តាំ) ទទួលម៉ាស់វេជ្ជសាស្ត្រពីតំណាងសមាគមឪពុកម្តាយដែលមានកូនកំពុងសិក្សានៅឯបរទេសនិងអាជីវកម្ម។ (រូបថត៖ Giao Duc vs Thoi Dai)
នៅក្នុងពិធីនោះដែរ លោកស្រី Tran Thi Thuy Lan (អនុប្រធាន ក្រុមប្រឹក្សាគ្រប់គ្រងផ្លូវបុរាណទីក្រុង Ha Noi) តំណាងឱ្យឪពុកម្តាយ បានប្រគល់ម៉ាស់ បាននិយាយថា៖បន្តសកម្មភាពសប្បុរសធម៌ដូចជាការប្រគល់ឧបករណ៍ការពារវេជ្ជសាស្រ្តដល់មជ្ឈមណ្ឌលដាក់ឲ្យនៅដាច់ដោយឡែក នៅ Son Tay (រដ្ឋធានី Ha Noi) នេះជាលើកទី ២ ក្នុងរយៈពេល ២ ខែក្រុមឪពុកម្តាយដែលមានកូនកំពុងសិក្សានៅឯបរទេសបានចូលរួមបរិច្ចាគម៉ាស់វេជ្ជសាស្ត្រប្រឆាំងបាក់តេរី ដើម្បីប្រគល់ដល់ជនជាតិវៀតណាមនៅក្រៅប្រទេស ដោយសារជំងឺ Covid-19 ។
ក្នុងពិធីប្រគល់ម៉ាស់នេះដែរ លោក Pham Tien Sy អគ្គនាយកក្រុមហ៊ុន ភាគហ៊ុន វិនិយោគទុនអភិវឌ្ឍន៍ទេសចរណ៍អន្តរជាតិខាងត្បូង បានសម្តែងនូវបំណងប្រាថ្នាថា បន្ទាប់ពីកម្មវិធីនេះ អាជីវកម្មនឹងបន្តសហការជាមួយសមាគមកាកបាទក្រហម វៀតណាម ដើម្បីរៀបចំកម្មវិធីសប្បុរសធម៌សម្រាប់សហគមន៍ដទៃទៀត./.
(បកប្រែដោយឌីណា)
មតិពីមិត្តអ្នកអាន