តំបន់ទេសចរណ៍ធម្មជាតិ នៅក្នុងប្រទេសកម្ពុជាបានលេចរូបរាងជាបន្តបន្ទាប់នៅស្ទើរគ្រប់ខេត្តក្រុងនៅក្នុងប្រទេស ហើយបានទាក់ទាញភ្ញៀវជាតិ អន្តរជាតិ ជាពិសេសអ្នកចូលចិត្តធ្វើដំណើររុករក បានទៅផ្តិតយកនូវរូបភាពទេសភាពប្លែកៗពីគ្នាពីតំបន់មួយទៅតំបន់មួយ ។
ប្រសិនបើយើងក្រឡេកទៅមើលខេត្តកោះកុងវិញ ក៏មានកន្លែងទាក់ទាញបែបធម្មជាតិមិនចាញ់ខេត្តដទៃដែរ ដូចជារមណីយដ្ឋានទឹកធ្លាក់តាតៃ ព្រៃកោងកាង ក៏ដូចជានៅតាមកោះនានាជាដើម ។ ថ្មីៗនេះ ស្រុកស្រែអំបិល ក៏បានរំលេចនូវតំបន់ទេសចរណ៍ធម្មជាតិដ៏ល្អប្រណិតមួយទៀតដូចនៅលើឋានសួគ៌នោះគឺ ស្ទឹងពពក ដែលយើងអាចមើលឃើញពពកនៅផ្តុំគ្នាជាច្រើន ហើយមានខ្យ់បក់ដូចជាទឹកស្ទឹងកំពុងហូរ ។
ស្ទឹងពពក ជាកន្លែងតែមួយគត់ដែលអាចមានលំហូរអព្ទ័តាមច្រលងជួរភ្នំក្រវាញខាងត្បូង បាំងអស់ព្រៃព្រឹក្សាដែលដុះនៅលើភ្នំ ហើយបើភ្ញៀវទេសចរណ៍បានទៅដល់លើភ្នំពេលណា ប្រាកដជាទទួលបានអារម្មណ៍មួយ ដែលហាក់បីដូចជាខ្លួនកំពុងឈរនៅលើអាកាសដ៏ខ្ពស់ ទទួលយកខ្យល់ដ៏បរិសុទ្ធបំផុត៕
ប្រភពរូបថត៖ popular.com.kh
(ប្រភពព័ត៌មាន: popular.com.kh)
មតិពីមិត្តអ្នកអាន