ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា យាងចម្រើនព្រះជន្មគម្រប់៦៧ យាងចូល៦៨ព្រះវស្សា នាថ្ងៃព្រហស្បតិ៍ ៨រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែឧសភា ឆ្នាំ២០២០។
ខាងក្រោម នេះ ជា ព្រះរាជ ជីវប្រវត្តិ សង្ខេប របស់ ព្រះករុណា ព្រះមហាក្សត្រ ព្រះបាទ សម្តេចព្រះ នរោត្តម សីហមុនី ៖
១៩៥៩-១៩៦២ - សិក្សានៅសាលាបឋមសិក្សា នរោត្តម វិទ្យាល័យ ដេកាត ភ្នំពេញ ព្រះរាជាណាចក្រកម្ពុជា
១៩៦២-១៩៦៧ - សិក្សានៅសាលាបឋមសិក្សា និងមធ្យមសិក្សា នៅ វិទ្យាល័យប្រាគ (ឆេកូស្លូវ៉ាគី)
១៩៦៧-១៩៧១ - សិក្សាផ្នែកសិល្បៈ របាំ -តូរ្យតន្ត្រី - ល្ខោន នៅ វិទ្យាស្ថាន អភិរក្សជាតិប្រាគ
១៩៧០ - មធ្យមសិក្សាប័ត្រនៅប្រាគ (និទ្ទេសល្អណាស់)
១៩៧១ - ជ័យលាភីលេខ១ផ្នែករបាំបុរាណនៅវិទ្យាស្ថានអភិរក្សជាតិប្រាគ
១៩៧១-១៩៧៥ - សិក្សានៅសកលវិទ្យាល័យបណ្ឌិតសភាផ្នែកសិល្បៈតន្ត្រីប្រាគ
១៩៧៥ - បរិញ្ញាប័ត្រជាន់ខ្ពស់នៃបណ្ឌិតសភាផ្នែកសិល្បៈតន្ត្រីប្រាគ
១៩៧៥ - ព្រះរាជនិពន្ធនិក្ខេបបទស្តីពីទស្សនៈ និងការគ្រប់គ្រងសាលាសិល្បៈនៅកម្ពុជា
១៩៧៥-១៩៧៦ - ឧត្តមសិក្សាខាងផ្នែកភាពយន្តនៅសាធារណរដ្ឋប្រជាមានិត ប្រជាធិបតេយ្យ កូរ៉េ ( កូរ៉េខាងជើង )
១៩៧៦-១៩៧៩ - ជាប់ក្រោមការឃុំឃាំងរបស់ខ្មែរក្រហមជាមួយព្រះវរាជបិតា និងព្រះវររាជមាតា និងព្រះអនុជសម្តេច នរោត្តម នរិន្ទ្រៈពង្ស
១៩៧៩-១៩៨០ - ព្រះលេខាផ្ទាល់ ព្រះវររាជបិតា ក្នុងពេល ព្រះអង្គគង់ប្រថាប់ នៅសាធារណរដ្ឋ ប្រជាមានិត ចិន
១៩៨១-២០០០ - សាស្ត្រាចារ្យផ្នែករបាំបុរាណ និងផ្នែកគរុកោសល្យសិល្បៈនៅវិទ្យាស្ថានអភិរក្ស Marius Petipa, Gabriel Faure និង W.A.Mozart នៅក្រុងប៉ារីស
១៩៨៤-១៩៨៨ - ប្រធានសមាគមរបាំខ្មែរនៅប្រទេសបារាំង និងជាអគ្គនាយក និងជានាយកសិល្បៈនៃក្រុមរបាំបាឡេ “DEVA” ។
១៩៨៨-១៩៩៣ - អគ្គនាយក និងជានាយកសិល្បៈនៃសាជីវកម្ម ខេមរភូមិន្ទ ភាពយន្ត “ ខេមរា ភាពយន្ត ”។ ព្រះករុណានរោត្តម សីហមុនី ទ្រង់បានបង្កើតស្នាព្រះហស្ថ នូវខ្សែភាពយន្ត របាំបាលេចំនួនពីរ រឿង១.” សុបិន្ត ” ២. “ ធាតុទាំង៤” ។
១៩៩២-១៩៩៣ - ជ្រើសតាំងជាឯកច្ឆន្ទ ជាតំណាងអចិន្ត្រៃយ៍នៃកម្ពុជាប្រចាំអង្គការសហប្រជាជាតិ ដោយក្រុមប្រឹក្សាជាតិជាន់ខ្ពស់នៃកម្ពុជា
១៩៩៣-២០០៤ - ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំអង្គការយូណេស្កូ
២០០៤ - សមាជិកក្រុមប្រឹក្សាជាន់ខ្ពស់នៃបណ្តាប្រទេសនិយាយភាសាបារាំង (Organisation Internationale de la Francophonie)
ថ្ងៃទី ១ ខែកុម្ភៈ ឆ្នាំ ១៩៩៤ - ព្រះមហាក្សត្រប្រោសប្រទានដំឡើងព្រះគោរម្យងារជាសម្តេចក្រុមឃុន
ថ្ងៃទី ១៧ ខែតុលា ឆ្នាំ ២០០៣ - ព្រះមហាក្សត្រប្រោសប្រទានតែងតាំងជាឧត្តមប្រឹក្សាផ្ទាល់ព្រះមហាក្សត្រ
ថ្ងៃទី ៣១ ខែសីហា ឆ្នាំ ២០០៤ - ព្រះមហាក្សត្រប្រោសប្រទានតម្លើង ព្រះគោរម្យងារជាសម្តេចព្រះបរមនាថ
ថ្ងៃទី ១៤ ខែតុលា ឆ្នាំ ២០០៤ - ព្រះអង្គ ត្រូវបាន សមាជិក ក្រុមប្រឹក្សារាជសម្បត្តិ ជ្រើសរើស ជា ឯកច្ឆន្ទ ជា ព្រះមហាក្សត្រ នៃព្រះរាជាណាចក្រកម្ពុជា ។
ថ្ងៃទី ២៩ តុលា ២០០៤ - ឡើងគ្រងរាជសម្បត្តិ បន្តពីសម្តេច ព្រះវររាជបិតា នរោត្តម សីហនុ ៕
（ប្រភពព័ត៌មាន: ប្រភពព័ត៌មាននិងរូបថត៖ thmey thmey.com）
មតិពីមិត្តអ្នកអាន